Янгиликлар

01.02.2024 Bir oilaning uch nafar farzandi hujjatga ega bo‘ldi
Yashnobod tumanining “Shirinobod” mahallasida istiqomat qiluvchi 27 yoshli Jamila Xodjayeva shu paytgcha fuqarolik pasporti yoki ID-karta olmagan. Shu sababli farzandlariga ham tug‘ilganlik haqidagi guvohnoma olishning imkoni bo‘lmagan.

“Hech bir shaxs hujjatsiz qolmaydi” aksiyasi doirasida ushbu oilaning 3 nafar farzandining tug'ilishi qayd etilib, tug‘ilganlik haqidagi guvohnomalari shaxsan adliya vaziri o‘rinbosari X.Meliyev va Toshkent shahar adliya boshqarmasi boshlig‘i N.Muhammadiyevlar ishtirokida topshirildi.

Huquqiy aksiya doirasida dastlabki 10 kunlikda Toshkent shahri bo‘yicha 150 nafar shaxslarga tegishli hujjatlar rasmiylashtirilib berildi.

30.01.2024 #huquqiy_aksiya
11 yoshli Elbekjon tug‘ilganlik guvohnomasiga ega bo‘ldi

    Poytaxtning Bektemir tumani “Chashma” mahallasida istiqomat qiluvchi 11 yoshli Elbekjon shu paytgacha tug‘ilganlik to‘g‘risidagi guvohnomasi bo‘lmaganligi sabab maktabga bora olmagan.

    Onasi Sakinaning aytishicha bola uyda tug‘ilganligi va o‘sha paytdagi oilaviy muammolar sabab Elbekjonga guvohnoma olish ishlari ortga surilgan. Oradan vaqt o‘tib bola maktab yoshiga yetgach hujjat to‘g‘irlash ishlari qiyinlashganini aytadi.

    Adliya vazirligi tomonidan o‘tkazilayotgan “Hech bir shaxs hujjatsiz qolmaydi” aksiyasi ushbu oilaga bir olam xursandchilik olib kirdi. Guvohnoma olgan Elbekjon endi maktabga chiqadigan bo‘ldi.

26.01.2024 #davlat_xizmatlari
  Tabiatning go‘zal manzarasi oppoq qor bugun poytaxtimizga o‘zgacha chiroy baxsh etmoqda

  Qalblarga bir olam zavq bag‘ishlovchi ushbu manzaradan bahramand bo‘lib Davlat xizmatlari markazi ostonasidan kirgan har bir mijozga xush kayfiyat va mehr bilan issiq choy va shirinliklar ulashayotgan xodimlar esa kayfiyatingizni yanada ko‘taradi.

  Har qanday ob-havo sharoitida ham biz Sizga iliqlik va mehr ulashishdan to‘xtamaymiz.

26.01.2024 #adliya_mahallalarda
  “Hech bir shaxs hujjatsiz qolmaydi!” huquqiy aksiyasi doirasida Toshkent shahridagi mahalallarda uyma-uy yurgan holda aholining muammolarini o‘rganishga qaratilgan xatlov ishlari va sayyor qabullar o’tkazilmoqda.

  Bektemir tumani adliya bo’limi va FHDY xodimlari tomonidan mahallalarda o’tkazilayotgan xatlov davomida 9 nafar fuqaroda  tug‘ilganlik guvohnomasi yo'qligi aniqlanib, hozirda ulardan 4 nafariga guvohnomalar topshirildi.

  Shuningdek,  nogironligi bo‘lgan shaxslarning imtiyozlardan foydalanish huquqi masalasidagi murojaatlar qabul qilinib,  ularga belgilangan tartibda amaliy yordamlar ko’rsatilmoqda.

25.01.2024 Tadbirkorlar safi kengaymoqda
   Hech bir shaxs hujjatsiz qolmaydi” huquqiy aksiyasi doirasida poytaxtning Uchtepa tumani "Farhod dehqon bozori"da sayyor davlat xizmatlari tashkil etildi.

  Tuman adliya bo‘limi Davlat xizmatlari markazi xodimlari tomonidan davlat ro‘yxatidan o‘tmasdan bozorda tadbirkorlik faoliyati bilan shug‘ullanib kelayotgan fuqarolarga amaliy yordam ko‘rsatilib, 20 ga yaqin yakka tartibdagi tadbirkorlar davlat ro‘yxatidan o‘tkazildi.

   Shuningdek Sergeli tumani Avtomobil bozorida o‘tkazilgan sayyor davlat xizmatlarida ham bozorda xujjatsiz faoliyat yuritib kelayotgan 20 dan ortiq   fuqarolarga tadbirkorlik bilan shug‘ullanish uchu ruxsatnomalar rasmiylashtirildi

25.01.2024 Mahallalarda aholi muammolari o'rganilmoqda
Ayni kunlarda poytaxtning barcha tumanlarida mahallalardagi muammolarning o‘z vaqtida va samarali yechilishida davlat organlari va tashkilotlarining mahallalardagi vakillarining sayi harakatlarini birlashtirish, muvofiqlashtirish va yo‘naltirish bo‘yicha ishchi guruhlar faoliyat olib borishmoqda.

Sektor rahbarlari, ishchi guruh va “mahalla yettiligi” tomonidan mahallada yashovchi aholining muammolarini o‘rganish va uyma-uy yurib xatlovdan o‘tkazish ishlari olib borilmoqda.

Aholi muammolarini yechishning mutlaqo yangi, samarali tizimini yaratish maqsadida xalq orasiga kirishini taʼminlaydigan ommaviy sayyor qabullarning tashkil etilishi ham odamlarga qulaylik bo‘lib xizmat qilmoqda

23.01.2024 Yoshlar bilan uchrashuv
Toshkent shahar adliya boshqarmasida Toshkent shahar yuridik texnikumi talabalari ishtirokida yoshlar bilan uchrashuv o‘tkazildi.

70 nafardan ortiq talaba yoshlar ishtirok etgan uchrashuvda dastlab boshqarma faoliyati va uning tizimidagi tashkilotlar haqida maʼlumotlar berilib, ushbu sohada ishlamoqchi bo‘lgan yoshlarga batafsil tushunchalar berildi.

Shuningdek, Adliya vazirligining bugungi kunda xalqaro hamjamiyatda tutgan o‘rni, boshqa davlatlarning huquqni qo‘llash amaliyoti bilan solishtirganda erishayotgan tajribalari haqida ham maʼlumotlar berildi.

Bir so‘z bilan aytganda talaba yoshlar bilan o‘tkazilgan ochiq muloqot qizg‘in savol javoblarga ham boy o‘tdi. Ularga avvalo vaqtdan unumli foydalanish, yoshlikda bilim egallash va o‘z kasbining yetuk mutaxassisi bo‘lish uchun hozirdan maqsadlari sari dadil odimlash haqida tavsiyalar berildi.

09.01.2024 #aholiga_yordam
83-yoshli onaxonga ID-kartasi yetkazib berildi

Mirzo Ulug‘bek tumanida istiqomat qiluvchi Miyassar Raximjanova pasportining muddati tugayotganligi sababli ID-kartaga almashtirish uchun tuman davlat xizmatlariga murojaat qilgan edi.

Onaxonning sog‘ligida biroz o‘zgarishlar bo‘lgani sabab, ID-karta tayyor bo‘lishi bilan markaz xodimlari ularni ovvora qilmaslik va holidan xabar olish uchun ham uylariga borib ID-kartani o‘z qo‘llariga topshirib qaytishdi.

06.01.2024 Adliyaga sayohat: yuz yillik yo‘l

06.01.2024 Yoshlar uchun “Ochiq eshiklar kuni” tashkil etildi

Новости 31 - 40 из 757
Начало | Пред. | 2 3 4 5 6 | След. | Конец