Янгиликлар
12
ДАВЛАТ ОРГАНИНИНГ МАСЪУЛ ШАХСИ – ДАРДИ БОР ФУҚАРОНИНГ ЎРНИДА ЎЗИНИ ҚЎЙИБ КЎРИШИ ШАРТ!
Фуқаро М.Р. ер бўлаги давлат ва жамоат эҳтиёжлари учун олиб қўйилганлиги муносабати билан компенсация тўлиқлигича берилмаганлигидан норози бўлиб, мулкий ҳуқуқни тиклашда анча овора бўлган.
Мурожаат этувчининг онаси мархума М.Зга уй жойи бузилиши эвазига хонадон ажратилиши белгиланган, хусусий мулк сифатида эътироф этиш масаласига келганда ҳал этилмасдан келинган.
Фуқаро М.Р-нинг Тошкент шаҳар адлия бошқармасига йўллаган мурожаатига оид материаллар билан танишсангиз фуқаронинг уйи Тошкент шаҳар ҳокимининг 2017 йилдаги тегишли қарори билан бузилганлигини, мулкдор мархума М.З-га ўз уйининг бузилиши эвазига хонадон ажратилиши кафолатланганлигини, давлат органларига шикоятлар қилинганлигига қарамасдан 2019 йилдан буён мурожаат қаноатлантирилмасдан келинганлигини кўрасиз.
Ўзбекистон Республикасининг “Хусусий мулкни ҳимоя қилишва мулкдорлар ҳуқуқларининг кафолатлари тўғрисида”ги Қонуннинг 7-моддасига кўра, мулкдорнинг давлат органлари билан ўзаро муносабатларида мулкдор ҳуқуқларининг устуворлиги принципи амал қилади, унга мувофиқ қонун ҳужжатларидаги хусусий мулк ҳуқуқини амалга ошириш билан боғлиқ ҳолда юзага келадиган барча бартараф этиб бўлмайдиган зиддиятлар ва ноаниқликлар мулкдорнинг фойдасига талқин этилади.
Қонуннинг ушбу талабига амал қилинганда эди, фуқаро М.Р. давлат органида эшикма эшик адолат излаб юрмас эди.
Бузилган уйнинг ҳақиқий мулкдори бўлганлигига қарамасдан ҳужжатларни расмийлаштиришнинг бунчалик кўп вақт талаб қилганлиги, ҳар қандай фуқарони ҳақли тарзда мурожаат қилишига сабаб бўлади.
Киритилган сўровлар натижаларига кўра, жорий йил 9 декабрда Олмазор туман ҳокимининг уй-жойи бузилишга тушган фуқарога хусусий мулк асосида уй-жой бериш ҳақидаги қарори билан марҳума М.З-га ажратилган хонадон хусусий мулк қилиб берилди.
Савол туғилади, яшаб турган уйи бузилганлиги аниқ, компенсация берилиши шарт бўлган бир вақтда – бу масалани ҳал этиш мутасадди органнинг биринчи галдаги вазифаларидан бўлиши керак эмасми?
Тошкент шаҳар адлия бошқармаси
бошлиғининг ўринбосари
Ф.Мирзаев