Янгиликлар

12.05.2025 Yangihayot tumani adliya bo‘limi tomonidan tuman Tibbiyot birlashmasida huquqiy targ‘ibot tadbiri o‘tkazildi
Tadbirda “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi 1-son qaror mazmun-mohiyati tushuntirilib, jinoyatchilikni oldini olishda shaxshiy mas’uliyat va daxldorlikni kuchaytirish lozimligi ta’kidlandi.

Shuningdek, “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi 133-son qaror yuzasidan targ‘ibot materiallari tarqatildi.

Huquqiy savodxonlikni oshirishga qaratilgan mazkur tadbir davomida "Bepul huquqiy maslahat har bir uyga" huquqiy aksiyasi doirasida tibbiyot xodimlariga huquqiy muammolari yuzasidan huquqiy maslahatlar berildi.

12.05.2025 Yoshlar o‘rtasida “Zukko kitobxon” tanlovi o‘tkazilmoqda
“Mening mahallamda jinoyat bo'lmaydi” dasturi doirasida mahallalardagi yoshlarning bo‘sh vaqtini mazmunli o‘tkazish, yoshlar orasida kitobga bo‘lgan qiziqishni oshirish maqsadida Yashnobod tumani adliya bo‘limi tomonidan yoshlar o‘rtasida “Zukko kitobxon” tanlovi o‘tkazildi.

Tanlov yakuni bo‘yicha 1-o'rinni tumandagi 30-maktabning 10-sinf o‘quvchisi Botirbayeva Bahora, 2-o'rinni 230-maktabning 9-sinf o‘quvchisi Abduhakimova Odina, 3-o'rinni 216-maktabning 8-sinf o'quvchisi Xolmatova Shaxzoda egalladi va “Eng yosh kitobxon” nominatsiyasi bo'yicha 155-maktabning 8-sinf o'quvchisi Obidov Anvar munosib deb topildi.

Tanlov yakunida g‘olib bo‘lgan yoshlarga diplom hamda esdalik sovg‘alari topshirildi.

08.05.2025 "Mening mahallamda jinoyat bo'lmaydi" dasturi doirasida hududlarda targ'ibot tadbirlari davom etmoqda
Xususan, Uchtepa tumani “Abdulla Qodiriy”, Yangihayot tumani “Do‘stlik”, Mirobod tumani “Parvona”, “Bilimdon”, Shayxontohur tumani “Gulbozor”, Sergeli tumani "Eshonbuloq" mahallalarida “Adliya kuni” doirasida sayyor qabullar va uyma-uy yurish orqali aholining huquqiy muammolari o‘rganildi.

Aholi bilan muloqotda qonunchilikdagi yangiliklar, xususan, ijtimoiy himoyaga muhtoj aholi qatlamlari uchun imtiyozlar, nafaqa tayinlash, ishsizlikdan himoyalanish, ijtimoiy yordam olish tartibi, shuningdek energoresurslar bilan bogʻliq yangiliklar, kiberxavfsizlik, firibgarlik, odam savdosi kabi jinoyatlar va uning salbiy oqibatlari tushuntirildi.

Shuningdek, "Bepul huquqiy maslahat bilan har bir uyga" aksiyasi doirasida mazkur mahallalarda istiqomat qilayotgan fuqarolarga sayyor davlat xizmatlari ko'rsatildi.

08.05.2025 "Bepul huquqiy maslahat bilan har bir uyga" huquqiy aksiyasi davom etmoqda
Shayxontohur tumani adliya bo‘limi tomonidan “Madad” NNT bilan hamkorlikda Toshkent davlat yuridik universiteti qoshidagi akademik litsey o‘quvchi va pedagoglari ishtirokida “Huquqiy ong va huquqiy madaniyatni oshirish davr taqozosi” mavzusida davra suhbati o‘tkazildi.

Tadbir davomida “my.gov.uz”, “yurxizmat.uz”, “advice.uz” portallaridan foydalanish tartibi haqida ma’lumotlar berildi.

Shuningdek, o‘quvchilarga bo‘sh vaqtlarini mazmunli tashkil etish, internet va ijtimoiy tarmoqlardagi asoslanmagan axborotlar ta’siriga tushib qolmaslik, kiberxavfsizlik, shaxsiy ma’lumotlar muhofazasi, firibgarlik, korrupsiya va odam savdosi kabi jinoyatlar, uning salbiy oqibatlari haqida tushunchalar berildi.

Suhbat shaklida o‘tkazilgan ushbu mashg‘ulotda o‘quvchilar o‘zlarini qiziqtirgan savollarga batafsil javob oldilar.

08.05.2025 “Bepul huquqiy maslahat bilan har bir uyga” huquqiy aksiyasi doirasida tadbirlar amalga oshirilmoqda
Huquqiy aksiya doirasida Yashnobod tumani adliya bo‘limi, xususan Davlat xizmatlari markazi, FHDY hamda “Madad” NNT xodimlari tomonidan tumanning “Fidoiylar”, “Boyqoʻrgʻon”, “Mashinasozlar” mahallalarida aholining huquqiy ongi va huquqiy madaniyatini oshirishga qaratilgan sayyor qabul va uyma-uy yurish tadbirlari o‘tkazildi.

Tadbir davomida, aholiga “my.gov.uz”, “yurxizmat.uz”, “advice.uz” portallaridan foydalanish tartibi haqida ma’lumotlar berildi hamda aholi orasidagi turli muammoli masalalar, xususan, tazyiq, migratsiya, moddiy yordam, aliment to‘lash, ishga joylashish va boshqalar bo‘yicha huquqiy tushuntirishlar berildi.

Shuningdek, Davlat xizmatlari markazi xodimlari tomonidan fuqarolarga kadastr masalalari, pensiya, bolani maktabgacha ta’lim muassasalariga joylashtirish masalalari bo‘yicha sayyor davlat xizmatlari ko‘rsatildi.

08.05.2025 Toshkent shahridagi FHDY organlari tomonidan qayd etilgan tug‘ilish va nikoh

08.05.2025 Kitobxon yoshlar - yurt kelajagi
“Mening mahallamda jinoyat bo'lmaydi” dasturi doirasida Mirobod tumani adliya bo‘limi tomonidan tumanning "Oltinko‘l", "Qorasuv" va "Sariko‘l" mahallalari yoshlari o‘rtasida “Zukko kitobxon” tanlovi o‘tkazildi.

Tanlov jarayonida ishtirokchilar asar tahlili va erkin shartlar kabi bosqichlardan oʻtib, oʻz bilim va koʻnikmalarini namoyish etdilar. Bunday tanlovlar yoshlar oʻrtasida kitobxonlik madaniyatini rivojlantirishga katta hissa qoʻshib, ularda kitobxonlikka boʻlgan qiziqishlarni yuksaltirishga xizmat qiladi.

Tanlov natijalariga ko‘ra, g‘olib bo‘lgan yoshlar tuman adliya bo’limi tomonidan diplom hamda esdalik sovg‘alari bilan taqdirlandi.

07.05.2025 Adliya xodimlari mahallalarda
“Bepul huquqiy maslahat bilan har bir uyga” aksiyasi doirasida mahallalarda uyma-uy yurgan holda aholining huquqiy muammolari hal etilmoqda.

Xususan, Mirzo Ulug’bek tumani adliya bo‘limi tomonidan huquqiy aksiya doirasida tumanning “Zakovat” mahallasida “Mahalla yettiligi” bilan  hamkorlikda  fuqarolar murojaatlari o‘rganilib, muammolarni hal etish choralari ko‘rildi.

Shuningdek, fuqarolarning kadastr, aliment undirish tartibi, nogironlikni belgilash kabi masalalarda murojaatlari tinglanib, huquqiy tushintirishlar berildi hamda sayyor davlat xizmatlari ko‘rsatildi.

“Bepul huquqiy maslahat bilan har bir uyga” aksiyasi davom etmoqda.

07.05.2025 Korrupsiya shunday yovuz illatki, u xalqning davlatga, Konstitutsiya va qonunlarga ishonchiga putur yetkazadi, barqaror rivojlanish va xavfsizlik uchun jiddiy tahdidga aylanadi — Shavkat Mirziyoyev
“Korrupsiya islohotlar yo‘lidagi eng katta to‘siq va g‘ov”  mavzusida Sanitariya-epidemiologik osoyishtalik va jamoat salomatligi qo‘mitasining Bektemir tuman bo‘limi xodimlari ishtirokida seminar o‘tkazildi.

Soha xodimlarining huquqiy ongi va madaniyatini yuksaltirish, ularda korrupsiyaga nisbatan murosasiz munosabatni shakllantirish maqsadida tashkil etilgan tadbirda  korrupsiyaning jamiyat taraqqiyotiga salbiy taʼsiri, uning ijtimoiy oqibatlari haqida tushunchalar berildi.

Shuningdek, tadbirda “Bepul huquqiy maslahat bilan har bir uyga” shiori ostida adliya tizimida start olgan aksiyaning ahamiyati tushuntirilib, barchani aksiyada faol ishtirok etish orqali huquqiy savodxonlikni oshirish imkoniyatidan unumli foydalanishga chorladi.

07.05.2025 “Ziyo ulash” aksiyasiga qoʻshiling!
Barchani kitob o‘qishga chorlayotgan „Ziyo ulash“ aksiyasi o‘z atrofiga ko‘plab kitobsevarlarni chorlamoqda.

Alfraganus universiteti talabalari Yunusobod tumani Davlat xizmatlari markazida tashkil etilgan “Ziyo ulash burchagi”ga kitoblar topshirib, tashabbusni qoʻllab-quvvatladilar.

“Ziyo ulash” aksiyasiga qoʻshiling, sevimli asarlaringizni ulashing va jamiyatda bilim aylanmasini yaratishga hissa qoʻshing!

Kitob ulashing — ziyo koʻpayadi.

Новости 101 - 110 из 1149
Начало | Пред. | 9 10 11 12 13 | След. | Конец