Bog'lanish

Telefon
(+998 71) 203-60-03

Elektron manzil
toshkent@adliya.uz

Habarni yuborish
Ishonch telefoni 1008

Янгиликлар

Fuqaroning uyida nikoh rasmiylashtirildi 25.08.2025 Fuqaroning uyida nikoh rasmiylashtirildi
Yakkasaroy tuman adliya bo’lim tomonidan mahallalarda uyma-uy yurish tamoyili asosida aholi muammolarini o‘rganish vaqtida
mustaqil harakatlanish qobilyatini yoqotgan fuqaroning murojaati qabul qilindi.

Ma’lum bo’lishicha fuqaro nikohni qayd etish uchun FHDY bo‘limiga bora olmayotganini bildirib, yordam so’ragan.
Yakkasaroy tumani 1-son FHDY bo‘limi tomonidan ushbu fuqarolarning murojaati tez fursatda hal etildi. FHDY xodimasi ularning uyiga borib, sayyor tartibda nikohni qayd etdi va nikoh guvohnomasini ularning qo’liga topshirdi.

Korrupsiyaga qarshi birgalikda kurashamiz! 25.08.2025 Korrupsiyaga qarshi birgalikda kurashamiz!
Jamiyatda korrupsiyaga qarshi murosasiz munosabatni shakllantirish, korrupsiyani oldini olish choralarini ko'rish, tibbiyot xodimlarining korrupsiya bo'yicha huquqiy madaniyatini oshirish maqsadida Yashnobod tumani tibbiyot birlashmasida rahbar va xodimlar ishtirokida davra suhbati tashkil qilindi.

Tadbirda Yashnobod tuman adliya bo‘limi Yuridik xizmat ko'rsatish markazi bosh yuriskonsulti D.Azzamov va S.Eshonqulovlar ishtirok etib, korrupsiya va uning salbiy oqibatlari, korrupsiyaga qarshi kurashish borasida mamlakatimizda amalga oshirilayotgan islohotlarga alohida to‘xtalib o‘tishdi.

Shuningdek, tibbiyot xodimlariga korrupsiya tushunchasi, korrupsiya va unga qarshi kurashishning huquqiy asoslari, korrupsiyaga oid huquqbuzarliklar uchun javobgarlik masalalari atroflicha tushuntirildi.

Tadbir nihoyasida ishtirokchilar tomonidan berilgan savollarga javob berildi.

Yo'qolgan guvohnoma qaytadan tiklab berildi 23.08.2025 Yo'qolgan guvohnoma qaytadan tiklab berildi
Adliya organlarining aholi muammolarini hal etish va ularga amaliy yordam koʻrsatish borasidagi faoliyati samaradorligini oshirish maqsadida “Hech bir shaxs hujjatsiz qolmaydi” huquqiy aksiyasi davom etmoqda.

Aksiya doirasida Olmazor tumani adliya bo'limi tomonidan uyma-uy yurib aholi muammolarini o'rganish davomida tumanning Sebzor dahasi, 29-xonadonda istiqomat qilivchi 85 yoshli onaxonning tug'ilganlik haqidagi guvohnomasi yo'qligi aniqlandi.

Olmazor tumani FHDY bo'limi tomonidan qisqa vaqt ichida Magrupat Urmanbekovaning tug'ilganlik haqidagi guvohnomasini qayta tiklab, fuqaroga guvohnomani sayyor ravishda yashash xonadoniga yetkazib berildi.

Davlat xizmatchilarini halollik vaksinasi bilan emlash – davr talabi 23.08.2025 Davlat xizmatchilarini halollik vaksinasi bilan emlash – davr talabi
Bektemir tumani Sanitariya-epidemiologik osoyishtalik va jamoat salomatligi xizmati bo’limida “Korrupsiyaga qarshi kurashish oyligi” doirasida targ‘ibot tadbiri tashkil etildi.

Tadbirda Bektemir tumani adliya bo‘limi boshlig‘i D.Togayev, tuman prokurori katta yordamchisi S.Ochilov va O‘zbekiston "Adolat" SDPning Bektemir tuman kengashi raisi D.Muxsimovalar ishtirok etdi.

Tadbir mamlakatimizda korrupsiyaga qarshi kurashish borasida amalga oshirilayotgan islohotlar, vakolatli davlat organlarining ushbu yo‘nalishdagi faoliyati, shuningdek, korrupsiya bilan bog‘liq jinoyatlar uchun qonunchilikda belgilangan javobgarlik choralari haqida ma’lumotlar berildi.

Ushbu tadbir ochiq muloqot shaklida o‘tkazilib, korrupsiyaga qarshi kurashishdagi shaffoflik, halollik tamoyillari, xodimlar orasida huquqiy ong va huquqiy madaniyatni oshirish bo‘yicha takliflar bildirildi.

Nodavlat notijorat tashkilotlari ishtirokida seminar o‘tkazildi 22.08.2025 Nodavlat notijorat tashkilotlari ishtirokida seminar o‘tkazildi
Toshkent shahar adliya boshqarmasida Fuqarolik jamiyati institutlarini qo‘llab-quvvatlash jamoat fondi Toshkent shahar bo‘linmasi va Toshkent shahar hokimligi  Jamoat va diniy tashkilotlar bilan aloqalar majmuasi bilan hamkorlikda poytaxtda faoliyat yuritayotgan NNT vakillari ishtirokida seminar tashkil etildi.

Tadbir NNTlarning huquq va manfaatlariga daxldor normativ-huquqiy hujjatlar hamda sohani tartibga soluvchi qonunchilikni takomillashtirish borasidagi yangiliklar mavzusiga bag‘ishlandi.

Tadbirdan ko‘zlangan maqsad NNTlarni huquqiy qo‘llab-quvvatlash, ularning huquqlari va qonuniy manfaatlariga oid normativ-huquqiy hujjatlar hamda sohani tartibga soluvchi qonunchilikni takomillashtirish borasidagi yangiliklar bilan NNTlar vakillarini tanishtirish, NNTlarning davlat hamda jamiyat hayotida faolligini yanada oshirishdan iborat.

 “Huquqiy ko‘mak” loyihasi amalda 22.08.2025 “Huquqiy ko‘mak” loyihasi amalda
“Huquqiy ko‘mak” fuqarolarga bepul huquqiy yordam ko‘rsatish loyihasi doirasida Mirzo Ulug‘bek tumani “Mustaqillik”, “Podshobog‘”, “Sarbon”, “Bahor”, “Bog‘imaydon”, Yunusobod tumani “Ahilobod”, Sergeli tumani “Sultonobod”, Olmazor  tumani “Eski shahar”, “Chustiy”, Мirobod tumani “Oybek” MFYlarida targ‘ibot tadbirlari o‘tkazildi.

Tadbir davomida fuqarolarga “O'zbekiston Respublikasi fuqarolarini, chet el fuqarolarini hamda fuqaroligi bo'lmagan shaxslarni yashash joyi va turgan joyi bo'yicha ro'yxatdan o'tkazish to'g'risida”gi Qonuni yuzasidan huququy ma'lumotlar berildi.

Shuningdek, mazkur mahallalar yettiligi a'zolariga "2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi 1-son Prezident qarori yuzasidan “Mening mahallamda jinoyat boʻlmaydi” dasturi doirasida manzilli targʻibot tadbirlari o‘tkazildi.

Yosh oila quruvchilar uchun seminar tashkil etildi 21.08.2025 Yosh oila quruvchilar uchun seminar tashkil etildi
Yakkasaroy tumani 1-son FHDY bo’limi hamda tuman “Oilaviy hayotga tayyorlash o’quv markazi” tomonidan yosh kelin-kuyovlar uchun navbatdagi o’quv-seminar o'tkazildi.

Malakali mutaxassislar bo’lg’usi oila vakillariga er-xotin o’rtasidagi munosabatlarni to’g’ri yo’lga qo’yish, oilalarning mustahkamligini ta’minlash, farzand tarbiyasida mas’uliyatli bo’lish hamda oiladagi muammolarni oqilona hal etish bo’yicha tavsiya va ko’rsatmalar berishdi.

Shuningdek, mashg’ulot so’ngida ishtirokchilarga maxsus sertifikat va mustahkam oila qurishda asqotuvchi qo’llanmalar taqdim qilindi.

„Huquqiy mahalla” loyihasi doirasida targ'ibot tadbirlari o'tkazildi 20.08.2025 „Huquqiy mahalla” loyihasi doirasida targ'ibot tadbirlari o'tkazildi
“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Prezident Farmoni ijrosi doirasida Shayxontohur tumanidagi “Chorsu” hamda Yakkasaroy tumanidagi "Qushbegi" MFYlarida adliya bo'limi xodimlari tomonidan  aholining huquqiy muammolari o'rganildi.

Aholiga „O'zbekiston Respublikasi fuqarolarini, chet el fuqarolarini hamda fuqaroligi bo'lmagan shaxslarni yashash joyi va turgan joyi bo'yicha ro'yxatdan o'tkazish to'g'risida”gi Qonun (O'RQ–1074-son, 10.07.2025 y.)    Qonuni yuzasidan huququy ma'lumotlar berildi.

Shuningdek, mazkur mahallalar yettiligi a'zolariga “Mening mahallamda jinoyat boʻlmaydi” dasturi doirasida manzilli targʻibot tadbirlari o'tkazildi.

  “Huquqiy mahalla” loyihasi doirasida targ'ibot tadbiri o'tkazildi 19.08.2025 “Huquqiy mahalla” loyihasi doirasida targ'ibot tadbiri o'tkazildi
Bektemir tumani Adliya bo‘limi xodimlari tomonidan tumandagi "Iyk ota"  MFYda uyma-uy yurish orqali fuqarolarning huquqiy muammolari o'rganildi.

Adliya bo'limi xodimlari tomonidan O'zbekiston Respublikasi Prezidentining 2024-yil 24-maydagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son farmoni yuzasidan targ'ibot tadbirlari olib borilib, aholining muammolari batafsil o'rganildi.

O'rganish davomida fuqarolarga qonunchilik hujjatlarida belgilangan imtiyozlar, tadbirkorlik, meros masalalari, nikohni qayd etish, tug'ilganlik haqida guvohnoma, pasport masalalari shuningdek, uy-joy va kadastr hujjatlari bilan bog'liq holatlar hamda subsidiya kabi turli masalalar yuzasidan huquqiy tushuntirishlar olib borildi.

Adliya xodimlari mahallalarda 15.08.2025 Adliya xodimlari mahallalarda
Bektemir tumani “Iyk ota”, Olmazor tumani "Moyariq", "Elparvar", Sergeli tumani “Ittifoq”, Chilonzor tumani “Ko‘rkam”, Shayxontohur tumani “Tinchlik”, “Katta Oqtepa”, Yunusobod tumani “Beg‘ubor”, Yangihayot tumani “Yangi turmush” mahallalarida o'tgan hafta davomida “Adliya kuni” doirasida sayyor qabul va uyma-uy yurish orqali aholining huquqiy muammolari o‘rganildi.

Tadbir davomida aholi murojaatlari tinglanib, tushuntirishlar berildi va ish yurituviga qabul qilindi.

Shuningdek, mahallalardagi muammoli oilalar, ularning farzandlari bilan ishlash, jinoyatchilik va huquqbuzarliklar profilaktikasini tashkil etish hamda oilaviy munosabatlarni mustahkamlash bo‘yicha oilalarda yuzaga kelayotgan ziddiyatlar bo‘yicha mahalla yettiligi bilan hamkorlikda huquqiy yordam ko‘rsatish choralari ko‘rildi.

Bundan tashqari, aniqlangan muammolar yuzasidan joyida bepul huquqiy yordam, sayyor davlat xizmatlari ko‘rsatildi.


Новости 121 - 130 из 1208
Начало | Пред. | 11 12 13 14 15 | След. | Конец