Янгиликлар

20.02.2025 Fuqarolarning muammolari hal qilinmoqda
Davlatimiz rahbarining “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF–80-son farmoni ijrosi yuzasidan poytaxtning ko‘plab mahallalarida tuman adliya bo‘limi xodimlari tomonidan aholi muammolari o‘rganilmoqda.

Shuningdek, uyma-uy yurish tamoyili asosida murojaatlar o‘rganilib, hududdagi mavjud aniqlangan huquqiy muammolar hal qilinmoqda.

Xususan, Chilonzor tumani adliya bo‘limi xodimlari tomonidan uyma-uy yurish tadbirlarida tumanning Xirmontepa mahallasida yashovchi fuqarolar Zemlyanskiy Viktor va Pinchuk Nadejda 30 yil davomida shar’iy nikoh asosida yashab kelayotganligi, nikohi rasman qayd qilinmaganligini bildirgan.

O'rganish natijasida, fuqarolar Zemlyanskiy Viktor va Pinchuk Nadejdalarning nikohi Chilonzor tuman 1-son FHDY bo‘limi tomonidan qonuniy rasmiylashtirilib, guvohnoma taqdim etildi.

19.02.2025 Adliya xodimlari mahallalarda
Toshkent shahar adliya boshqarmasi va Mirobod tumani adliya bo‘limi tomonidan tumandagi sariq toifaga kiruvchi "Ming o‘rik" mahallasida “Mening mahallamda jinoyat boʻlmaydi” dasturi doirasida sayyor qabul o‘tkazildi.

Tadbir davomida Prezidentning “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi 1-son qarorida belgilangan vazifalar ijrosi yuzasidan “Mahalla ettiligi” a’zolariga tegishli ko‘rsatma va tavsiyalar berildi.

Shuningdek, fuqarolarning murojaatlari yuzasidan uyma-uy yurish tamoyili asosida hududdagi mavjud huquqiy muammolar joyiga chiqqan holda o‘rganildi hamda aholining huquqiy ongi va huquqiy madaniyatini yanada oshirishga qaratilgan targ‘ibot materiallari tarqatildi.

19.02.2025 Toshkent shahar adliya boshqarmasi boshlig‘ining birinchi o‘rinbosari tayinlandi
Adliya vazirining tegishli buyrug‘i bilan Nazarov Xamdam Shuxratovich Toshkent shahar adliya boshqarmasi boshlig‘ining birinchi o‘rinbosari lavozimiga tayinlandi.

Nazarov Xamdam Shuxratovich 1983-yilda Xorazm viloyatida tug‘ilgan. Ma’lumoti–oliy, huquqshunos.
2004-yilda Toshkent davlat yuridik institutini tamomlagan.

U mehnat faoliyatini 2005-yildan Prokuratura idoralarida boshlab, turli lavozimlarda ishlagan. X.Nazarov  2011-yildan Adliya organlari tizimida turli lavozimlarda o'z mehnat faoliyatini davom ettirib kelmoqda.

X.Nazarov 2021-yildan boshlab shu kunga qadar Toshkent viloyati adliya boshqarmasi boshlig'ining birinchi o'rinbosari lavozimida faoliyat yuritib kelgan.

Toshkent shahar adliya boshqarmasi jamoasi X.Nazarovni ushbu tayinlov bilan muborakbod etadi. Uning kelgusi ishlarida omad va zafarlar tilaydi.

19.02.2025 Chilonzor tumani adliya bo‘limi 1-son FHDY bo‘limi mudirasi, 2-darajali yurist Xalimova Etiborxon Safarovna 50 yoshni qarshi oldi
Toshkent shahar adliya boshqarmasi sodiq va tajribali hamkasblarni doimo qadrlaydi va Etiborxon Safarovnani hayotidagi muhim sana bilan samimiy qutlaydi!

Etiborxon Safarovna adliya tizimidagi o‘z faoliyatini 2000-yilda Sirdaryo viloyati adliya boshqarmasi viloyat FHDY arxividan boshlagan. Chilonzor tumani adliya bo‘limi 1-son FHDY bo‘limi mudirasi vazifasida 2023-yildan beri mehnat qilib, jamoaning jonkuyar va tajribali a’zosiga aylangan.

Toshkent shahar adliya boshqarmasi jamoasi Etiborxon Safarovnani yubiley bilan tabriklab, el-yurt manfaati yo‘lidagi, fuqarolarga xizmat qilishdek sharafli va ezgu ishlarida ulkan yutuqlar doimo hamroh bo‘lishini tilaydi!

18.02.2025 Adliya koʻmagida tadbirkor foydasiga 2,7 mlrd so‘mga yaqin mablag‘ undirilishi ta’minlandi
Yunusobod tumani adliya bo‘limiga “Ms” MCHJ rahbari murojaat qilib, shartnoma shartlari bajarilgan bo‘lsada, Yunusobod tumani maktabgacha va maktab ta’limi bo‘limi tomonidan toʻlovlar oʻz vaqtida toʻlanmayotganligidan norozi bo‘lib, ushbu qarzdorliklarni undirib berishda amaliy yordam berishni soʻragan.

????Batafsil (https://telegra.ph/Tadbirkorning-huquqlari-himoya-qilindi-02-15)

18.02.2025 Mehr ulash!
Toshkent shahar adliya boshqarmasida Respublika qon quyish markazi bilan birgalikda 21-fevral kuni “Mehr ulash” qon topshirish xayriya aksiyasi oʻtkaziladi.

Aksiyada adliya organlari va muassasalari xodimlari bilan birga Toshkent shahri aholisi va mehmonlari ham ishtirok etishlari mumkin.

Eslatma: donor boʻlish uchun pasportning (ID) asli yoki elektron shakli kerak boʻladi.

Siz ham donorlik aksiyalarida qatnashing va bemorlarga hayot bag'ishlashda ko‘maklashing!

Vaqti va sanasi: 21-fevral, 09:30 — 13:00

Manzil: Toshkent shahri, Amir Temur shoh ko‘chasi, 14-uy. (Toshkent shahar adliya boshqarmasi binosida).

17.02.2025 Nikohlanuvchi yoshlar uchun oilaviy hayotga tayyorlash bo‘yicha seminarlar tashkil etilmoqda
Yosh nikohlanuvchilarni oilaviy hayotga tayyorlash, xususan zamonaviy oilaning namunali shakli hamda Oila - muqaddas dargoh ekanligini nikohlanuvchilar ongiga singdirib borish maqsadida Chilonzor tumani 1 va 2-son FHDY bo‘limi tomonidan Chilonzor tuman Oila va xotin-qizlar bo‘limi, tumandagi “Novza” masjidi imom-noibi hamda Reabilitatsiya markazi psixologlari bilan hamkorlikda “Baxtli oila siri” mavzusida navbatdagi seminar tashkil etildi.

Seminarda 16 nafar nikohlanuvchi yosh kelin-kuyovlar ishtirok etishib, ularga oilaviy-huquqiy munosabatlar, oilaviy hayot psixologiyasi, oila iqtisodi va byudjeti, dunyoviy hamda diniy, qolaversa ma’naviy-axloqiy qadriyatlarni mustahkamlashga qaratilgan mavzularda tushunchalar berildi.

Seminar yakunida oila qurish bo’sag’asida turgan nikohlanuvchilarga sertifikatlar topshirildi.

17.02.2025 Fuqaroga sayyor davlat xizmati ko'rsatildi
Yangihayot tumani “Yo‘ldosh-3” mavzesida istiqomat qiluvchi 1957-yilda tug‘ilgan Bogomolova Larisa Valentinovna sog‘ligi sababli, ko‘p yillardan buyon FHDY bo‘limiga kelolmagan va tug‘ilganligi haqidagi guvohnomani tiklash yuzasidan murojaat qilishini imkoni bo‘lmagan.

Yangihayot tumani FHDY bo‘limi xodimlarining amaliy yordami bilan fuqaroning tug‘ilganlik haqidagi guvohnomasi tiklanib, sayyor ravishda yangi guvohnoma taqdim etildi.

15.02.2025 “Ziyo ulash” aksiyasi davom etmoqda
“Ziyo ulash” aksiyasi doirasida Chilonzor tumani adliya bo’limi FHDY bo’limlari tomonidan tuman oila va xotin-qizlar bo‘limi, “Bilim” axborot-kutubxona markazi bilan birgalikda yosh nikohlanuvchi kelin-kuyovlar ishtirokida  kitobxonlik madaniyatini yuksaltirish maqsadida uchrashuv o‘tkazildi.

Yoshlarda kitobxonlik madaniyatini oshirish hamda kitobxonlar safini kengaytirish, kelgusida oila deb atalmish muqaddas dargohda kelajak avlodlarga tarbiya borasida intellektual salohiyatini oshirish, yosh avlodning o‘qishga bo‘lgan qiziqishini yanada kuchaytirish maqsadida o‘tkazilgan mazkur uchrashuvda yoshlarning huquqiy ongi va bilimlarini mustahkamlashga qaratilgan test savollari berildi.

Tadbirda ishtirok etgan 10 nafar kelin va kuyovlar test savollariga javob berdilar va tadbir qizg’in kayfiyatda o‘tdi.

Aksiya doirasida ishtirok etgan yoshlarga esdalik uchun kitoblar sovg’a tariqasida topshirildi.

15.02.2025 Biologik faol qo'shimchalar tovar belgisidan noqonuniy foydalanish holati toʻxtatildi
"BADEX LIFE" MChJ murojaatiga asosan, "S.B" MChJ faoliyatida belgilangan tartibda takshiruv o'tkazildi.

Tekshiruv davomida "S.B" MChJ tomonidan "BADEX LIFE" MChJga tegishli "Montalin" tovar belgisidan huquq egasining roziligisiz foydalanilgan holda tayyorlangan kontrafakt  biologik faol qo'shimchalar savdoga taklif etish maqsadida saqlanayotganlik holati aniqlandi.

Holat yuzasidan “S.B” MChJ rahbariga nisbatan maʼmuriy huquqbuzarlik to‘g‘risidagi bayonnoma rasmiylashtirilib, sud qaroriga ko‘ra, huquqbuzarga nisbatan jarima jazosi tayinlandi.

Новости 241 - 250 из 1149
Начало | Пред. | 23 24 25 26 27 | След. | Конец