Янгиликлар

11.03.2025 Biz kontrafaktga qarshimiz
“Kontrafaktsiz oy” oyligi doirasida Toshkent shahar adliya boshqarmasi tomonidan Mirzo Ulug‘bek nomidagi O‘zbekiston Milliy universitetida “Intellektual mulk himoyasi va kontrafakt mahsulotlarga qarshi kurashish” mavzusida universitet ilmiy xodimlari, o‘qituvchilari va talabalari ishtirokida seminar-trening o‘tkazildi.

Ushbu davra suhbatida intellektual mulk sohasida tovar belgisini huquqiy muhofaza va himoya qilish, kontrafakt mahsulotlarga qarshi kurashish yuzasidan huquqiy tushuntirishlar berildi.

Shuningdek, tadbir davomida intellektual mulk obyektlari, jumladan, tovar belgilari, xizmat ko'rsatish belgilarini davlat ro’yxatidan o’tkazish, kontrafakt tovarni aslidan farqlashga o‘rgatish va ko‘nikmalar hosil qilish maqsadida tushuntirish ishlari amalga oshirildi.

10.03.2025 Adliya xodimlari mahallalarda
Toshkent shahridagi tuman adliya bo‘limlari tomonidan aholining huquqiy ongi va huquqiy madaniyatini oshirish bo‘yicha Sergeli tumanidagi “Mehrigiyo”, “Qo‘shqorg‘on”, “Asrobod”, Chilonzor tumanidagi “Zarqo‘rg‘on”, Uchtepa tumanidagi “Zargarlik” mahallalarida “Adliya kuni” doirasida targ‘ibot tadbiri va sayyor qabullar o‘tkazildi.

Tadbir davomida aholini qiynab kelayotgan huquqiy muammolar bo'yicha murojaatlari tinglanib, tushuntirishlar berildi hamda murojaatlar tuman adliya bo'limlari ish yurituviga qabul qilindi.

Shuningdek, tadbir davomida “Xotin-qizlarga huquqiy ko‘mak” aksiyasi doirasida qonunchilikda xotin-qizlar uchun mavjud imtiyozlar, xotin-qizlarning ijtimoiy faolligi va huquqiy savodxonligini oshirish maqsadida birlamchi bepul yuridik yordam ko’rsatish, huquqiy muammolarni bartaraf qilish bo‘yicha batafsil ma’lumotlar berildi.

08.03.2025 Ommaviy sayyor qabul o'tkazildi
Toshkent shahar adliya boshqarmasi va Toshkent shahar xalq qabulxonasi tomonidan Shayxontohur tumani adliya bo‘limi binosida aholi muammolarini o‘rganish va hal etish yuzasidan ommaviy sayyor qabul tadbiri o'tkazildi.

Qabul davomida fuqarolarning kadastr hujjatlarini rasmiylashtirish, pensiya, kommunal to‘lovlar, imtiyozli kredit, meros, uy-joyga subsidiya olish, ijtimoiy himoya masalalari yuzasidan murojaatlari eshitildi.

Shuningdek, qabul davomida 4 nafar xotin-qizlarga tikuv mashinasi, bir nafar nogironligi bor shaxsga nogironlik aravachasi taqdim etildi.

07.03.2025 Aziz ayollar bayramingiz muborak bo‘lsin!
"8-mart – Xalqaro xotin-qizlar kuni” munosabati va xotin-qizlarga ehtirom belgisi sifatida Toshkent shahar adliya boshqarmasida bayram tadbiri o‘tkazildi.

Tadbirda boshqarma boshlig‘i tizimda faoliyat yuritayotgan xotin-qizlarni bayram bilan samimiy tabriklab, ayollarning jamiyatda, oilada tutgan o'rni beqiyos ekanligini alohida e'tirof etdi va ularga bayram sovg‘alari va faxriy yorliqlarni topshirdi.

Toshkent shahar adliya boshqarmasi yurtimizdagi barcha ayollarni bahorning ilk ayyomi 8-mart Xalqaro xotin-qizlar kuni bilan samimiy muborakbod etadi.

07.03.2025 Yoshlarga ID kartalar topshirildi
Poytaxtning Uchtepa tumanida FHDY bo’limi, tuman IIO FMB bilan hamkorlikda 8-mart Xalqaro xotin-qizlar bayrami arafasida bir guruh 16 yoshga to‘lgan yoshlarga ID kartalari tantanali ravishda topshirildi.

Tadbir davomida yurtimizda yoshlarga yaratilayotgan imkoniyatlar, xotin-qizlar huquqlari va erta nikohning oldini olish borasida tushintirishlar ham berildi.

07.03.2025 Bayram shukuhi
8-mart har bir ayol e’tibor kutadigan kun, shubhasiz. Ona, rafiqa, hamkasblar, ustozlar-u jamiki barcha ayollargacha go‘zal dil izhorlari bildiriladi.

“8-mart – Xalqaro xotin-qizlar kuni” munosabati bilan bugun Bektemir tumani Adliya bo‘limi xodimlari tomonidan tumandagi xotin-qizlar, qolaversa beminnat faoliyati tufayli minglab odamlarning kayfiyatiga ijobiylik ulashishga sababchi bo‘lgan opa-singillarimiz uchun bayramona kayfiyat ulashildi.

07.03.2025 Toshkent shahar Yashnobod tumani adliya bo‘limi boshlig‘i tayinlandi

Boshqarma boshlig'ining tegishli buyrug‘i bilan Maxmudov Boburbek Askarbekovich Toshkent shahar Yashnobod tumani adliya bo‘limi boshlig‘i lavozimiga tayinlandi.

Maxmudov Boburbek Askarbekovich 1991-yildaToshkent shahrida tug‘ilgan. Ma’lumoti–oliy, huquqshunos.
2014-yilda Toshkent davlat yuridik universitetini bakalavr 2016-yilda magistratura bosqichini tamomlagan.

U mehnat faoliyatini 2015-yilda boshlab Advokatura, Prokuratura idoralarida turli lavozimlarda ishlagan. B.Maxmudov 2022-yildan Adliya organlari tizimida turli lavozimlarda o'z mehnat faoliyatini davom ettirib kelmoqda.

B.Maxmudov shu kunga qadar Toshkent shahar Yashnobod tumani adliya bo‘limi bosh maslahatchisi lavozimida faoliyat yuritib kelgan.

Toshkent shahar adliya boshqarmasi jamoasi B.Maxmudovni ushbu tayinlov bilan muborakbod etadi. Uning kelgusi ishlarida omad va zafarlar tilaydi.

06.03.2025 Adliya xodimlari mahallalarda
Toshkent shahar adliya boshqarmasi va Yashnobod tumani adliya bo‘limi tomonidan tumandagi "Behizor" mahallasida “Mening mahallamda jinoyat boʻlmaydi” dasturi doirasida sayyor qabul o‘tkazildi.

Tadbir davomida Prezidentning “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi 1-son qarorida belgilangan vazifalar ijrosi yuzasidan “Mahalla yettiligi” a’zolariga tegishli ko‘rsatma va tavsiyalar berildi.

Shuningdek, fuqarolarning murojaatlari yuzasidan uyma-uy yurish tamoyili asosida hududdagi mavjud huquqiy muammolar joyiga chiqqan holda o‘rganildi hamda aholining huquqiy ongi va huquqiy madaniyatini yanada oshirishga qaratilgan targ‘ibot materiallari tarqatildi.

06.03.2025 “Xotin-qizlarga huquqiy ko‘mak” aksiyasi o‘tkazilmoqda
Adliya vazirining tegishli buyrug‘iga asosan, 2025-yilning mart oyi davomida “Xotin-qizlarga huquqiy ko‘mak” aksiyasi o‘tkazilmoqda.

Bektemir tuman adliya bo‘limi mas’ul xodimlari hamda Toshkent davlat yuridik universiteti professori F.Muhitdinova bilan birgalikda tuman hokimligida mamlakatimizda xotin-qizlarning huquqlarini himoya qilish, ularning ijtimoiy-siyosiy hamda sotsial faolligini oshirish, huquqiy madaniyatini yuksaltirish, huquq va erkinliklarini himoya qilish, qonunchilikda belgilangan imtiyoz va preferensiyalar mazmun-mohiyatini keng tushuntirishga qaratilgan seminar tadbiri o‘tkazildi.

Shuningdek, tadbir davomida xotin-qizlarning ijtimoiy mehnat sohasidagi mavjud muammolarini bartaraf qilish yuzasidan fikr-mulohazalar bildirilib, ishtirokchilarni qiziqtirgan savollariga javoblar berildi.

06.03.2025 Fuqarolar emas, hujjatlar harakatlanadi
“Fuqarolar emas, hujjatlar harakatlanadi” tamoyili asosida 2024-yilda jismoniy va yuridik shaxslarga jami 2 152 288 ta davlat xizmatlari ko‘rsatilgan bo‘lib, shundan 51,8 foizi, ya’ni  1 116 334 tasini onlayn tarzda ko‘rsatilgan xizmatlar tashkil etadi.

Eng ko‘p davlat xizmatlari ko‘rsatgan Davlat xizmatlari markazlari:
Yunusobod tumani DXM – 248 347 ta;
Yashnobod tuman DXM – 245 006 ta;
Chilonzor tuman DXM – 240 197 ta.

Новости 241 - 250 из 1200
Начало | Пред. | 23 24 25 26 27 | След. | Конец