Янгиликлар

14.03.2025 Adliya ko'magida tadbirkor foydasiga 440 mln. so‘m mablag‘ undirilishi ta’minlandi
Uchtepa tumani adliya bo‘limiga “A” MCHJ murojaat qilib, shartnoma shartlari bajarilgan bo‘lsada, tumanda joylashgan maktabgacha ta’lim tashkiloti tomonidan toʻlovlar oʻz vaqtida toʻlanmayotganligidan norozi bo‘lib, ushbu qarzdorliklarni undirib berishda amaliy yordam berishni soʻragan.

????Batafsil (https://telegra.ph/Adliya-ko%CA%BBmagida-tadbirkorga-yetkazib-berilgan-mahsulotlar-va-bajarilgan-ishlar-uchun-tolovlar-undirib-berildi-03-07)

14.03.2025 Yosh juftliklar oilaviy hayotga o‘qitilmoqda
Yosh nikohlanuvchilarni oilaviy hayotga tayyorlash maqsadida “Oila jamiyatning asosiy bo‘g‘ini” mavzusida navbatdagi seminar tashkil etildi.

Tadbir Chilonzor tumani 1 va 2 -son FHDY bo‘limi tomonidan Oila va xotin-qizlar bo‘limi, diniy idora vakili, Reabilitatsiya markazi psixologi bilan birgalikda o‘tkazildi.

Tadbir davomida Oila-muqaddas dargoh, nikoh bu erkak va ayolning ixtiyoriy va o‘zaro roziligi asosida quriladigan ittifoqi tamoyili asosida yosh kelin-kuyovlarni oilaviy-huquqiy munosabatlarga tayyorlash, oilaviy hayot psixologiyasi, ma’naviy-axloqiy qadriyatlarni mustahkamlashga qaratilgan mavzularda tushuntirishlar berildi.

Seminar yakunida “Ziyo ulash” aksiyasi doirasida yoshlarning kitobga bo‘lgan qiziqishlarini oshirish uchun kitoblar hamda sertifikat taqdim etildi.

13.03.2025 Ishchi guruh a’zolari o'qitilmoqda
Toshkent shahar adliya boshqarmasida fuqarolar yig‘inlari raislari saylovini tashkil etish va o‘tkazish bo‘yicha ishchi guruhlari a’zolarini o‘qitish uchun O‘zbekiston Mahallalar uyushmasi Toshkent shahar boshqarmasi bilan birgalikda o‘quv-seminari o‘tkazildi.

Seminarda “Fuqarolar yig‘ini raisi saylovi to‘g‘risida”gi Qonun hamda unga kiritilgan o‘zgartirish va qo‘shimchalarning mazmun-mohiyati, fuqarolar yig‘ini raisi saylovining tashkiliy-huquqiy asoslari, ko‘maklashuvchi komissiyalar hamda ishchi guruhlarning vazifalari, huquq va majburiyatlari to‘g‘risida batafsil tushuntirishlar berildi.

Fuqarolar yig‘ini raisi saylovida:
•  Ishtirok etish ixtiyoriy va erkin;
•  18 yoshga to‘lgan, tegishli hududda doimiy yashovchi fuqarolar ishtirok etadi;
•  Sud tomonidan muomalaga layoqatsiz deb topilgan fuqarolar ishtirok etmaydi

13.03.2025 Oila qurish ostonasidagi yoshlarga hayotiy saboqlar berildi
Shayxontohur tumani 1-son va 2-son FHDY bo'limi va tuman Oila va xotin-qizlar bo'limi bilan hamkorlikda nikohlarini rasmiylashtirish uchun ariza taqdim etgan yosh oila quruvchilar o'qitildi.

O'quv mashg'ulotlari davomida tuman FHDY bo'limi mudiralari, diniy idora vakillari va oilaviy psixolog tomonidan yoshlarga tibbiy, huquqiy, psixologik, ma'naviy va ma'rifiy hamda diniy mavzularda tushuntirish ishlari olib borildi.

Shuningdek, “Xotin-qizlarga huquqiy ko‘mak” aksiyasi doirasida xotin-qizlar huquqlarini himoya qilish, ularning ijtimoiy-siyosiy va sotsial faolligini va huquqiy savodxonligini oshirish, huquq va erkinliklarini himoya qilish, qonunchilikda xotin-qizlar uchun belgilangan imtiyoz va preferensiyalar  bo‘yicha batafsil ma’lumotlar berildi.

O'quv mashg'ulotlarini tamomlagan oila qurish ostonasida turgan 10 nafar juftliklarga sertifikatlar topshirildi.

12.03.2025 Hech bir shaxs hujjatsiz qolmaydi

Adliya organlari tomonidan muntazam ravishda aholini qiynayotgan muammo va masalalar o‘rganilib, bartaraf etish choralari ko‘rib kelinmoqda.

Xususan, Yakkasaroy tuman “Inson” ijtimoiy xizmatlar markazida ro‘yxatga qo‘yilgan, tumanning “Bog‘saroy” mahallasida yashovchi fuqaro U.M.ning voyaga yetgan farzandi X.Mga shaxsni tasdiqlovchi hujjat olinmaganligi holati yuzasidan, bolaning tug‘ilganligi haqidagi dalolatnoma yozuvi Jizzax viloyati Paxtakor tumani FHDY bo‘limida qayd etilganligi ma’lum bo‘ldi.

Yakkasaroy tumani 2-son FHDY bo‘limi tomonidan ko‘rsatilgan amaliy yordam natijasida, fuqaro X.Mga tug‘ilganligi haqidagi guvohnoma eksterritoriallik tamoyili asosida rasmiylashtirilib, shaxsni tasdiqlovchi hujjat ID karta olish uchun topshirildi.

12.03.2025 Yoshlarning huquqiy bilimlari oshirilmoqda
Toshkent shahar adliya boshqarmasi tashabbusi bilan o‘tkazilayotgan “Huquqiy bilimlar oyligi” doirasida yoshlar o’rtasida targʻibot tadbirlari oʻtkazilmoqda.

Shayxontohur tumani adliya bo‘limi tomonidan tumandagi 82-maktabda Yuridik xizmat koʻrsatish markazi xodimlari tomonidan maktab oʻquvchilari oʻrtasida “Huquqingizni bilasizmi?” nomli viktorina tadbiri oʻtkazildi.  

Qiziqarli savol-javoblarga boy o‘tgan tadbir davomida oʻquvchilarni qiziqtirgan savollarga markaz xodimlari tomonidan batafsil javoblar berildi.

11.03.2025 Biz kontrafaktga qarshimiz
“Kontrafaktsiz oy” oyligi doirasida Toshkent shahar adliya boshqarmasi tomonidan Mirzo Ulug‘bek nomidagi O‘zbekiston Milliy universitetida “Intellektual mulk himoyasi va kontrafakt mahsulotlarga qarshi kurashish” mavzusida universitet ilmiy xodimlari, o‘qituvchilari va talabalari ishtirokida seminar-trening o‘tkazildi.

Ushbu davra suhbatida intellektual mulk sohasida tovar belgisini huquqiy muhofaza va himoya qilish, kontrafakt mahsulotlarga qarshi kurashish yuzasidan huquqiy tushuntirishlar berildi.

Shuningdek, tadbir davomida intellektual mulk obyektlari, jumladan, tovar belgilari, xizmat ko'rsatish belgilarini davlat ro’yxatidan o’tkazish, kontrafakt tovarni aslidan farqlashga o‘rgatish va ko‘nikmalar hosil qilish maqsadida tushuntirish ishlari amalga oshirildi.

10.03.2025 Adliya xodimlari mahallalarda
Toshkent shahridagi tuman adliya bo‘limlari tomonidan aholining huquqiy ongi va huquqiy madaniyatini oshirish bo‘yicha Sergeli tumanidagi “Mehrigiyo”, “Qo‘shqorg‘on”, “Asrobod”, Chilonzor tumanidagi “Zarqo‘rg‘on”, Uchtepa tumanidagi “Zargarlik” mahallalarida “Adliya kuni” doirasida targ‘ibot tadbiri va sayyor qabullar o‘tkazildi.

Tadbir davomida aholini qiynab kelayotgan huquqiy muammolar bo'yicha murojaatlari tinglanib, tushuntirishlar berildi hamda murojaatlar tuman adliya bo'limlari ish yurituviga qabul qilindi.

Shuningdek, tadbir davomida “Xotin-qizlarga huquqiy ko‘mak” aksiyasi doirasida qonunchilikda xotin-qizlar uchun mavjud imtiyozlar, xotin-qizlarning ijtimoiy faolligi va huquqiy savodxonligini oshirish maqsadida birlamchi bepul yuridik yordam ko’rsatish, huquqiy muammolarni bartaraf qilish bo‘yicha batafsil ma’lumotlar berildi.

08.03.2025 Ommaviy sayyor qabul o'tkazildi
Toshkent shahar adliya boshqarmasi va Toshkent shahar xalq qabulxonasi tomonidan Shayxontohur tumani adliya bo‘limi binosida aholi muammolarini o‘rganish va hal etish yuzasidan ommaviy sayyor qabul tadbiri o'tkazildi.

Qabul davomida fuqarolarning kadastr hujjatlarini rasmiylashtirish, pensiya, kommunal to‘lovlar, imtiyozli kredit, meros, uy-joyga subsidiya olish, ijtimoiy himoya masalalari yuzasidan murojaatlari eshitildi.

Shuningdek, qabul davomida 4 nafar xotin-qizlarga tikuv mashinasi, bir nafar nogironligi bor shaxsga nogironlik aravachasi taqdim etildi.

07.03.2025 Aziz ayollar bayramingiz muborak bo‘lsin!
"8-mart – Xalqaro xotin-qizlar kuni” munosabati va xotin-qizlarga ehtirom belgisi sifatida Toshkent shahar adliya boshqarmasida bayram tadbiri o‘tkazildi.

Tadbirda boshqarma boshlig‘i tizimda faoliyat yuritayotgan xotin-qizlarni bayram bilan samimiy tabriklab, ayollarning jamiyatda, oilada tutgan o'rni beqiyos ekanligini alohida e'tirof etdi va ularga bayram sovg‘alari va faxriy yorliqlarni topshirdi.

Toshkent shahar adliya boshqarmasi yurtimizdagi barcha ayollarni bahorning ilk ayyomi 8-mart Xalqaro xotin-qizlar kuni bilan samimiy muborakbod etadi.

Новости 31 - 40 из 996
Начало | Пред. | 2 3 4 5 6 | След. | Конец