Янгиликлар
13.08.2024
Maxsus vakolatli оrgаnlаr xodimlarining intellektual mulk sohasidagi bilimlari oshirilmoqda
Chilonzor tuman davlat xizmatlari markazi binosida Adliya vazirligi va Toshkent shahar adliya boshqarmasi tomonidan Iqtisodiy jinoyatlarga qarshi kurashish departamentining Toshkent shahar boshqarmasi, Toshkent shahar soliq boshqarmasi, Toshkent shahar bojxona boshqarmasi xodimlari ishtirokida “Kontrafakt mahsulotlarni ishlab chiqarish va ularning aylanmasiga qarshi kurashishda o‘zaro hamkorlik qilish chora-tadbirlari to‘g‘risida”gi qo‘shma qaror yuzasidan o’quv
mashg'ulotlari tashkil etildi.
Ushbu tadbirda kontrafakt mahsulotlarni ishlab chiqarish va ularni aylanmasi bilan bog'liq holatlarni aniqlash va ularga chek qo'yish borasida tezkor va nazorat tadbirlarni hamkorlikda amalga oshirish hamda kontrafakt mahsulotlarni ishlab chiqarish va ularni aylanmasi bilan bog'liq huquqbuzarliklar bo'yicha o'zaro axborot almashish masalalari yuzasidan hamkorlik o'rnatishga kelishib olindi.
13.08.2024
Diniy tashkilotlar vakillari bilan uchrashuv o’tkazildi
Toshkent shahar adliya boshqarmasidan ro‘yxatdan o‘tgan diniy tashkilotlar vakillari bilan davra suhbati tashkil etildi.
Mazkur tadbirda, diniy tashkilotlar vakillarining huquqiy bilim, ko‘nikmalarini oshirish maqsadida “Vijdon erkinligi va diniy tashkilotlar to‘g‘risida“gi Qonun mazmun-mohiyati va unga amal qilish, diniy tashkilotlar faoliyatida uchraydigan kamchiliklar va ularni oldini olish, shuningdek, yillik faoliyati yuzasidan hisobotlarni e-ngo.uz portali orqali topshirish yuzasidan batafsil tushuntirishlar berildi.
Tadbirda diniy tashkilotlar faoliyatida uchrayotgan huquqiy muammolar eshitilib, amaliy yordam ko‘rsatish yuzasidan tegishli choralar ko‘rilishi belgilab olindi.
12.08.2024
“Baxtli oila sirlari” mavzusida seminar o’tkazildi
Yakkasaroy tumani FHDY bo‘limida yosh oila quruvchilar uchun seminar treninglar tashkil etildi.
Nikoh ostonasidagi yoshlar oilaviy-huquqiy munosabatlar, oilaviy hayot psixologiyasi, oila iqtisodi va budjeti, reproduktiv salomatlik asoslari, ma’naviy-axloqiy qadriyatlarni mustahkamlash mavzularida o’qitilmoqda.
Maqsad, oilaviy qadriyatlarni saqlash, oilalarda sog‘lom ma’naviy-axloqiy muhitni yaratish hamda ibratli ota-ona bo‘lish ko‘nikmalarini shakllantirish, erta ajrimlarning oldini olishdan iboratdir.
So‘zga chiqqanlar yoshlarga oila azaldan muqaddas qo‘rg‘on sanalganligi, inson oilada dunyoga kelishi, ulg‘ayib kamol topishi, eng avvalo oila mustahkam, tinch bo‘lsa jamiyat barqaror bo‘lishi haqida aytib o‘tishdi.
Tadbir so‘nggida yosh kelin-kuyovlarga oilaga tayyorgarlik kurslarida faol ishtirok etganliklari uchun sertifikatlar topshirildi.
06.08.2024
,,Adliya kuni’’ doirasida aholi uchun sayyor qabullar tashkil etildi
Poytaxtning Yunusobod, Olmazor va Yakkasaroy tumanlarida ,,Adliya kuni’’ doirasida aholi uchun sayyor qabullar tashkil etilib, fuqarolarning murojaatlari o’rganildi va muammolarni hal etish choralari ko’rildi.
Ushbu targ’ibot ishlari mahalla yettiligi ishtirokida tuman adliya bo’limi,YXKM, DXM va FHDY xodimlari tomonidan mahallalarda xonadonlarga uyma-uy yurilib, fuqarolarga huquqiy tushuntirishlar berildi.
Shuningdek, “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident farmoni yuzasidan targ'ibot tadbirlari olib borilib aholiga tushintirishlar berildi.
05.08.2024
“Baxtli oila sirlari” mavzusida seminar o'tkazildi
Chilonzor tumani 2-son FHDY bo’limida yosh oila quruvchilar uchun seminar tashkil etildi. Unda Adliya bo’limi, tuman Oila xotin-qizlar bo’limi, YUKXM vakillari va Oila psixologi hamda imom xatiblar ishtirok etib, nikoh ostonasida turgan yoshlarga “Baxtli oila sirlari” mavzusida ma'ruzalar qilishdi.
Seminar doirasida yoshlarimizga oilada erkak va ayolning o'rni ular o'rtasidagi o'zaro hurmat kabi tushunchalar haqida aytib o'tildi. Shuningdek, tadbirda nikohlanuvchi yoshlarga huquqiy, psixologik yondashuv asosida oila mustahkamligi, barqarorligi, qadriyatlar ustuvorligi, oila va baxtli turmush bizning kelajagimiz ekanligi haqida tushunchalar berildi.
02.08.2024
Asarlarning kontrafakt nusxalarini tarqatish javobgarlikka sabab bo'ladi
Toshkent shahar adliya boshqarmasiga fuqaro Jaloliddin Qutimov murojaat qilib, u tomonidan hammualliflikda yaratilgan “Multilevel Master Writing” o'quv qo'llanmasining kontrafakt nusxalari “P.P” MChJ tomonidan qonunga xilof ravishda tarqatilayotganligi to'g'risidagi xabar bergan.
Ushbu tadbirkorlik subyekti faoliyatida qonunchilikda belgilangan tartibda tekshiruv o'tkazilganda mazkur tadbirkorlik subyekti tomonidan “Multilevel Master Writing” o'quv qo'llanmasini 3 ming nusxada muallif ruxsatisiz chop etilayotganda muallif tomonidan to'xtatilganligi aniqlandi.
Ushbu holat bo‘yicha tadbirkorlik subyektiga nisbatan MJTKning 177-prim 1-moddasi 1-qismi bilan ma’muriy huquqbuzarlik to‘g‘risidagi bayonnoma rasmiylashtirilib, ko‘rib chiqish uchun jinoyat ishlari bo‘yicha Chilonzor tuman sudiga yuborildi va sud qaroriga ko‘ra huquqbuzarga nisbatan 5,1 mln so‘m jarima jazosi tayinlandi.
01.08.2024
"Adliya kuni" tadbirlari
Poytaxtning Yunusobod, Yashnobod, Cilonzor, Uchtepa, Yakkasaroy, Mirobod, Olmazor va Bektemir tumanlarida o‘tkazilgan "Adliya kuni" tadbirlari doirasida adliya xodimlari sayyor qabullar tashkil etib, uyma-uy yurgan holda mahallalarda aholi muammolarini o'rganishdi.
O’rganishlar jarayonida aholini qiynab kelayotgan ijtimoiy-iqtisodiy muammolar, huquqiy masalalar yuzasidan bildirilgan murojaatlarning akasariyatiga shu joyning o‘zida ijobiy yechim topilib, qayta o‘rganishni talab etadigan holatlar nazoratga olindi.
“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident farmoni yuzasidan ham targ'ibot tadbirlari olib borildi.
01.08.2024
“Hyundai” va “KIA” tovar belgilariga bo'lgan huquqlarni tiklash choralari ko'rildi.
Toshkent shahar adliya boshqarmasiga “Hyundai Motor Comapany” va “Kia Corporation” kompaniyalariga tegishli bo‘lgan “Hyundai” va “KIA” tovar belgilaridan tadbirkorlar R.D.Sh va A.Sh.O tomonidan huquq egasining roziligisiz foydalanayotganligi to‘g‘risidagi murojaati kelib tushgan.
Murojaatda ko'rsatilgan avtotransport vositalari uchun ehtiyot qismlari sotiladigan savdo do'konlarda qonunchilikda belgilangan tekshiruvlar o'tkazilganda ushbu tadbirkorlik subyektlari tomonidan “Hyundai” va “KIA” tovar belgilari bilan bir xil bo‘lgan “Hyundai” va “KIA” nomidan foydalanilayotganlik holati aniqlandi.
Ushbu holat bo‘yicha ushbu tadbirkorlik subyektlariga nisbatan MJTKning 177-moddasi bilan ma’muriy huquqbuzarlik to‘g‘risidagi bayonnomalar rasmiylashtirilib, ko‘rib chiqish uchun jinoyat ishlari bo‘yicha Chilonzor tuman sudiga yuborildi, sud qaroriga ko‘ra huquqbuzarlarga nisbatan 3,4 mln va 5,1 mln so‘m jarima jazolari tayinlandi.
30.07.2024
“Adliya kuni” doirasida aholi muammolari hal etilmoqda
Yashnobod tuman adliya bo'limi xodimlari "Madad" NNT Yashnobod tuman byurosi xodimi bilan birgalikda aholi tomonidan ko'tarilayotgan dolzarb muammolarni ko'rib chiqish va hal etish maqsadida "Shohimardon" hamda "Yangi nur" mahalla fuqarolar yig'inida bo'lishdi.
Shuningdek, Olmazor tuman adliya bo'limi tomonidan ham "Xastimom" mahalla fuqarolar yig'inlarida aholi muammolari o'rganildi.
Mazkur tadbirlar jarayonida tadbirkorlik, pensiya hamda bolalar uchun nafaqalarni olish tartibi, meros masalalari, nikohni qayd etish va uni bekor qilish, shuningdek, uy-joy bilan bog'liq nizoli holatlar kabi turli masalalar yuzasidan huquqiy tushuntirishlar berildi.
Новости 31 - 40 из 809
Начало | Пред. | 2 3 4 5 6 | След. | Конец