Янгиликлар

04.03.2025 Oila qurish ostonasidagi yoshlarga hayotiy saboqlar berildi
Bektemir tumani FHDY bo‘limi va tuman Oila va xotin-qizlar bo‘limi bilan hamkorlikda Bektemir tumanida nikohlarini rasmiylashtirish uchun ariza taqdim etgan yosh oila quruvchilar o‘qitildi.

O‘quv mashg‘ulotlari davomida tuman FHDY bo‘limi mudirasi, Oila va xotin qizlar bo‘yicha hokim o‘rinbosari, diniy idora vakillari va oilaviy psixolog tomonidan yoshlarga tibbiy, huquqiy, psixologik, ma’naviy va ma’rifiy hamda diniy mavzularda tushuntirish ishlari olib borildi.

Shuningdek, xotin-qizlar huquqlarini himoya qilish, ularning ijtimoiy-siyosiy va sotsial faolligini oshirish hamda huquqiy madaniyatini yuksaltirish, huquq va erkinliklarini himoya qilish, qonunchilikda belgilangan imtiyoz va preferensiyalar mazmun-mohiyati yuzasidan huquqiy tushintirishlar berildi.

O‘quv mashg‘ulotlarini tamomlagan oila qurish ostonasida turgan 15 nafar juftliklarga sertifikatlar topshirildi.

04.03.2025 DIQQAT E’LON!
Hurmatli hamyurtlar, joriy yilning 7-mart kuni soat 10-00da Shayxontohur tumani adliya bo‘limi binosida aholi muammolarini o‘rganish va hal etish, kadastr hujjatlarini rasmiylashtirish, pensiya, kommunal to‘lovlar, imtiyozli kredit, meros, uy-joyga subsidiya olish, ijtimoiy himoya masalalari yuzasidan Toshkent shahar xalq qabulxonasi hamda Toshkent shahar adliya boshqarmasi tomonidan ommaviy sayyor qabul tadbiri amalga oshiriladi.

Hurmatli yurtdoshlar, ushbu sayyor qabulda o‘zingizni qiynayotgan masalalar yuzasidan murojaat qilib faol ishtirok etishingizni so‘rab qolamiz!

Manzil: Shayxontohur tumani, Beruniy ko‘chasi, 2-uy. (https://maps.google.com/maps?q=41.324623,69.232059&ll=41.324623,69.232059&z=16)

04.03.2025 Adliya koʻmagida fuqaroga pensiya tayinlashda inobatga olinmagan davrlar ish stajiga qo‘shildi.
Yunusobod tumani adliya bo‘limiga fuqaro M.Ziyayev murojaat qilib, 1979 – 1998-yillar oralig‘ida mehnat faoliyatini yuritgan davri Byudjetdan tashqari pensiya jamg‘armasi Yunusobod tumani bo‘limi tomonidan yoshga doir pensiya tayinlashda inobatga olinmayotganligini bildirib, ushbu muammoni hal qilishda amaliy yordam berishni soʻragan.

Batafsil (https://telegra.ph/Adliya-ko%CA%BBmagida-fuqaroga-pensiya-tayinlashda-inobatga-olinmagan-davrlar-ish-stajiga-qoshildi-03-04)

04.03.2025 “Xotin-qizlarning mehnat huquqlari” mavzusida ekspertlar bilan suhbat o'tkaziladi
Adliya vazirligi tomonidan o'tkazilayotgan “Xotin-qizlarga huquqiy ko'mak ” aksiyasi doirasida “Xotin-qizlarning mehnat huquqlari” mavzusida ekspertlar bilan suhbat tashkil etiladi.

Ovozli chat 5-mart kuni soat 16:00 da  Huquqiy axborot (https://t.me/huquqiyaxborot) telegram kanalida boshlanadi.

Suhbat spikerlari: O'zbekiston Respublikasi Kambag'allikni qisqartirish va bandlik vazirligi hamda Toshkent davlat yuridik universiteti mas'ul xodimlari.

Savollaringizni @mehnatpodkast_bot telegram boti orqali oldindan yoki to'g'ridan to'g'ri onlayn muloqot vaqtida berishingiz mumkin.

Mazmunan bir-biriga yaqin savollarga umumlashtirilgan holda javob beriladi.

03.03.2025 Taʼlim muassasalarida yoshlar orasida maʼnaviy-maʼrifiy muhitni yaxshilash maqsadida “Jaholatga qarshi maʼrifat” tamoyili asosida targ‘ibot tadbirlari o‘tkazilmoqda
Mirobod tumani adliya bo‘limi tomonidan tuman ichki ishlar bo‘limi va Milliy gvardiya xodimlari bilan hamkorlikda tumanning “Oltinko‘l” mahallasidagi 154-sonli umumta’lim maktabida jinoyatchilik va huquqbuzarliklarning sodir etilishini oldini olish maqsadida “Jaholatga qarshi ma’rifat bilan kurashmoq kerak” mavzusida o‘quvchilar ishtirokida davra suhbati o‘tkazildi.

Tadbirda yoshlar o‘rtasida qayd etilayotgan jinoyatlar, jumladan, firibgarlik, o‘g‘rilik hamda kiberjinoyatlarning oldini olish yuzasidan huquqiy tushuntirishlar berildi.

03.03.2025 Yosh juftliklar oilaviy hayotga o‘qitilmoqda
Sergeli tumani FHDY bo‘limi va tuman Oila va xotin-qizlar bo‘limi bilan hamkorlikda Sergeli tumani Yoshlarni oilaviy hayotga tayyorlash markazida nikohlarini rasmiylashtirish uchun ariza taqdim etgan navbatdagi yosh oila quruvchilar o‘qitildi.

O‘quv mashg‘ulotlari davomida tuman FHDY bo‘limi mudirasi, “Nuroniy” jamg‘armasi raisi, diniy idora vakillari, tuman tibbiyot birlashmasi mas’ul xodimlari va oilaviy psixolog tomonidan yoshlarga tibbiy, huquqiy, psixologik, ma’naviy va ma’rifiy hamda diniy mavzularda tushuntirish ishlari olib borildi.

O‘quv mashg‘ulotlarini tamomlagan oila qurish ostonasida turgan 30 nafar juftliklarga maxsus sertifikatlar topshirildi.

01.03.2025 Adliya xodimlari mahallalarda
Toshkent shahar adliya boshqarmasi va tuman adliya bo‘limlari tomonidan o‘tgan hafta davomida aholining huquqiy ongi va huquqiy madaniyatini oshirish bo‘yicha Yashnobod tumani “Yangiqo‘rg‘on” , Yakkasaroy tumani “Qushbegi”, Shayxontohur tumani “Olim Xoʻjayev”, “Kattabog”, Chilonzor tumani “Yakkatut”, Mirobod tumani “Аfrosiyob”, “Sharof Rashidov”, Mirzo Ulug‘bek tumani “Xumoyun” va “Al-Farobiy” mahallalarida sayyor qabullar hamda uyma-uy yurish tadbirlari amalga oshirildi.

Tadbir davomida aholini qiynab kelayotgan huquqiy muammolar va masalalar bo'yicha murojaatlari tinglanib, tushuntirishlar berildi hamda joyida hal etish imkoni bo'lmagan murojaatlar tuman adliya bo'limlari ish yurituviga qabul qilindi.

Shuningdek, aholini firibgarlik jinoyati qurboniga aylanishini oldini olish, ularni bu kabi jinoyatlarning yangi turlari va ularni sodir etish usullari haqida ogoh qilish yuzasidan tayyorlangan infografikalar tarqatildi.

01.03.2025 "Ziyo ulash" loyihasi tobora kengaymoqda
Adliya vazirligi tashabbusi bilan respublika bo‘ylab o‘tkazilayotgan “Ziyo ulash” aksiyasi doirasida Yunusobod tuman 1 va 2-son FHDY bo’limi, tuman xotin-qizlar  bo’limi bilan hamkorlikda nikoh ostonasidagi yoshlar ishtirokida davra suhbati o’tkazildi.

Tadbirda Zulfiyaxonim tavalludining 110-yilligi munosabati bilan “Zulfiya” mukofoti sohibasi shoira Guljamol Asqarova yoshlarga  sadoqat va vafo kuychisi bo’lgan Zulfiyaxonim ijodidan na’munalar keltirdi.

Shuningdek, "Ziyo ulash" loyihasini tobora kengaytirish hamda yoshlarning kitobga bo’lgan qiziqishlarini oshirish maqsadida Guljamol Asqarova yoshlarga o’z ijodidan tarkib topgan kitoblarni taqdim etdi.

01.03.2025 “Huquqiy mahalla” konsepsiyasi doirasida Yangihayot tumanining “Humo” mahallasida navbatdagi sayyor qabul o‘tkazildi
Sayyor qabulda 20 dan ortiq mahalla fuqarolari ishtirok etib,  aholining  huquqiy muammolari o‘rganildi.

Qabul davomida uy-joy, kadastr, shaxsiy hujjatlardagi kamchiliklarni bartaraf etish, meros va boshqa masalalardagi murojaatlar eshitildi. 10 dan ortiq fuqarolarning masalasi joyning o‘zida huquqiy tushuntirish berish orqali masalasi hal etildi.

Qabulda 3 nafar fuqaroning murojaatlari qo‘shimcha o‘rganish talab etilganligi sababli, tuman adliya bo‘limi ish yurituviga olindi.

01.03.2025 Vazifa va ijro: “Kambag‘allikdan farovonlik sari” dasturi

"Kambag'allikdan farovonlik sari" dasturini amalga oshirish bo'yicha birinchi navbatdagi chora-tadbirlar to'g'risida"gi PQ-330-sonli Prezident qarori ijrosi yuzasidan Toshkent shahar adliya boshqarmasi va tuman adliya bo‘limlari tomonidan ijtimoiy o‘g‘ir ahvolga tushib qolgan oilalarning muammolari o‘rganilib, ijobiy hal etish choralari ko‘rilmoqda.

Xususan, Bektemir tumani adliya bo‘limi tomonidan tumanning “Bektemir” mahallasida istiqomat qiluvchi A.Ushurovning tadbirkorlik faoliyatini boshlashi va bandligini ta’minlash maqsadida "Anor sharbati chiqaradigan dastgoh” olib berildi.

Shuningdek, “Ustozlar” mahallasida istiqomat qiluvchi Y.Turabayevaga tikuv mashinasi olib berish orqali, o’zini-o’zi band qilib, kunlik daromad topishi hamda kambag‘al oilalar reyestridan chiqarilishiga erishildi.

Новости 51 - 60 из 996
Начало | Пред. | 4 5 6 7 8 | След. | Конец