Bog'lanish

Telefon
(+998 71) 203-60-03

Elektron manzil
toshkent@adliya.uz

Habarni yuborish
Ishonch telefoni 1008

Янгиликлар

 Konstitusiya – inson qadri, erkinlik, tenglik va adolat garovi 29.11.2025 Konstitusiya – inson qadri, erkinlik, tenglik va adolat garovi
Davlat xizmatlari markazlarida “Konstitutsiya burchagi” tashkil qilindi

Poytaxtdagi tuman davlat xizmatlari markazlarida xodimlar, shuningdek jamoatchilikka huquqiy ma’lumotlarni yanada ochiq va qulay shaklda yetkazish maqsadida “Konstitutsiya burchagi” tashkil etildi.

Ushbu burchak mamlakatimiz Konstitutsiyasi normalari, inson huquq va erkinliklarini muhofaza qilishga doir qonunchilik yangiliklari, shuningdek, aholi uchun muhim huquqiy taqdimotlar jamlangan maxsus axborot maydoni vazifasini bajaradi.

Burchakda Konstitutsiyaning eng muhim moddalari sodda va tushunarli sharhlar bilan, yangi qabul qilingan qonunlar va islohotlar haqida ma’lumotlar, huquqiy madaniyatni oshirishga qaratilgan buklet va tarqatma materiallar, yuridik adabiyotlar va elektron resurslar orqali interaktiv ma’lumotlar taqdim etiladi.

“Konstitutsiya — huquqlarim poydevori” 27.11.2025 “Konstitutsiya — huquqlarim poydevori”
Mirobod tumani adliya bo‘limi hamda tuman maktabgacha va maktab ta’limi bo‘limi hamkorligida tumandagi 294-sonli umumiy o’rta ta'lim maktabida tuman hududidagi barcha maktablarning 7–11-sinf o‘quvchilari o‘rtasida “Konstitutsiya – huquqlarim poydevori” mavzusida insholar tanlovi o‘tkazildi.

Tanlov davomida yoshlar Konstitutsiyaning mazmun-mohiyati, unda belgilangan huquq va erkinliklarning hayotdagi o‘rni, fuqarolik mas’uliyati hamda Vatanga sadoqat kabi dolzarb masalalar borasida o‘z fikr-mulohazalarini ijodiy tarzda bayon etdilar.

Tanlov yakuniga ko’ra g‘olib deb topilgan o’quvchilar 1,2,3 darajali diplomlar bilan taqdirlanishdi.

"Chilonzor-korrupsiyadan holi hudud" mavzusida Ochiq eshiklar kuni tadbiri o‘tkazildi 26.11.2025 "Chilonzor-korrupsiyadan holi hudud" mavzusida Ochiq eshiklar kuni tadbiri o‘tkazildi
"9 dekabr — Xalqaro korrupsiyaga qarshi kurashish kuni" munosabati bilan mamlakatimiz bo‘ylab o‘tkazilayotgan an’anaviy “Aksilkorrupsiya oyligi” doirasida Chilonzor tumani hokimligida  “Ochiq eshiklar kuni” tadbiri bo‘lib o‘tdi.

Tadbirda tuman hokimi va mas’ullar so‘zga chiqib, ayni paytda mamlakatimizda korrupsiyaga qarshi olib borilayotgan kurash jarayonlari, bu yo‘nalishda qabul qilingan huquqiy-me’yoriy hujjatlarning mazmun-mohiyati, hozirgi paytda ko‘p uchrayotgan maishiy korrupsiya holatlari va uning oldini olish bo‘yicha amalga oshirilishi lozim bo‘ladigan chora-tadbirlar xususida o‘z fikr va mulohazalarini aytib o‘tishdi.

Shuningdek, tadbirda  tumanda korrupsiyaga qarshi kurash bo‘yicha olib borilayotgan ishlar tanqidiy tahlil qilindi va kelgusida bu borada amalga oshiriladigan chora-tadbirlar belgilab olindi.

“Konstitutsiya — huquqlarim poydevori” 25.11.2025 “Konstitutsiya — huquqlarim poydevori”
Yangihayot tumani adliya bo‘limi hamda tuman maktabgacha va maktab ta’limi bo‘limi hamkorligida tumandagi 304-sonli umumiy o’rta ta'lim maktabida tuman hududidagi barcha maktablarning 7–11-sinf o‘quvchilari o‘rtasida “Konstitutsiya – huquqlarim poydevori” mavzusida insholar tanlovi o‘tkazildi.

Tanlov davomida yoshlar Konstitutsiyaning mazmun-mohiyati, unda belgilangan huquq va erkinliklarning hayotdagi o‘rni, fuqarolik mas’uliyati hamda Vatanga sadoqat kabi dolzarb masalalar borasida o‘z fikr-mulohazalarini ijodiy tarzda bayon etdilar.

Tanlov yakuniga ko’ra g‘olib deb topilgan o’quvchilar 1,2,3 darajali diplomlar bilan taqdirlanishdi.

 „Adliya kuni“ tadbirlari doirasida fuqarolar uchun sayyor qabul tashkil etildi. 25.11.2025 „Adliya kuni“ tadbirlari doirasida fuqarolar uchun sayyor qabul tashkil etildi.
Aholining huquqiy muammolarini aniqlash, o‘rganish hamda joyida bartaraf etish maqsadida Sergeli tumanining "Xabibiy" mahallasi aholisi ishtirokida tuman adliya bo'limi tomonidan sayyor qabul o'tkazildi.

Sayyor qabul davomida tuman adliya bo'limi xodimlari tomonidan aholining kundalik hayotida aniqlanadigan huquqiy muammolar, xususan, ijtimoiy ta'minot, sog'liqni saqlash, yer, uy-joy, oila masalalari yuzasidan  huquqiy tushuntirish va maslahatlar berildi.

Korrupsiyaga qarshi kurashishda barchamiz  mas'ulmiz 24.11.2025 Korrupsiyaga qarshi kurashishda barchamiz mas'ulmiz
Olmazor tumani adliya bo‘limi va tuman maktabgacha va maktab ta’limi bo‘limi hamkorligida “Korrupsiyaga qarshi kurashish oyligi” doirasida tumandagi barcha umumta’lim maktablari va maktabgacha ta’lim tashkilotlari pedagog xodimlari ishtirokida seminar o‘tkazildi.

Tadbir davomida korrupsiyaga qarshi kurashishga doir qonunchilik asoslari, xususan “Manfaatlar to‘qnashuvi to‘g‘risida”gi Qonunning mazmun-mohiyati yuzasidan tushunchalar berildi.

Shuningdek, korrupsiyaga qarshi kurashish tizimi samaradorligini oshirish, korrupsion holatlarni o‘z vaqtida aniqlash va ularning oldini olish bo‘yicha atroflicha tushuntirishlar berilib, ushbu holatlarning oqibatlari hamda ularni keltirib chiqaruvchi sabab va shart-sharoitlarni bartaraf etish bo‘yicha ko‘rsatmalar berildi.

Tadbirning asosiy maqsadi – jamiyatda korrupsiyaga nisbatan murosasiz munosabatni shakllantirish hamda huquqiy savodxonlikni oshirishga xizmat qilishdan iboratdir.

Biz kontrafaktga qarshimiz 22.11.2025 Biz kontrafaktga qarshimiz
Toshkent shahar adliya boshqarmasi tomonidan bozorlar, savdo majmualari va savdo do‘konlarida kontrafakt mahsulotlar realizatsiyasini oldini olishga qaratilgan profilaktika tadbirlari o‘tkazildi.

Profilaktika tadbirlari davomida iste’molchilar va tadbirkorlarga kontrafakt mahsulotlarni realizatsiya qilishning salbiy oqibatlari hamda ularni sotganlik uchun belgilangan ma’muriy va jinoiy javobgarlik yuzasidan batafsil ma’lumotlar berildi.

Mazkur targ‘ibot tadbirlarining asosiy maqsadi — aholining huquqiy savodxonligini oshirish va kontrafakt mahsulotlarning oldini olish hisoblanadi.

Tadbir yakunida savdo nuqtalarida faoliyat yurituvchi tadbirkorlik subyektlariga kontrafakt mahsulotlar haqida ma’lumot beruvchi tarqatma materiallar (kataloglar) tarqatildi va asl mahsulot yoki tovarlar sotuvchi savdo obyektlari “kontrafaktsiz savdo obyekti” sifatida e’tirof etilib, ularga ushbu mazmundagi maxsus stikerlar tarqatildi.

“Menga umr baxsh et” xayriya aksiyasi 21.11.2025 “Menga umr baxsh et” xayriya aksiyasi
“Fuqarolik jamiyati haftaligi” doirasida Toshkent shahar adliya boshqarmasi tomonidan O’zbekiston Respublikasi Oliy Majlisi huzuridagi fuqarolik jamiyati institutlarini qo‘llab-quvvatlash jamoat fondi Toshkent shahar bo‘linmasi va O'zbekiston Qizil Yarim Oy Jamiyatining Toshkent shahar tashkiloti bilan hamkorlikda Yunusobod tumanida joylashgan 1-sonli klinik bolalar shifoxonasida “Menga umr baxsh et” xayriya aksiyasi tashkil etildi.

Tadbir davomida bemor bolalarni holidan xabar olinib, fuqarolik jamiyati institutlari vakillari tomonidan bemor bolalar uchun qon topshirish tashkil etildi va turli esdalik sovg‘alar ulashildi.

Shuningdek, fuqarolik jamiyati institutlarining barqaror rivoji yo‘lidagi salmoqli hissasi va ijtimoiy-foydali loyihalardagi faol ishtiroki uchun bir guruh nodavlat notijorat tashkiloti vakillari Toshkent shahar adliya boshqarmasining “Tashakkurnomasi” bilan taqdirlandi.

"Mexrjon'" mahallasida sayyor qabul o'tkazildi 21.11.2025 "Mexrjon'" mahallasida sayyor qabul o'tkazildi
“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son Prezident Farmoni doirasida Toshkent shahar adliya boshqarmasi tomonidan aholini qiynab kelayotgan huquqiy muammolarga yechim topish maqsadida Chilonzor tumanining “Mexrjon“ mahallasida “Adliya kuni” doirasida sayyor qabul o‘tkazildi.

Sayyor qabulda fuqarolarning turli masalalar bo‘yicha, xususan, uy-joy, subsidiya, kadastr va boshqa masalalarda murojaatlari tinglanib, ularga tegishli huquqiy tushuntirishlar berildi. O‘rganish talab qiladigan murojaatlar tegishli tartibda ish yurituviga olindi.

Tadbir davomida aholining huquqiy ongi va madaniyatini oshirish, ularni o‘z huquq va majburiyatlari haqida kengroq xabardor qilish maqsadida targ‘ibot ishlari ham olib borildi.

Toshkent shahar adliya boshqarmasi Rejalashtirish va nazorat-tahlil sho‘basi boshlig‘i tayinlandi 14.11.2025 Toshkent shahar adliya boshqarmasi Rejalashtirish va nazorat-tahlil sho‘basi boshlig‘i tayinlandi
Toshkent shahar adliya boshqarmasi Rejalashtirish va nazorat-tahlil sho‘basi boshlig‘i tayinlandi

Toshkent shahar adliya boshqarmasi  buyrug‘i bilan ESHNIYOZOV BOBIR MIRZO BAXTIYOR O‘G‘LI Toshkent shahar adliya boshqarmasi Rejalashtirish va nazorat-tahlil sho‘basi, sho‘ba boshlig‘i lavozimiga tayinlandi.

ESHNIYOZOV BOBIR MIRZO BAXTIYOR O‘G‘LI 1994-yilda Surxondaryo viloyatida tug‘ilgan. Ma’lumoti–oliy.

B.Eshniyozov shu kunga qadar Toshkent shahar Mirobod tumani adliya bo‘limi boshlig‘i lavozimida faoliyat yuritib kelgan.


Новости 51 - 60 из 1208
Начало | Пред. | 4 5 6 7 8 | След. | Конец