Yangiliklar

Yashnobod tuman adliya bo'limi xodimlari "Madad" NNT Yashnobod tuman byurosi xodimi bilan birgalikda aholi tomonidan ko'tarilayotgan dolzarb muammolarni ko'rib chiqish va hal etish maqsadida "Shohimardon" hamda "Yangi nur" mahalla fuqarolar yig'inida bo'lishdi.

Shuningdek, Olmazor tuman adliya bo'limi tomonidan ham "Xastimom" mahalla fuqarolar yig'inlarida aholi muammolari o'rganildi.

Mazkur tadbirlar jarayonida  tadbirkorlik, pensiya hamda bolalar uchun nafaqalarni olish tartibi, meros masalalari, nikohni qayd etish va uni bekor qilish, shuningdek, uy-joy bilan bog'liq nizoli holatlar kabi turli masalalar yuzasidan huquqiy tushuntirishlar berildi.

Tumanda joylashgan kichik sanoat zonasida faoliyat olib borayotgan tadbirkorlar uchun yaratilgan shart-sharoitlar bilan tanishar ekan, tadbirkorlarni qiynayotgan huquqiy muammolar, jumladan xususiylashtirish, soliq, bojxona va boshqa shu kabi sohalarga oid masalalar tinglanib, ularni hal qilish masalalari muhokama qilindi.

Ma’lumot o’rnida, bugungi kunda kichik sanoat zonasida 80 nafardan ortiq tadbirkorlar ish olib borayotgan bo‘lib, 50dan ortiq ishlab chiqarish jarayonlari ya’ni plastik idishlar, qog’ozni qayta ishlash, tekstil mahsulotlari, mebel ishlab chiqarish kabi yo’nalishlar yo‘lga qo‘yilgan.

Shayxontohur tumani “Gulobod” mahallasida tashkil qilingan sayyor qabulda tuman hokimligi hamda korxona va tashkilotlar mas’ullari ishtirok etishdi.

Tadbirda A.Karimov dastlab "Ma’muriy islohotlar doirasida adliya organlari va muassasalari mas’uliyatini yanada oshirish chora-tadbirlari to‘g‘risida"gi Prezident Farmoni mazmun-mohiyati tushuntirildi. Shundan so‘ng aholi murojaatlari tinglandi.

Sayyor qabul davomida kadastr hujjatini rasmiylashtirish, moddiy yordam olish, bola puli, davolanish uchun order,  ishga joylashish, kommunal soha kabi masalalarda 34 ta murojaatlar kelib tushdi.

Shundan 26 ta murojaat joyida o‘z yechimini topdi, qo‘shimcha o‘rganish talab qiladigan 8 ta murojaat ish yurituvga qabul qilinib, ijrosi alohida nazoratga olindi.

Sayyor qabul jarayonida aholiga davlat xizmatlaridan foydalanish imkoniyati ham yaratilib, 20 nafarga yaqin  fuqarolarga sayyor tartibda xizmatlar ko‘rsatildi.

Poytaxtning Mirzo Ulug‘bek tumanida o‘tkazilgan “Adliya kuni” doirasida “Alisherobod” va “Sultoniya” mahallalarida “mahalla yettiligi” bilan hamkorlikda aholi uchun sayyor qabul o‘tkazildi.

Qabul davomida fuqarolarning mehnat huquqlari, kadastr, mol mulk va meros masalalari, hujjatlar bilan bog‘liq murojaatlari tinglanib, huquqiy yordam ko‘rsatish choralari ko‘rildi.

Uyma-uy yurib aholi  muammolarini o‘rganish davomida ham 15 dan ortiq murojaatlar ko‘rib chiqildi.

Uchrashuvda dastlab “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Prezident Farmonida belgilangan vazifalar yuzasidan tushunchalar berildi.

Shundan so‘ng  "mahalla yettiligi" tomonidan aholining kundalik hayotida uchrayotgan muammolar, ularni hal etish, ijtimoiy himoyaga muhtoj aholini qo‘llab-quvvatlash, jinoyatchilik va huquqbuzarliklarni oldini olish, yoshlarning bo‘sh vaqtlarini mazmunli tashkil etish, oilaviy ajrimlarning oldini olish borasidagi faoliyati o‘rganilib, faoliyatda vujudga kelayotgan muammolarni  bartaraf etish yuzasidan zarur tavsiya va ko‘rsatmalar berildi.

Adliya vaziri o‘rinbosari Alisher Karimov Uchtepa tuman Davlat xizmatlarida bo‘lib, aholiga ko‘rsatilayotgan davlat xizmatlari sifati bilan yaqindan tanishdi.

Shu bilan birga davlat xizmatlaridan foydalanayotgan fuqarolar bilan suhbatlashib, ularning fikri bilan ham qiziqib, takliflarini tingladi.

Tuman adliya bo‘limi, Davlat xizmatlari markazi, YXKM va  FHDY xodimlari bilan o‘tkazilgan uchrashuvda adliya bo‘limi rahbariyati va xodimlarining hisobotlari eshitilib, faoliyatidagi muammolar va takliflar muhokama qilindi.

Poytaxtning Yunusobod tumani „Bog’i bo’ston“ mahallasida „Adliya kuni“ doirasida aholi uchun sayyor qabul tashkil etilib, fuqarolarning murojaatlari tinglandi va muammolarni hal etish choralari ko’rildi.

Bu kabi tadbirlar Chilonzor, Olmazor, Sergeli va Bektemir tumanlarida ham o’tkazilib, tuman adliya bo‘limi, YXKM, DXM, FHDY xodimlari uyma-uy yurib aholi muammolarini o‘rganishdi.

Shuningdek, “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident Farmoni yuzasidan aholi o’rtasida keng tushintirish ishlari ham olib borildi.

Bugun poytaxtda huquqni muhofaza qiluvchi organlar tomonidan  Mirobod tumani aholisi uchun ommaviy sayyor qabul o’tkazildi.

Sayyor qabul davomida Toshkent shahar adliya boshqarmasiga  20 dan ortiq murojaatlar kelib tushdi. Murojaatlar yuzasidan shu joyning o'zida 4 ta sayyor davlat xizmatlari ko'rsatildi va 10 dan ortiq murojaatlarga huquqiy tushuntirishlar berildi.

Shuningdek, fuqarolarning  subsidiya, meros, tibbiy ko'rikdan o'tish, order olish, ijtimoiy yordam kabi  qator masalalari yuzasidan murojaatlari  qabul qilinib, batafsil o'rganish maqsadida ish yurituviga olindi. Boshqa murojaatlar yuzasidan ham mutasaddilarga tegishli topshiriqlar berildi.

Poytaxtning Yunusobod, Yashnobod, M.Ulug’bek, Yakkasaroy, Sergeli va Bektemir tumanlarida o‘tkazilgan "Adliya kuni" tadbirlari doirasida adliya xodimlari sayyor qabullar tashkil etib, uyma-uy yurgan holda mahallalarda  aholi muammolarini o'rganishdi.

O’rganishlar jarayonida aholini qiynab kelayotgan ijtimoiy-iqtisodiy muammolar, huquqiy masalalar yuzasidan bildirilgan murojaatlarning akasariyatiga shu joyning o‘zida ijobiy yechim topilib, qayta o‘rganishni talab etadigan holatlar nazoratga olindi.

“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident farmoni yuzasidan ham targ'ibot tadbirlari olib borildi.

Chilonzor tuman davlat xizmatlari markazida adliya vaziri Akbar Toshqulov va Birlashgan Arab Amirliklarining “SEDCO” kompaniyasi
bosh direktori Madjdi Al-Beyt Shavish o‘rtasida uchrashuv o‘tkazilib, kompaniya tomonidan ishlab chiqarilgan va namuna uchun O‘zbekistonga olib kelingan 3 turdagi interaktiv kiosklarning imkoniyat va afzalliklari yuzasidan taqdimot o‘tkazildi.

Taqdimot davomida “SEDCO” kompaniyasi vakillari tomonidan interaktiv kiosklarning dasturiy ta'minotidagi afzalliklari, masofadan monitoring qilish imkoniyatlari hamda fuqarolar tomonidan mustaqil foydalanishdagi qulayliklari tushuntirib berildi.

Shu bilan birgalikda, mazkur kiosklarning texnik qo‘llab-quvvatlash hamda xodimlarda qurilmalardan foydalanish ko‘nikmalarini shakllantirish yuzasidan o‘qitish masalalari muhokama qilindi.

Uchrashuv yakunida sinov tariqasida O‘zbekistonga olib kelingan 3 turdagi interaktiv kiosklarning texnik xususiyatlarini tajribadan o‘tkazish hamda kelgusida aholi gavjum joylar hamda tuman markazidan uzoqda joylashgan mahallalarga o‘rnatishda hamkorlik qilish masalalari yuzasidan fikr almashildi.