Янгиликлар

06.09.2024 „Adliya kuni“ tadbirlari doirasida fuqarolar uchun sayyor qabul tashkil etildi.
Poytaxtning Shayxontohur tumanida o’tkazilgan „Adliya kuni“ tadbirlari doirasida fuqarolar uchun sayyor qabul tashkil etildi.

„Sarhumdon“ va „Katta hovuz“ MFY fuqarolari asosan kadastr, ko'p qavatli uylarni boshqarish shirkatlari  to'g'risidagi savollar hamda tibbiy ko’riklar masalasida murojaat qilishdi.

Shuningdek qabul davomida  20 dan ortiq  fuqarolarning muammolari  tinglandi,
10 dan ortiq fuqaroga huquqiy tushuntirishlar berildi hamda
5 nafar fuqaroning murojaati joyida hal etildi.

Uyma-uy aylanib yurish jarayonida ham aholini qiynab turgan bir qator salollariga tushuntirishlar berildi.

05.09.2024 Rahbar va yoshlar uchrashuvi
Toshkent shahar adliya boshqarmasi boshlig’i Shayxontohur tumani “Samarqand darvoza” MFYda yoshlar uchun sayyor qabul o’tkazdi.

Uchrashuvda 15 nafardan ortiq qizil, sariq va yashil toifaga kiritilgan yoshlar ishtirok etishib, o’zlarini qiynayotgan  muammolar  yuzasidan murojaat qilishdi.

Yoshlar asosan ta‘lim olish uchun kontrakt masalalarida yordam, tadbirkorlikni yo’lga quyishda kredit masalalari va boshqa masalalarda huquqiy maslahatlar so’rasdi.

Har bir yoshning murojaati alohida tinglanib, muammoni hal etish choralari ko‘rildi.

31.08.2024 Og’ir xastalikka chalingan bemorga sayyor davlat xizmati ko’rsatildi
Uchtepa tumanida istiqomat qiluvchi
62 yoshli Rima Habibulina 4 yildan buyon og’ir xastalik bilan kurashib keladi.

Ayolning qarindoshlari Uchtepa tumani davlat xizmatlariga murojaat qilib, ko’chmas mulkka bo’lgan huquqlarini davlat ro’yxatidan o’tkazishga ariza berish uchun ayolning ko’chaga chiqa olmasligini aytib yordam so’rashgan.

Davlat xizmatlari markazi tomonidan Rima Habibulinaga uyiga borib sayyor davlat xizmati ko’rsatilib, hujjatlari rasmiylashtirilishida yordam ko’rsatildi.

15.08.2024 Yurtimizda hech bir yosh eʼtibordan chetda emas! 
Toshkent shahar adliya boshqarmasi boshlig‘i tomonidan Chilonzor tumani “Do‘mbirobod”  mahallasida Adliya organlari tomonidan otaliqqa olingan yoshlar bilan uchrashuv o‘tkazildi.

Unda 20 nafarga yaqin sariq toifaga kiritilgan yoshlar ishtirok etishib, o‘zlarini qiynayotgan muammolari haqida bildirishdi.

Yoshlar asosan uy-joy uchun subsidiya olish,  tadbirkorlik ishida huquqiy yordam, kredit va soliq imtiyozlari haqida hamda moddiy yordam yuzasidan murojaat qilishdi.

Har bir yoshning murojaati alohida tinglanib, muammoni hal etish choralari ko‘rildi. Qabul davomida 15 yoshli o‘smirga yangi o‘quv yili uchun o‘quv qurollari va maktab formasini olishda moddiy yordam ajratildi.

15.08.2024 Yoshlar oilaviy hayotga tayyorlash kurslarida o'qitilmoqda
Sergeli tumani FHDY bo’limiga  nikohlarini rasmiylashtirish uchun ariza bergan yoshlar “Yosh oila quruvchilar maktabi” kurslarida oʻqitildi.

Oʻquv kurslarida Oila va xotin-qizlar boʻlimi, Sergeli tumani targʻibot guruhi, tuman bosh otinoyisi, maʼnaviyat va maʼrifat markazidan mutaxassislar ishtirok etib, oilaviy qadriyatlarni saqlash, oilalarda sog‘lom ma’naviy-axloqiy muhitni yaratish orqali oila mustahkamligini ta’minlash kabi mavzularda so’z yuritishdi.

Darslarda ishtirok etgan 50 nafar juftliklarga o’quv kurslari yakuni bo’yicha sertifikatlar topshirildi.

14.08.2024 Bemor ayolning hujjatlari yangilab berildi
Poytaxtning Mirzo Ulug‘bek tumani FHDY bo'lim xodimlari "Adliya kuni"  doirasida mahallalarda   uyma-uy yurib, aholining kundalik  hayotida uchrayotgan  muammolarni o’rganishmoqda

Tumanning “Darxon” mahallasidan 62 yoshli Dilorom
G’ofurova sog’lig’ida jiddiy muammolar borligi va chet elga davolanish uchun borishida hujjatlaridagi o’zgarishlar sabab keta olmayotganini bildirdi.

"Huquqiy ko'mak" aksiyasi yordamida  ushbu ayolga bepul birlamchi  huquqiy  yordam ko'rsatilib , hujjatlaridagi tafovudlar bartaraf  etilib, fuqaroga  tug'ilganlik  va nikoh tuzilganlik guvohnimasi o'zgartirilib, yangitdan berildi.

Shuninhdek, xodimlar “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Prezident Farmoni yuzasidan ham aholiga keng tushintirish ishlarini olib borishmoqda

14.08.2024 Adliya xodimlari tomonidan aholi muammolari o’rganilmoqda
Poytaxtning M.Ulug’bek, Yakkasaroy, Mirobod, va Bektemir tumanlarida o‘tkazilgan "Adliya kuni" tadbirlari doirasida adliya xodimlari sayyor qabullar tashkil etib, uyma-uy yurgan holda mahallalarda  aholi muammolarini o'rganishdi.

O’rganishlar jarayonida aholini qiynab kelayotgan ijtimoiy-iqtisodiy muammolar, huquqiy masalalar yuzasidan bildirilgan murojaatlarning akasariyatiga shu joyning o‘zida ijobiy yechim topilib, qayta o‘rganishni talab etadigan holatlar nazoratga olindi.

“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident farmoni yuzasidan ham targ'ibot tadbirlari olib borildi.

13.08.2024 Maxsus vakolatli оrgаnlаr xodimlarining intellektual mulk sohasidagi bilimlari oshirilmoqda
Chilonzor tuman davlat xizmatlari markazi binosida Adliya vazirligi va Toshkent shahar adliya boshqarmasi tomonidan  Iqtisodiy jinoyatlarga qarshi kurashish departamentining Toshkent shahar boshqarmasi,  Toshkent shahar soliq boshqarmasi, Toshkent shahar bojxona boshqarmasi xodimlari ishtirokida “Kontrafakt mahsulotlarni ishlab chiqarish va ularning aylanmasiga qarshi kurashishda o‘zaro hamkorlik qilish chora-tadbirlari to‘g‘risida”gi qo‘shma qaror yuzasidan o’quv
mashg'ulotlari tashkil etildi.

Ushbu tadbirda kontrafakt mahsulotlarni ishlab chiqarish va ularni aylanmasi bilan bog'liq holatlarni aniqlash va ularga chek qo'yish borasida tezkor va nazorat tadbirlarni hamkorlikda amalga oshirish hamda kontrafakt mahsulotlarni ishlab chiqarish va ularni aylanmasi bilan bog'liq huquqbuzarliklar bo'yicha o'zaro axborot almashish masalalari yuzasidan hamkorlik o'rnatishga kelishib olindi.

13.08.2024 Diniy tashkilotlar vakillari bilan uchrashuv o’tkazildi
Toshkent shahar adliya boshqarmasidan ro‘yxatdan o‘tgan diniy tashkilotlar vakillari bilan davra suhbati tashkil etildi.

Mazkur tadbirda, diniy tashkilotlar vakillarining huquqiy bilim, ko‘nikmalarini oshirish maqsadida “Vijdon erkinligi va diniy tashkilotlar to‘g‘risida“gi Qonun mazmun-mohiyati va unga amal qilish, diniy tashkilotlar faoliyatida uchraydigan kamchiliklar va ularni oldini olish, shuningdek, yillik faoliyati yuzasidan hisobotlarni e-ngo.uz portali orqali topshirish yuzasidan batafsil tushuntirishlar berildi.

Tadbirda diniy tashkilotlar faoliyatida uchrayotgan huquqiy muammolar eshitilib, amaliy yordam ko‘rsatish yuzasidan tegishli choralar ko‘rilishi belgilab olindi.

12.08.2024 “Baxtli oila sirlari” mavzusida seminar o’tkazildi
Yakkasaroy tumani FHDY bo‘limida yosh oila quruvchilar uchun seminar treninglar tashkil etildi.

Nikoh ostonasidagi yoshlar oilaviy-huquqiy munosabatlar, oilaviy hayot psixologiyasi, oila iqtisodi va budjeti, reproduktiv salomatlik asoslari, ma’naviy-axloqiy qadriyatlarni mustahkamlash mavzularida o’qitilmoqda.

Maqsad, oilaviy qadriyatlarni saqlash, oilalarda sog‘lom ma’naviy-axloqiy muhitni yaratish hamda ibratli ota-ona bo‘lish ko‘nikmalarini shakllantirish, erta ajrimlarning oldini olishdan iboratdir.

So‘zga chiqqanlar yoshlarga oila azaldan muqaddas qo‘rg‘on sanalganligi, inson oilada dunyoga kelishi, ulg‘ayib kamol topishi, eng avvalo oila mustahkam, tinch bo‘lsa jamiyat barqaror bo‘lishi haqida aytib o‘tishdi.

Tadbir so‘nggida yosh kelin-kuyovlarga oilaga tayyorgarlik kurslarida faol ishtirok etganliklari uchun  sertifikatlar topshirildi.

Новости 211 - 220 из 996
Начало | Пред. | 20 21 22 23 24 | След. | Конец