Янгиликлар
10.05.2024
Mahalla yoshlariga sport kiyimlari sovg'a qilindi
Toshkent shahar adliya boshqarmasi tomonidan hududlarda adliya organlariga biriktirilgan yoshlar bilan manzilli ishlar olib borilmoqda. Xususan, Yangihayot tumanida 1 645 nafar 14 yoshdan 30 yoshgacha bo’lgan yoshlar adliya tomonidan otaliqqa olingan.
Tuman adliya bo‘limi, FHDY bo‘limi, Davlat xizmatlari markazi hamda Yiridik xizmat markazi xodimlari tomonidan “Chortoq” mahallasidagi yashil toifaga kiritilgan yoshlar bilan o’tkazilgan uchrashuvda ularning sportga bo’lgan qiziqishlari inobatga olinib, mahalla yoshlarining futbol jamoasi uchun sport kiyimlari sovg‘a qilindi.
08.05.2024
Uch avlod uchrashuvi
Toshkent shahar adliya boshqarmasi tomonidan "9-may — Xotira va qadrlash kuni" munosabati bilan adliya faxriylari, xodimlar va yoshlar ishtirokida "Uch avlod uchrashuvi" o'tkazildi.
Uchrashuvda adliya faxriylari sobiq hamkasblari va shogirdlari bilan dildan suhbatlashishdi. Faxriylar o'tgan davrlarni esga olishib, ustozlar xotirasini yod etishdi.
07.05.2024
Bugungi Notariat korrupsiyadan to‘liq holimi?
➡️ Notarial idoralardagi uzundan-uzun navbatlarni bartaraf etish hamda aholiga tez va sifatli xizmat ko'rsatish maqsadida e_notaris sayti orqali onlayn navbatlar yo‘lga qo‘yilgan.
➡️ Fuqarolarning ovoragarchiligi oldini olish, qog‘ozbozlikdan voz kechish, kommunal xizmatlar haqida maʼlumotlarni vakolatli idoralardan “Notarius AITS” elektron tizimi orqali olish yo‘lga qo‘yilgan.
➡️ Shuningdek, kar-soqov, ko‘zi ojiz bo‘lgan shaxslar bilan bog‘liq bitimlarni tasdiqlashda, audio va videoyozuv vositalaridan foydalanish tartibi joriy etilgan.
➡️ Davlat bojlari va boshqa yig‘imlar undirishda shaffoflikni taʼminlash va ortiqcha summa undirilmasligining oldini olish uchun mizojning mobil telefon raqamiga sms xabarnoma keladi. Bu esa o‘z o‘zidan korrupsion holatlarning oldini olishga qaratilgan.
✔️ Bu haqida Toshkent shahar adliya boshqarmasi masʼul xodimi Maftuna Ganiyevaning “Inson va qonun” gazetasida chop etilgan maqolasi orqali tanishishingiz mumkin.
06.05.2024
23 yoshli Fayziniso ishga joylashdi
Toshkent shahar adliya boshqarmasi tomonidan otaliqqa olingan yoshlar bilan manzilli ishlash doirasida Chilonzor tumani “Bo‘rijar” MFYda yashovchi sariq toifaga kiritilgan yoshlar orasida Fayziniso Abdumalikova ham vaqtincha ishsiz ekanligi bo‘yicha murojaat qilgan edi.
Fayzinisoning muammosi tez orada hal etildi. U tumandagi 496-maktabgacha taʼlim tashkilotiga ishga joylashtirilib, doimiy bandligi taʼminlandi.
03.05.2024
Yoshlar muammolariga yechim topilmoqda
Yashnobod tumanida adliya organlariga biriktirilgan yoshlar bilan Toshkent shahar adliya boshqarmasi boshlig‘i uchrashuv o‘tkazdi. Mahallalarda tashkil etilayotgan bu kabi suhbatlar yoshlar muammolarini tizimli hal etish imkonini bermoqda.
Tumanning “Shohirmadon” MFY da istiqomat qiluvchi Muqaddam Pirmuxammedova ishsiz ekanligi bo‘yicha murojaat qildi. Uning qandolatchilik bo‘yicha hunari borligini inobatga olishib, o‘zini-o‘zi band qilish hamda pishiriqlar pishirib, oilasiga daromad keltirishi uchun pishiriq pechi berildi.
Qizil toifaga kiritilgan Timur Xoshibraxmonov probatsiya ro‘yxatida turadi, hozirda xulq atvori yaxshilanganligi va o‘zi uchun xulosa chiqarganini aytib, probatsiyadan chiqarish masalasidagi murojaati yuzasidan sudga taqdimnoma kiritish bo‘yicha topshiriq berildi.
02.05.2024
Mahallalarda o'rganish ishlari olib borilmoqda
Poytaxtda huquqni muhofaza qiluvchi organlar rahbarlari va mutasaddilar tomonidan mahallalarda aholi muammolari o‘rganilmoqda.
Shuningdek, mutasaddilar Mirobod tumani Dehqon bozorida tadbirkorlar bilan ham suhbatlashib, ularning savollariga javob berish barobarida bildirilgan takliflarni ham inobatga olishdi.
01.05.2024
Yoshlar muammolari o‘rganilmoqda
Poytaxtning Sergeli tumanida Toshkent shahar prokurori, Adliya boshqarmasi boshlig‘i va huquqni muhofaza qiluvchi organlar mutasaddilari ishtirokida yoshlar muammolarini o‘rganish va ularga amaliy yordam ko‘rsatish bo‘yicha uchrashuv o‘tkazildi.
Uchrashuvda yoshlar va ota onalarni qiynayotgan muammolar tinglandi hamda ularning bandligini taʼminlash, kasbga yo‘naltirish va ijtimoiy yordam masalalari o‘rganilib, hal etish choralari belgilandi.
Yoshlar masalasidagi o‘rganishlar poytaxtning boshqa tumanlarida ham davom ettirilmoqda.
29.04.2024
Elektroskuter olib berilgach, 19 yoshli Akbar o'z ish o'rniga ega bo'ldi
Toshkent shahar adliya boshqarmasi tomonidan otaliqqa olingan yoshlar bilan manzilli ishlash bo‘yicha olib borilayotgan ishlar natijasida ko‘plab yigit qizlarning muammolariga ijobiy yechim topilmoqda.
Chilonzor tumani “Yakkatut” MFYda o‘tkazilgan yoshlar bilan uchrashuvda sariq toifaga kiritilgan vaqtincha ishsiz bo‘lgan Hoshimov Akbar Doniyor o‘g‘lining onasi Malika opa o‘g‘liga ish so‘rab murojaat qilgan edi.
Tuman adliya bo‘limi, hokim yordamchisi hamda yoshlar yetakchisi bilan hamkorlikda ushbu yigitga elektroskuter olib berilib, yetkazib berish xizmati bo‘yicha ishga joylashtirildi va bandligi taʼminlandi.
24.04.2024
Yoshlar bilan uchrashuv
#adliya_yoshlar
Toshkent shahar adliya boshqarmasi boshlig‘i Yunusobod tumani "Bo'zsuv" mahallasida adliya organlari tomonidan otaliqqa olingan yoshlar bilan uchrashib, ularni qiynayotgan muammolar yuzasidan yaqindan suhbatlashdi.
23.04.2024
Poytaxtda 7 nafar notariusning litsenziyasi vaqtincha to‘xtatildi
Toshkent shahar adliya boshqarmasi huzuridagi malaka komissiyasining bayonnomasiga asosan quyidagi xususiy amaliyot bilan shug‘ullanuvchi notariuslarning litsenziyasi vaqtincha to‘xatildi.
Yashnobod tumani L.Azamatova 1 oy muddatga 20.04.2024-yildan
20.05.2024-yilgacha
2 Sergeli tumani Sh.Shamirzayev 15 kun muddatga 24.04.2024-yildan
09.05.2024-yilgacha
Shayxontohur tumani I.Mustafayeva 15 kun muddatga
25.04.2024-yildan 10.05.2024-yilgacha
Sergeli tumani N.Munavvarova 1 oy muddatga 22.04.2024-yildan
22.05.2024-yilgacha
Yunusobod tumani U.Rixsiboyev 15 kun muddatga 26.04.2024-yildan
11.05.2024-yilgacha
Uchtepa tumani Sh.Xudayberdiyev 2 oy muddatga 26.04.2024-yildan
26.06.2024-yilgacha
Mirzo Ulug‘bek tumani Z.Abdalimova 15 kun muddatga 26.04.2024-yildan
11.05.2024-yilgacha
Новости 1 - 10 из 775
Начало | Пред. | 1 2 3 4 5 | След. | Конец