Янгиликлар

16.03.2024 Hashar – elga yarashar!
Yurtimiz bo‘ylab 16-18 mart kunlari “Navro‘z” umumxalq bayramini nishonlash hamda muborak Ramazon oyini munosib o‘tkazish maqsadida “Obod va fayzli mahalla – yurt ko‘rki” shiori ostida umumxalq xayriya hashari o‘tkazilmoqda. 

Toshkent shahar adliya boshqarmasi xodimlari ham hasharda faol ishtirok etmoqda. Xayriya hashari davomida binolar atroflari tozalanib, obodonlashtirilmoqda, daraxtlar oqlanib, shakl berilib, gullar ekilmoqda.

15.03.2024 Yuridik xizmat ko‘rsatish markazlari faoliyati o‘rganilmoqda  
Toshkent shahar аdliya bosqarmasi tomonidan Yuridik xizmat ko‘rsatish markazlari faoliyatidagi muammo va kamchiliklarni o‘rganib, ularni bartaraf etish yuzasidan joylarda seminarlar tashkil etilmoqda.

O‘tgan yilgi tahlillar shuni ko‘rsatmoqdaki, Yuridik xizmat ko‘rsatish markazlari tomonidan 390 895 ta hujjatlarga xulosalar berilgan. Shundan 30 015 ta hujjatlar qonunchilikka zidligi sababli salbiy xulosa berilib, hujjatlardagi  kamchiliklar sababli rad qilingan.

Seminarlarda yuridik xizmat ko‘rsatiladigan tashklotlar tomonidan “E-huquqshunos” tizimi orqali yuborilayotgan hujjat loyihalarini rad etilish sabablarini bartaraf etish bo‘yicha huquqiy tushuntirishlar berilmoqda.

14.03.2024 Biz korrupsiyaga qarshimiz!
Yakkasaroy tumanida “Biz korrupsiyaga qarshimiz” mavzusida tadbir o’tkazildi. Unda tuman hokimligi, prokuratura, ichki ishlar, adliya xodimlari  va bir qator tashkilotlardan mutasaddilar ishtirok etishdi.

Tadbirda so’z olganlar korrupsiyaga imkon beruvchi sabablar va shart-sharoitlarni bartaraf etish, korrupsiyaga oid huquqbuzarliklarni o'z vaqtida aniqlash va ularga chek qo'yish bo'yicha salmoqli ishlar olib borilyotganligini takidlashdi.

Shuningdek, korrupsiyaga qarshi kurashishning samarali dasturlarini amalga oshirish, barcha sohalarda korrupsiyaga oid huquqbuzarliklarga imkon yaratayotgan sabablar va shart-sharoitlarni tag-tomiri bilan yo'qotish borasida takliflar berildi.

13.03.2024 Yoshlarning ekologik bilimlari oshirilmoqda
Toshkent shahar adliya boshqarmasi tomonidan “Huquqiy axborot kuni” loyihasi doirasida haftaning har chorshanba kuni aholi gavjum bo’lgan joylar, ta’lim muassasalarida targ‘ibot tadbirlari olib borilmoqda.

Bugun targ’ibot tadirlari davomida  aholi va yoshlar orasida "Fuqarolarning ekologik huquqlari" bo‘yicha batafsil tushuntirishlar berildi.

Shuningdek, yoshlarning ekologik madaniyatni yanada rivojlantirish, ularning huquqiy savodxonligini oshirish  yuzasidan qisqa savol-javoblardan iborat bo’lgan viktorinalar ham o’tkazilib, g'oliblarga esdalik sovg'alari topshirildi.

12.03.2024 Xitoy oilasi farzandlariga guvohnoma berildi
Chilonzor tumani Charx Kamolon MFYda 2019 yildan buyon yashab kelayotgan Xitoy fuqarolarining 2021 yil O‘zbekiston hududida tug‘ilgan qizlari Yunxin va 2022 yil tug‘ilgan Moqi ismli farzandlarida faqatgina tug‘ruq kompleksi tomonidan berilgan tug‘ilganlik to‘g‘risidagi ID ma‘lumotnoma bo‘lgan.

Mazkur oilaga o‘z vaqtida huquqiy tushuntirishlar berilmaganligi sababli qizaloqlarga tug‘ilganlik guvohnomalari olinmaganligi ma‘lum bo‘ldi.

“Hech bir shaxs hujjatsiz qolmaydi” aksiyasi doirasida Chilonzor tuman 2-son FHDY bo‘limi tomonidan qizaloqlarga tegishli bo‘lgan barcha hujjatlar to‘planib, muddati o‘tgan tug‘ilganlik haqida dalolatnoma yozuvi qayd etildi va tug‘ilganlik haqidagi guvohnomalar tantanali ravishda topshirildi.

11.03.2024 “Tumor” munchoqlik bezak san’ati markazi davlat ro’yxatidan o’tkazildi
Toshkent shahar adliya boshqarmasiga nodavlat notijorat tashkilotini tuzish bo’yicha murojaat qilgan fuqarolar o’z faoliyatini imkoniyati cheklangan shaxslarning hunarmandchilik sohasida bandligini ta’minlash uchun qulay shart-sharoitlar yaratish maqsadida tashkil etayotganini bildirishgan.

Ro’yxatdan o’tkazish bo’yicha taqdim etilgan hujjatlar o’rganib chiqilgach, ushbu tashkilotning xalq badiiy va amaliy san’atini rivojlantirish, mustaqil ijod qilayotgan, biroq iqtidorini namoyon eta olmayotgan iste’dod egalarini izlab topish, yo‘qolib borayotgan hunar turlarini kelajak avlodlarga o‘rgatish, sayyohlar uchun jozibador bo‘lgan hunarmandchilik obektlarini yaratish maqsadidagi tashabbuslari qo’llab-quvvatlandi va ularga guvohnoma topshirildi.

04.03.2024 Kitob insoniyatning qalb gavhari, tafakkur xazinasidir!
Ayni kunlarda Toshkent shahar adliya boshqarmasida tashkil etilgan maʼnaviyat burchagi kitoblar bilan to‘ldirilmoqda.

Respublika Ma‘naviyat va ma‘rifat markazi Toshkent shahar bo‘limi tomonidan ma‘naviyat burchagini boyitish maqsadida o‘zbek adabiyoti durdona asarlari hamda “O‘zbekiston-2030” strategiyasi tarqatma materiallari taqdim etildi.

29.02.2024 Yo’qolgan guvohnoma qayta tiklandi
Chilonzor tumani “Nafosat” MFYda istiqomat qiluvchi 77 yoshli Surxondaryo viloyatida  tug’ilgan Muhabbat To'rayevaning tug’ilganlik haqida guvohnomasi ko'p yillar oldin yo’qolgan bo’lgan.

”Hech bir shaxs hujjatsiz qolmaydi” aksiyasi doirasida 2 -son FHDY bo’limi tomonidan barcha asoslovchi hujjatlar to’planib, onaxonga tug’ilganlik haqidagi dalolatnomasini tiklash  yo’li bilan takroriy guvohnoma rasmiylashtirildi.

28.02.2024 Qizaloq o‘z hujjatiga ega bo‘ldi
9 yoshli Lyubov Musinova Yashnobod tumani “Ahmad Yassaviy” mahallasida otasi bilan istiqomat qiladi. Qizaloq onasi Qirg‘iziston fuqarosi bo‘lganligi, oilaviy sabablarga ko‘ra unga o‘z vaqtida guvohnoma to‘g‘irlanmagani tufayli ham maktabga tengdoshlaridan kechroq chiqqanini aytadi.

“Hech bir shaxs hujjatsiz qolmaydi” aksiyasi doirasida qizchaga Yashnobod tumani adliya bo‘limi ko'magi bilan tug'ilganlik holatini rasmiylashtirish uchun kerakli hujjatlar to‘planib, unga  guvohmoma rasmiylashtirildi. Qo‘liga o‘z hujjatini olgan qizaloqning  kelajakka bo‘lgan ishonchi yanada ortdi.

24.02.2024 Xatlovlar natijasida fuqarolar hujjatli bo’lishmoqda
“Hech bir shaxs hujjatsiz qolmaydi” huquqiy aksiyasi doirasida mahallalar kesimida tegishli hujjatga ega bo'lmagan shaxslar xatlovdan o'tkazilmoqda.

Xatlov natijasida Bektemir tumani "Chashma" mahallasida istiqomat qiluvchi Аnobar Davronovaning ikki nafar uy sharoitida tug'ilgan farzandlarida  tug'ilganlik haqidagi guvohnomasi yo’qligi aniqlanib, ularga  kerakli hujjatlar rasmiylashtirildi.

Shuningdek, Shayhontoxur tumani “Charx novza”mahallasida yashovchi 84 yoshli  Iqlima Siddiqovaga  ID karta topshirildi.

Новости 251 - 260 из 996
Начало | Пред. | 24 25 26 27 28 | След. | Конец