Янгиликлар
08.09.2025
Adliya xodimlari ta’lim muassasalarida
Shayxontohur tumani adliya boʻlimi xodimlari tomonidan tumandagi 41-sonli umumiy o’rta ta’lim maktabida targʻibot tadbiri oʻtkazildi.
Tadbir davomida oʻquvchilarga voyaga yetmaganlar oʻrtasida sodir boʻladigan huquqbuzarliklar va ularni oldini olish, ta’lim jarayonida yuzaga keladigan korrupsiyaviy omillar va ular haqida xabar berish masalalari yuzasidan tushuntirishlar berib oʻtildi.
Shunigdek, o’quvchilarning yaxshi bilim olishlari uchun yurtimizda bepul ta’limning konstitutsiya asosida belgilab qo’yilgani va yoshlar uchun qator imkoniyatlar yaratilganligi haqida ham so’z yuritildi.
04.09.2025
Adliya xodimlari mahallalarda
“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Prezident Farmoni doirasida Shayxontohur tumani adliya bo'limi xodimlari tomonidan “Tinchlik” MFYda aholi muammolari oʻrganildi.
Shuningdek, mazkur mahalla yettiligi a'zolari va fuqarolarga O‘zbekiston Respublikasi Prezidentining
«2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida» gi 1-son qarori yuzasidan “Mening mahallamda jinoyat boʻlmaydi” dasturi doirasida manzilli targʻibot tadbirlari oʻtkazildi.
03.09.2025
Davlat xizmatlari markazlari xodimlari uchun navbatdagi o’quv-seminar
Mamlakatimizda fuqarolar va tadbirkorlarga davlat xizmatlari ko‘rsatish tizimi bosqichma-bosqich isloh qilinib, qulay investitsiyaviy va ishbilarmonlik muhitini yaratish,ortiqcha byurokratik to‘siqlarni bartaraf etish, davlat xizmatlari ko‘rsatish sifatini tubdan yaxshilash borasida tizimli chora-tadbirlar faol amalga oshirilmoqda.
Toshkent shahar adliya boshqarmasida Davlat xizmatlari markazlarining mas’ul xodimlari uchun yuridik shaxslarni ro'yxatdan o'tkazish, qayta ro'ytxatdan o'tkazish va tugatish masalalari bo'yicha navbatdagi o‘quv-seminari o‘tkazildi.
Seminar muzokara tarzida davom etib, xodimlar faoliyatida duch kelayotgan muammolar yuzasidan qiziqtirgan savollariga javob oldilar.
02.09.2025
"Birovning kartasiga adashib pul o'tkazib yubordim. Qaytarmayapti"
"Sug‘diyona" gazetasining "Huquqiy yordam“ sahifasida berilgan savolga Olmazor tumani adliya bo’limi Yuridik xizmat ko'rsatish markazi bosh yuriskonsulti Shexroz Rashidov huquqiy tushuntirish bergan maqolasi chop etildi.
29.08.2025
“Vatan uchun, millat uchun, xalq uchun!”
O'zbekiston Respublikasi mustaqilligining 34 yilligi munosabati bilan Toshkent shahar adliya boshqarmasida “Vatan uchun, millat uchun, xalq uchun!” shiori ostida bayram tadbiri bo'lib o'tdi.
Tadbir avvalida mustaqillikning 34 yilligi munosabati bilan Shayxontohur tumani adliya bo‘limi Yuridik xizmat ko‘rsatish markazi boshlig‘i Jaloliddin Sherqobilov va Yakkasaroy tumani 1-son FHDY bo‘limi mudirasi Luiza Maxmudbekova Adliya vazirligining “Faxriy yorlig‘i” bilan, Shayxontohur tumani adliya bo‘limi boshlig‘i Farxod Akbarov Adliya vazirligining “Esdalik soati” bilan taqdirlanganligi eʼtirof etildi.
Shuningdek, boshqarma tizimida o'z samarali mehnati bilan yagona huquqiy siyosatni amalga oshirishga qo'shib kelayotgan hissasi uchun bir guruh xodimlar rag'batlantirildi va Faxriy yorliqlar bilan taqdirlandi.
29.08.2025
Korrupsiyaga qarshi birgalikda kurashamiz!
Tibbiyot xodimlarining huquqiy madaniyatini oshirish maqsadida, Mirobod tumani 3-son Oilaviy poliklinikada tashkil etilgan tadbirda korrupsiya va unga qarshi kurashishning huquqiy asoslari haqida so‘z yuritildi.
Tadbirda Mirobod tuman adliya bo‘limi Yuridik xizmat ko'rsatish markazi boshlig‘i D.Abdumalikov va bosh yuriskonsult A.Berdiyevlar ishtirok etib, korrupsiya va uning salbiy oqibatlari, korrupsiyaga qarshi kurashish borasida mamlakatimizda amalga oshirilayotgan islohotlarga alohida to‘xtalib o‘tishdi.
Shuningdek, tibbiyot xodimlariga korrupsiya tushunchasi, korrupsiya va unga qarshi kurashishning huquqiy asoslari, korrupsiyaga oid huquqbuzarliklar uchun javobgarlik masalalari atroflicha tushuntirildi.
Tadbir nihoyasida ishtirokchilar tomonidan berilgan savollarga javob berildi.
28.08.2025
“Keksalar e‘zozda” huquqiy aksiyasi
Toshkent shahar adliya boshqarmasi tomonidan o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalarning huquqlarini himoya qilish, ularning ijtimoiy-siyosiy hamda sotsial faolligini oshirish, ularning huquqiy ongi va huquqiy madaniyatini yuksaltirish, huquq va erkinliklarini himoya qilish, qonunchilikda belgilangan imtiyoz va preferensiyalar mazmun-mohiyatini keng tushuntirish maqsadida “Keksalar e’zozda” huquqiy aksiyasi o‘tkazilmoqda.
Aksiya doirasida Inson ijtimoiy xizmatlar markazi mas’ullari bilan hamkorlikda Yakkasaroy tumanida tuman adliya bo‘limi, DXM va FHDY bo‘limi hamda xususiy amaliyot bilan shug‘ullanuvchi notariuslar bilan birgalikda tumanda istiqomat qiluvchi yolg‘iz keksalar duch kelayotgan huquqiy masalalar joyiga chiqqan holda o‘rganilib, tushuntirishlar berildi hamda o‘rganish talab qilgan murojaatlar ish yurituviga qabul qilindi.
28.08.2025
Tadbirkorlar bilan uchrashuv o‘tkazildi
Adliya vaziri o‘rinbosari N.Muhammadiyev rahbarligidagi Ishchi guruhi tomonidan tadbirkorlarning muammo va takliflarini bevosita o‘rganish, hal qilish va tizimli muammolarning yechimi bo‘yicha taklif ishlab chiqish maqsadida “Yangi Avlod” kichik sanoat zonasida tadbirkorlar bilan uchrashuv o‘tkazildi.
Uchrashuvda 61 nafar tadbirkor ishtirok etib, ular o‘zlari duch kelayotgan muammo va takliflarni o‘rtaga tashlashdi. Toshkent shahar hokimligi, Savdo-sanoat palatasi, Davlat aktivlarini boshqarish agentligining Toshkent shahar boshqarmasi, Soliq boshqarmasi hamda Biznes ombudsman vakillari tadbirkorlarning yer masalasi, infratuzilma, shartnoma, bank, soliq masalalari, shuningdek imtiyoz va preferensiyalar qo‘llashga oid savollariga javob berishdi.
Murojaatlarning 22 tasi ko‘rib chiqilishi nazoratga olindi va aksariyat savollarga shu joyning o‘zida huquqiy tushuntirishlar berildi.
28.08.2025
“Vatan uchun, millat uchun, xalq uchun!”
Toshkent shahar adliya boshqarmasida Mustaqillikning 34 yilligi munosabati bilan o‘tkazilgan tadbirda poytaxtda faoliyat yuritayotgan bir guruh xususiy amaliyot bilan shug‘ullanuvchi notariuslarga Toshkent shahar adliya boshqarmasining hamda O‘zbekiston Notarial palatasi Toshkent shahar boshqarmasining faxriy yorliqlari tantanali suratda topshirildi.
Shuningdek, 7 nafar xususiy amaliyot bilan shug‘ullanuvchi notariuslar O‘zbekiston Notarial palatasining "Notariat sohasiga qo‘shgan hissasi uchun" ko'krak nishoni bilan taqdirlandi.
27.08.2025
Korrupsiya – jamiyat taraqqiyoti kushandasi
“Korrupsiyaga qarshi kurashish oyligi” doirasida Shayxontohur tuman adliya boʻlimi va “Adolat” partiyasining tuman kengashi bilan hamkorlikda tuman maktabgacha va maktab ta’limi bo‘limida “Davlat xizmatchilarini halollik vaksinasi bilan emlash – davr talabi” mavzusida rahbar va xodimlar ishtirokida tadbir tashkil etildi.
Tadbirda korrupsiyaga qarshi kurashish borasidagi davlat siyosati va so‘nggi yillarda olib borilayotgan islohotlar haqida so‘z yuritildi. Xususan, muhtaram Prezidentimiz Shavkat Mirziyoyevning tashabbusi bilan korrupsiyaga qarshi kurashish davlat siyosatining ustuvor yo‘nalishiga aylangani, ushbu illatni yo‘q qilish har bir fuqaroning fuqarolik burchi ekanligi ta’kidlandi.
Ushbu tadbir ochiq muloqot shaklida o‘tkazilib, korrupsiyaga qarshi kurashishdagi shaffoflik, halollik tamoyillari, xodimlar orasida huquqiy ong va madaniyatni oshirish bo‘yicha takliflar bildirildi.
Новости 31 - 40 из 1127
Начало | Пред. | 2 3 4 5 6 | След. | Конец