Янгиликлар

14.08.2025 Fuqaroga sayyor davlat xizmati ko'rsatildi
“Har bir fuqaro — e’tibor markazida” tamoyili asosida aholining barcha qatlamlariga sifatli va tezkor davlat xizmatlari ko‘rsatish, fuqarolarga elektron davlat xizmatlaridan foydalanish imkoniyatlarini yanada kengaytirish maqsadida Davlat xizmatlari markazlari xodimlari tomonidan joyiga chiqqan holda davlat xizmatlari ko‘rsatilib kelinmoqda.

Xususan, Chilonzor tumani adliya bo‘limi tomonidan aholining huquqiy muammolari uyma-uy yurib o‘rganilib, markazga tashrif buyurishi qiyin boʻlgan keksa yoshdagi fuqarolarga Davlat xizmatlari koʻrsatildi.

Jumladan, tumanda istiqomat qiluvchi 81 yoshli fuqaro Abdurahim Nosirov va 79 yoshli Yulduz Nosirova xonadonida bo‘lib, nikoh qayd etilganligi, nikohda turmasligi yoki nikohdan ajralganligi to‘g‘risidagi hamda tug‘ilganlik tog‘risidagi ma'lumotnomalarni olish xizmati bo‘yicha ariza rasmiylashtirilib, sayyor xizmatlar ko‘rsatildi.

13.08.2025 Oilalarni asrab qolish yo‘lidagi xayrli tashabbus
“2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar toʻgʻrisida”gi Prezident qarori ijrosi doirasida, shuningdek, “Xavfsiz oila” umummilliy tashabbusi asosida Yakkasaroy tumanida oilalarni mustahkamlash va ajrimlarning oldini olish bo‘yicha muhokama o‘tkazildi.

Tadbirda oilaviy qadriyatlarni mustahkamlash komissiyasi tomonidan ajrim yoqasiga kelib qolgan oilalarning taqdiri muhokama qilindi.

Muhokama doirasida ajrim yoqasiga kelib qolgan 5 ta oila bilan individual tarzda suhbat o‘tkazildi. Suhbat chog‘ida oilalarda yuzaga kelgan kelishmovchiliklar, ajrimga olib kelayotgan asosiy sabablar muhokama qilindi va oilaviy kelishmovchiliklarni bartaraf etish, oʻzaro hurmat va ishonch muhitini tiklash boʻyicha tavsiyalar berildi.

12.08.2025 Toshkent shahar adliya boshqarmasida oyning eng yaxshi texnik xodimi aniqlandi
Boshqarmaning 1-toifali ish yurituvchi kotibi Bozorov Asadbek Nurali o'g'li 2025-yilning iyul oyi uchun oyning eng yaxshi texnik xodimi deb topildi.

Asadbek Bozorov boshqarmada mehnat faoliyatini 2018-yilda 1-toifali ish yurituvchi kotib sifatida boshlagan va 2021-2023-yillarda boshqarmaning Rejalashtirish va samaradorlikni baholash bo'limining 1-toifali ish yurituvchi kotibi, 2023-yildan texnik xodimlarning 1-toifali ish yurituvchi kotibi sifatida faoliyatini davom ettirmoqda.

Toshkent shahar adliya boshqarmasi jamoasi  A.Bozorovni ushbu eʼtirof bilan tabriklaydi va kelgusidagi ishlarida muvaffaqiyat, gʻayrat va shijoat doimiy hamroh boʻlishini tilaydi.

12.08.2025 Toshkent shahar adliya boshqarmasida oyning eng yaxshi boshqaruv xodimi aniqlandi
Boshqarmaning Intellektual mulk huquqlarini himoya qilish bo‘yicha bosh maslahatchisi Amirqulov Sardor Tolibjon o‘g‘li 2025-yilning iyul oyi uchun oyning eng yaxshi boshqaruv xodimi deb topildi.

Sardor Amirqulov boshqarmada mehnat faoliyatini 2021-yilda Yunusobod tumani yuridik xizmat ko'rsatish markazi bosh yuriskonsulti sifatida boshlagan.

2022–yil mart-iyun oylarida Sergeli tumani adliya bo'limi bosh maslahatchisi, 2022-2023-yillarda boshqarmaning Intellektual mulk huquqlarini himoya qilish bo'limining bosh maslahatchisi, 2023-yildan Intellektual mulk huquqlarini himoya qilish bo‘yicha bosh maslahatchisi sifatida faoliyatini davom ettirmoqda.

Adliya boshqarmasi jamoasi S.Amirqulovni ushbu eʼtirof bilan tabriklaydi va kelgusidagi ishlarida muvaffaqiyat, gʻayrat va shijoat doimiy hamroh boʻlishini tilaydi.

11.08.2025 Ijro intizomini mustahkamlash bo’yicha seminar o’tkazildi
Mamlakatimizda amalga oshirilayotgan islohotlarning natijadorligini ta’minlashda ijro intizomi muhim ahamiyat kasb etadi.
“Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida” PF–117-son Prezident Farmoni mazmun-mohiyatini tushuntirish maqsadida o‘quv-amaliy seminar o‘tkazildi.

Seminarda respublika ijro etuvchi hokimiyat organlari, mahalliy hokimliklar hamda xo‘jalik birlashmalarining ijro intizomiga mas’ul bo‘linmalari xodimlari ishtirok etdi. Tadbirda ijro intizomini samarali tashkil etish borasida amalga oshirilgan ishlar, yo‘l qo‘yilgan xato va kamchiliklar hamda kelgusidagi rejalar haqida ishtirokchilarga ma’lumotlar berildi.

Tadbir yakunida mavjud muammolar muhokama qilindi hamda birgalikda “Ijro.gov.uz” tizimini doimiy takomillashtirib borish masalalari bo‘yicha kelishib olindi.

11.08.2025 Adliya xodimlari mahallalarda
Mirobod tumani “Movarounnahr”, Sergeli tumani “Daryo boʻyi”, Shayxontohur tumani “Charxnovza”, Yakkasaroy tumani “Dilbuloq” mahallalarida o'tgan hafta davomida “Adliya kuni” doirasida sayyor qabul va uyma-uy yurish orqali aholining huquqiy muammolari o‘rganildi.

Tadbir davomida aholi murojaatlari tinglanib, tushuntirishlar berildi va ish yurituviga qabul qilindi.

Shuningdek, mahallalardagi muammoli oilalar, ularning farzandlari bilan ishlash, jinoyatchilik va huquqbuzarliklar profilaktikasini tashkil etish hamda oilaviy munosabatlarni mustahkamlash bo‘yicha oilalarda yuzaga kelayotgan ziddiyatlar bo‘yicha huquqiy yordam ko‘rsatish choralari ko‘rildi.

Bundan tashqari, aniqlangan muammolar yuzasidan joyida bepul huquqiy yordam, sayyor davlat xizmatlari ko‘rsatildi.

11.08.2025 Huquqiy aksiya doirasida 5 yoshli qizaloq hujjatli bo‘ldi
Adliya organlarining aholi muammolarini hal etish va ularga amaliy yordam koʻrsatish borasidagi faoliyati samaradorligini oshirish maqsadida "Hech bir shaxs hujjatsiz qolmaydi" huquqiy aksiyasi davom etmoqda.

Aksiya doirasida tegishli hujjatlari bo‘lmagan fuqarolarning huquqiy muammolari ijobiy hal  etilmoqda.

Xususan, Yunusobod tumanida istiqomat qiluvchi Matluba Kasimovaning 2020-yilda tug‘ilgan farzandining tug‘ilishi qayd qilinmagan va shu vaqtga qadar tug‘ilganlik haqidagi guvohnomasi bo‘lmagan.

Huquqiy aksiya targ‘iboti davomida aniqlangan muammo yuzasidan ko‘rilgan amaliy choralar natijasida, Yunusobod tumani 2-son FHDY bo‘limi tomonidan bolaga tug‘ilganlik guvohnomasi rasmiylashtirilib, topshirildi.

08.08.2025 Bugungi to’ylar haqida fikr almashildi
Yangihayot tuman adliya bo‘limi, “Madat” NNT, FHDY bo‘limi hamda  tuman Xalq deputatlari tuman Kengashi a'zolari hamkorligida tumanning 329-umumta'lim maktabida "Oilaning huquqiy asoslari va o'tkazilayotgan to'y tadbirlarining huquqiy va ma'naviy qadryatlari haqida" seminar bo'lib o'tdi.

Tadbir ishtirokchilari “To’y bu baxtmi yoxud millatimiz illatlari” mavzusida bugungi kunda o’tkazilayotgan to’ylardagi ortiqcha sarf-xarajatlar va dabdababozlik marosimlari  haqida fikr almashishdi.

Shuningdek, yoshlarning oilaviy hayotga, yangi turmush tarziga moslashib ketishlarida kattalarning o’rni va erta ajrimlarning oldini olish borasida ham so’z yuritildi.

08.08.2025 Toshkent shahar Korrupsiyaga qarshi kurashish hududiy kengashining 3-majlisi bo’lib o’tdi

Tadbir doirasida adliya boshqarmasi tomonidan joriy yilning 1-yarim yilligi mobaynida korrupsiyaga qarshi kurashish borasida amalga oshirilayotgan ishlar va tadbirlar haqida axborot taqdim qilindi.

Xususan, boshqarma tomonidan aholining huquqiy madaniyatini oshirish, qonuniylikni mustahkamlashga qaratilgan huquqiy targ‘ibot tadbirlari, normativ-huquqiy hujjatlar loyihalarining huquqiy ekspertizasi, taʼlim muassasalarida korrupsiyaga qarshi kurashishda huquqiy taʼlim hamda tarbiyaga doir tadbirlar hamda sohaga oid qonunchilikni takomillashtirish haqidagi takliflar bo‘yicha batafsil axborot taqdim qilindi.

07.08.2025 Toshkent shahar adliya boshqarmasi huzuridagi Apellyatsiya kengashining dastlabki majlisi bo‘lib o‘tdi
O‘zbekiston Respublikasi Prezidentining PQ–188-son qarori bilan Toshkent shahrida qonunchilik hujjatlariga muvofiq bo‘lmagan ayrim davlat xizmatlarini ko‘rsatish bo‘yicha ma’muriy hujjatlarni sudgacha ko‘rib chiqishning yangi tartibi joriy etilgan.

Unga ko‘ra, Toshkent shahar adliya boshqarmasi huzurida tashkil etilgan Apellyatsiya kengashi tomonidan ko‘riladigan 17 ta davlat xizmatlari belgilangan.

Shu asosda, Kengash majlisida davlat xizmatlarini ko‘rsatishni monitoring qilish natijalariga ko'ra rad etilgan arizalar yuzasidan tegishli qarorlar qabul qilindi.

Shu bilan birga, davlat xizmatlarini ko‘rsatuvchi ma’muriy organlarga yagona huquqni qo‘llash amaliyotini shakllantirish bo‘yicha tegishli ko‘rsatmalar berildi.

Новости 81 - 90 из 1149
Начало | Пред. | 7 8 9 10 11 | След. | Конец