Янгиликлар
23.02.2024
Erta turmush qurishning salbiy oqibatlari tushintirildi
Bektemir tumanidagi 348-sonli umumta‘lim maktabida tuman adliya bo‘limi xodimlari, FHDY bo‘limi, Milliy gvardiya, Ichki ishlar hamda Ma‘naviyat va ma‘rifat markazi tuman bo‘linmasi hamkorligida yoshlar bilan davra suhbati o‘tkazildi.
Maktabning yuqori sinf qizlari ishtirokida bo‘lib o‘tgan suhbatda erta turmush qurishning salbiy oqibatlari tushintirilib, voyaga yetmagan qizlar o‘rasida turli huqubuzarliklar hamda jinoyatchilikni oldini olishga qaratilgan tushintirish ishlari ham olib borildi.
22.02.2024
Aksiya doirasida fuqarolar hujjatli bo‘lishmoqda
“Hech bir shaxs hujjatsiz qolmaydi” aksiyasi doirasida Yunusobod tumanida yashovchi Tashpulatovlar oilasining 17 yillik nikohi qonuniy rasmiylashtirildi.
Ularning 2008 yilda tug‘ilgan o‘g‘li ham haligacha tug‘ilganlik guvohnomasiga ega bo‘lmagan. Shu kuni ularning farzandiga ham tug‘ilganlik guvohnomasi topshirildi.
Shuningdek Olmazor tumani FHDY bo‘limida ham 15 yoshli Abdullayev Olloyor Xayrulla o‘g‘liga ham tug‘ilganlik haqida guvohnoma rasmiylashtirilib, tantanali ravishda topshirildi.
21.02.2024
Yoshlarning huquqiy bilimlarini oshiramiz!
Adliya organlari tomonidan haftaning har chorshanba kuni yoshlarning huquqiy bilimini oshirishga qaratilgan "Huquqiy axborot kuni" targ'ibot tadbirlari o'tkaziladi.
Bugun poytaxtdagi qator umumta’lim maktablarida adliya xodimlari ishtirokida huquqiy targ'ibot darslari bo’lib o’tdi. Targ'ibot tadbirlari davomida o‘quvchilarga O'zbekiston Respublikasi konstitutsiyasi, fuqarolarning huquqlari, burchlari haqida hamda qonunchilikda qabul qilingan yangiliklar haqida ma'lumotlar berildi.
Shuningdek, "Huquqiy axborot kuni" doirasida yoshlar o'rtasida qiziqarli viktorinalar tashkil etilib, faol ishtirok etgan yoshlar badiiy kitob va esdalik sovg’alari bilan taqdirlanishdi
21.02.2024
Bilimga chanqoq aka-ukalar
M. Ulug‘bek tumanida istiqomat qiluvchi Axmedovlar oilasining 3 nafar farzandi 16 yoshli Jamoliddin, 13 yoshli Shohjaxon va 11 yoshli Javlonbeklar zo‘rayib boruvchi mushaklar distrofiyasi kasalligi bilan kurashib kelmoqda.
Bolalar maktabga chiqa olmasligi sabab uyda taʼlim olishadi. Ularning qo‘shimcha to‘garaklarga qatnashish ehtiyoji bor. Hozirda bolalar kompyuterda dasturlash sohasiga qiziqishmoqda.
Toshkent shahar adliya boshqarmasi xodimlari ushbu oila farzandlari bilan suhbatlashish jarayonida ularning bilim olishga bo‘lgan qiziqishlarini ko‘rib, kompyuterda dasturlash bo‘yicha mutaxassisni jalb etishga vaʼda berishdi.
Shuningdek, bolalarning ota-onasi hozirda ularni davolatish uchun genetik tekshiruv tahlillari zarurligini aytishib bu borada yordam kerakligini bildirishdi. Ushbu masala shu joyning o‘zida nazoratga olinib, amaliy yordam berish bo‘yicha ishlar boshlab yuborildi.
20.02.2024
#kontrafakt_oyligi
"Kontrafaktsiz oy” oyligiga start berildi.
2024-yilning 15-fevraldan 15-martiga qadar respublikamizda “Kontrafaktsiz oy” oyligi o‘tkaziladi.
20.02.2024
Mahallalarda yoshlar bilan suhbatlar olib borilmoqda
Adliya organlari xodimlari mahallalardagi yoshlar hayotini o‘rganish, ularning qiziqishlari va muammolarini aniqlab yaqindan yordam berish maqsadida uyma-uy yurib suhbatlar olib borishmoqda.
Masʼullar o‘zlariga biriktirilgan yoshlar bilan uchrashuvlar davomida og‘ir toifadagi yoshlar, migratsiyadagi yoshlar va ularning ota onalari bilan muloqot qilishib, muammolarini tinglashmoqda.
Xususan, taʼlim krediti olish, tadbirkorlik faoliyatini boshlash yoki ro‘yxatdan o‘tkazish, yer olish hamda subsidiya asosida uy-joy olish kabi masalalarda qilingan murojaatlar yuzasidan huquqiy tushunchalar berilmoqda.
Shuningdek, yoshlarda vatanparvarlik, jamiyat hayotiga daxldorlik va qonunlarni hurmat qilish borasida ham tushintirishlar olib borilmoqda.
19.02.2024
Alohida eʼtiborga muhtoj yoshlarning muammolari o‘rganilmoqda
Maksim 14 yoshda u birinchi guruh nogironi. Onasining doimiy parvarishida bo‘lib kelayotgan bola uchun kerakli vositalar va surunkali dori darmonlarga doimiy ehtiyoj bor.
Mahallalarda yoshlar bilan ishlash borasida olib borilayotgan ishlar doirasida Toshkent shahar adliya boshqarmasi xodimlari M.Ulug‘bek tumani “Oliy himmat" mahallasida yashovchi Maksimning yashash tarzini borib o‘rganishdi va uning muammolarini hal etish bo‘yicha kerakli chora tadbirlar ko‘rildi.
19.02.2024
Xatlovlar natijasida hujjatsiz fuqarolarga yordam ko‘rsatilmoqda
Ayni kunlarda Adliya organlari tomonidan mahallalarda uyma-uy yurib olib borilayotgan xatlovlar natijasida Toshkent shahri bo‘yicha hozirgacha 1337 nafar shaxslar hujjatga ega emasligi aniqlangan.
Ana shunday oilalardan biri Bektemir tumanining “Iyk ota” mahallasida istiqomat qiluvchi Gulshan Sarsenovaning 5 nafar farzandi uyda tug‘ilgani sabab haligacha tug‘ilganlik guvohnomasini olishmagan.
Xuddi shunday Jiyangul Sanavarovaning ham bir nafar farzandida tug‘ilganlik guvohnomasi bo‘lmagan.
16.02.2024
Yoshlar muammolari o‘rganilmoqda
Adliya organlari xodimlari tomonidan mahallalardagi yoshlar hayotini o‘rganish, ularning qiziqishlari va muammolarni aniqlab yaqindan yordam berish maqsadida uyma-uy yurib hamda ta'lim muassasalarida suhbatlar olib borilmoqda.
Poytaxtning barcha tumanlaridagi mahallalarda o‘tkazilgan suhbatlar davomida yoshlarga beriladigan 20 dan ortiq yordam turlari haqida batafsil tushintirishlar olib borilib, kasb hunar o‘rganmoqchi va to'garaklarga qatnashmoqchi bo‘lgan yoshlarga yordam ko‘rsatilishi haqida maʼlumotlar berilmoqda.
16.02.2024
Bir oilaning 4 nafar farzandiga guvohnomalar topshirildi
Bektemir tumanining “Nurliyo'l” mahallasida istiqomat qiluvchi oilaning 4 nafar farzandi haligacha tug‘ilganlik guvohnomasi olmasdan kelgan.
Oilaning nikohi o‘z vaqtida qonuniy qayd etilmagani sabab ham farzandlar guvohnomasiz qolishgan. “Hech bir shaxs hujjatsiz qolmaydi” aksiyasi doirasida ushbu oilaning barcha farzandlariga tuman FHDY bo‘limi tomonidan tug‘ilganlik guvohnomalari rasmiylashtirildi.
Новости 1 - 10 из 746
Начало | Пред. | 1 2 3 4 5 | След. | Конец