Янгиликлар

14.11.2025 Nikoh shartnomasi va uning afzalliklari tushuntirilmoqda
Yangihayot tuman adliya bo'limi, FHDY hamda tuman oila va xotin-qizlar bo'limi hamkorlikda  katta hayot ostonasida turgan yoshlar va xotin-qizlarga o’quv-seminarlari o’tkazilmoqda.

Unda nikohi qayd etilishida tomonlarning huquqlarini himoya qilish, kelajakda er va xotinning teng huquqliligini taʼminlash maqsadida nikoh shartnomasini tuzish haqida tushunchalar berilib, uni tuzish takliflari berildi.

Shuningdek, xotin-qizlarning huquqiy dolzarb muammolariga yaqindan yechimlar berib o'tildi.

12.11.2025 Korrupsiyaga qarshi kurashishda barchamiz mas'ulmiz
Toshkent shahridagi ta'lim sohasi xodimlari ishtirokida "Korrupsiyaga qarshi kurashish oyligi" doirasida seminar bo‘lib o‘tdi.

Tadbirda korrupsiyaga oid huquqbuzarliklarni sodir etganlik uchun javobgarlik masalalari, korrupsiya omillarini keskin kamaytirish choralari borasida amalga oshirilayotgan ishlar yuzasidan ma’lumotlar berildi.

Shuningdek, sohada korrupsiyani oldini olish, ta’lim tizimini shaffof va korrupsiyadan holi hududga aylantirish borasida amalga oshirilayotgan ishlar haqida batafsil ma’lumot berilib, so‘nggi yillarda bu borada amalga oshirilayotgan chora-tadbirlar haqida fikr almashildi.

Bunday profilaktik tadbirlar xodimlarda korrupsiyaga nisbatan murosasiz munosabatni shakllantirish, ularning huquqiy ongi va madaniyatini yuksaltirish, jamiyatda korrupsiyaga qarshi kurashishga daxldorlik hissini shakllantirishda muhim ahamiyat kasb etadi.

11.11.2025 Adliya vazirligi tomonidan otaliqqa olingan maktablarda adliya xodimlari tomonidan amaliy o‘quv mashg‘ulotlari davom ettirilmoqda
Yakkasaroy tumani adliya bo'limi tomonidan tumandagi 89-sonli maktabda o'quvchi yoshlarga “Konstitutsiyada yoshlarning huquq va erkinliklari kafolatlari” mavzusida o’quv mashg‘uloti o’tkazildi.

Ushbu tadbirdan asosiy maqsad maktab o'quvchilarini Konstitutsiyaga oid huquqiy bilim va ko'nikmalarini mustahkamlash hamda huquqiy savodxonligini yanada  oshirishdan iboratdir.

Shu bilan birgalikda tadbir davomida o‘quvchilar qonunchilikdagi so'nggi o'zgarishlardan ham xabardor qilindi.

11.11.2025 Deontologiya tamoyili bo‘yicha amaliy dars mashg‘uloti
Odil sudlov akademiyasida Inson huquqlari, xalqaro huquq va ijtimoiy-gumanitar fanlar kafedrasi tomonidan kasbiy qayta tayyorgarlik o‘quv kurslari doirasida Jinoyat huquqi yo‘nalishi bo‘yicha tahsil olayotgan tinglovchilar uchun “Deontologiya tamoyili” mavzusida dars mashg‘uloti o‘tkazildi.

Ushbu mashg‘ulot Adliya vazirligi Notariat, advokatura va mediatsiya boshqarmasi hamda Toshkent shahar adliya boshqarmasi xodimlari tomonidan olib borildi.

Mashg‘ulot davomida notariat idoralari faoliyatining mazmun-mohiyati, xususan, hujjatlarni apostil shaklida tasdiqlash tartibi, advokatura faoliyatida muhim o‘rin tutuvchi masalalar — tergov, surishtiruv va sud jarayonlarida gumonlanuvchi hamda ayblanuvchilarni davlat hisobidan advokat bilan ta’minlash tizimi, navbatchi advokatlarni kompyuter dasturi yordamida inson omili aralashuvisiz tanlab olish mexanizmi haqida ham atroflicha tushuntirishlar berildi.

10.11.2025 Zoom platformasi orqali o‘quv-seminar o‘tkazildi
Toshkent shahar adliya boshqarmasi va tuman adliya bo‘limlari xodimlari ishtirokida Zoom platformasi orqali “Davlat hisobidan bepul yuridik yordam ko'rsatishda vujudga kelayotgan muammolar, ularni bartaraf etish yo‘llari” mavzusiga bag‘ishlangan o‘quv-seminar o‘tkazildi.

Seminar davomida Vazirlar Mahkamasining “Davlat hisobidan yuridik yordam koʻrsatadigan advokatlarni jalb etish va ularga haq toʻlash tartibi toʻgʻrisidagi nizomni tasdiqlash haqida”gi 774-son qarori ijrosini samarali amalga oshirish choralari tushuntirildi.

Shuningdek, ushbu sohada vujudga kelayotgan muammolar xususida to‘xtalib, Davlat hisobidan yuridik yordam ko'rsatish haqida shartnoma tuzgan advokatlar sonini oshirish, Davlat hisobidan yuridik уоrdаm ko'rsatishda sud va huquqni muhоfaza qiluvchi organlar bilan hamkorlikni yo'lga qo'yish masalalari yuzasidan ham tushintirishlar berib o‘tildi.

06.11.2025 NOTARIAL HARAKATNI ONLAYN TASDIQLATISH
Toshkent shahar adliya boshqarmasida poytaxtdagi xususiy amaliyot bilan shug’ullanuvchi notariuslar uchun seminar tashkil etildi.

Seminarda notarial harakatlarni onlayn rasmiylashtirishda aholi uchun qulayliklar va uni amalga oshirish borasida ko’rgazmali tarzda tushintirish ishlari olib borildi.

Shuningdek, notarial harakat elektron tizimda avtomat tarzda shakllanishi va kerakli hujjatlar onlayn olinishi sabab belgilangandan ortiqcha pul undirilmasligi bu esa korrupsiyaga yo’l qo’yilmasligida muhim o’rin egallashi ham alohida takidlandi.

E-notarius.uz axborot portali orqali joriy yil boshidan buyon hozirga qadar respublikada jami 4 511 833 ta notarial harakatlarning 196 302 tasi onlayn tarzda tasdiqlangan.

05.11.2025 “HUQUQSHUNOSLIK” FAN OLIMPIADASI TOSHKENT SHAHAR BOSQICHI O‘TKAZILDI
Adliya vazirligi tomonidan otaliqqa olingan umumiy o‘rta ta’lim maktablarining 8, 9, 10 va 11-sinf o‘quvchilari o‘rtasida o’tkazilayotgan “Huquqshunoslik” fan olimpiadasining  Toshkent shahar bosqichi o’tkazildi.

Olimpiadaning shahar bosqichida tumanlarda g’oliblikni qo’lga kiritgan 48 nafar o’quvchi yoshlar ishtirok etdi. Ular orasidan eng yuqori ball to‘plagan o‘quvchilar Respublika bosqichiga yo‘llanma olishdi.

Olimpiadaning 1, 2, 3-o'rin olgan o‘quvchilar adliya boshqarmasi tomonidan diplom va esdalik sovg‘alari bilan taqdirlandilar.

04.11.2025 Korrupsiya va manfaatlar to‘qnashuviga qarshi seminar bo‘lib o‘tdi
Yangihayot tumani hokimligida Toshkent shahar hokimligi Korrupsiyaga qarshi ichki nazorat bo‘limi, tuman adliya bo‘limi, hokimlikning rahbar va xodimlari ishtirokida korrupsiya va manfaatlar to‘qnashuvi holatlarini oldini olishga qaratilgan “Huquqiy bilimlar kuni” doirasida seminar o‘tkazildi.

Seminar davomida “Korrupsiyaga qarshi kurashish to‘g‘risida”gi, “Davlat fuqarolik xizmati to‘g‘risida”gi, “Manfaatlar to‘qnashuvi to‘g‘risida”gi Qonunlari, Vazirlar Mahkamasining “Davlat fuqarolik xizmatchilari tomonidan odob-axloq qoidalariga rioya etilishini ta’minlash bo‘yicha qo‘shimcha chora-tadbirlar to‘g‘risida”gi 595-sonli qarori mazmun mohiyati  ishtirokchilarga tushuntirib o‘tildi.

Shuningdek, davlat fuqarolik xizmatchilari faoliyatida korrupsiya va manfaatlar to‘qnashuvi kabi salbiy holatlarning oldini olish yuzasidan takliflar berildi.

01.11.2025 Intellektual mulk obyektlarini muhofaza va himoya qilish bo‘yicha targ'ibot tadbirlari tashkillashtirilmoqda
Toshkent shahar adliya boshqarmasi mas’ul xodimlari tomonidan Bektemir va Mirzo Ulug'bek tumanlaridagi kichik sanoat zonalarida tadbirkorlar bilan uchrashuvlar tashkillashtirildi.

Uchrashuv davomida, ishtirokchilarga joriy yil 8-avgust kuni qabul qilingan “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ-1080-son Qonun mazmun-mohiyati haqida batafsil tushuntirish berildi.

Ma’lumot uchun: Joriy yil 8-avgust kuni qabul qilingan “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ-1080-son Qonuni bilan intellektual mulk sohasidagi huquqbuzarliklar uchun jinoiy javobgarlik belgilandi, shuningdek adliya organlariga kontrafakt mahsulotlarni ko‘zdan kechirish va xatlash vakolatlari berildi.

09.10.2025 Toshkent shahar Korrupsiyaga qarshi kurashish hududiy kengashining navbatdagi yig‘ilishi bo‘lib o‘tdi
Toshkent shahar hokimligida Korrupsiyaga qarshi kurashish hududiy kengashining 4-yig‘ilishi bo‘lib o‘tdi. Unda sog‘liqni saqlash va ta’lim tizimida korrupsiyaning oldini olish, ochiqlikni ta’minlash va jamoatchilik nazoratini kuchaytirish masalalari muhokama qilindi.

Tadbir yakunida korrupsiyaga qarshi kurashishda barcha darajadagi davlat organlari, jamoat tashkilotlari hamda fuqarolarning hamkorligini kuchaytirish, tizimda ochiqlik va shaffoflikni yanada kengaytirish bo‘yicha aniq topshiriqlar berildi.

Korrupsiyaga qarshi kurashish tizimidagi islohotlar samaradorligini oshirish va davlat organlari faoliyatining shaffofligini ta’minlash maqsadida barcha manfaatdor tashkilotlar o‘zaro hamkorlikni kuchaytirish bo‘yicha kelishib oldilar.

Новости 11 - 20 из 1149
Начало | Пред. | 1 2 3 4 5 | След. | Конец