Янгиликлар

19.03.2025 70 yoshli onaxonga sayyor davlat xizmati ko‘rsatildi
Uchtepa tumani Qoziguzar mahallasida istiqomat qiluvchi yurish imkoniyati cheklangan 70 yoshli onaxon Karimbekova Mapura Davlat xizmatlari markaziga kadastr hujjatlari borasida murojaat qilib, yordam so‘ragan.

Uchtepa tumani Davlat xizmatlari markazi tomonidan ushbu murojaat yuzasidan onaxonning yashash xonadoniga tashrif buyurilgan holda, ko‘chmas mulkka bo‘lgan huquqlarini davlat ro‘yxatidan o‘tkazish yuzasidan sayyor tartibda amaliy yordam berildi.

19.03.2025 "Bounty", "Milka" hamda "m&m's" tovar belgilarining kontrafakt nusxalari sotilayotganligi aniqlandi
Toshkent shahar adliya boshqarmasi tomonidan bozorlar va savdo majmualarida rejali nazorat xaridi tadbirlari amalga oshirildi.

“Kontrafaktsiz oy” oyligi davomida oʻtkazilgan tadbirlar natijasida bir qator tadbirkorlik subyektlari tomonidan intellektual mulk huquqlariga rioya qilmaslik holatlari, xususan "Bounty", "Milka" hamda "m&m's" tovar belgilarining kontrafakt nusxalari sotilayotganligi aniqlandi.

"Tovar belgilari, xizmat ko'rsatish belgilari va tovar kelib chiqqan joy nomlari to'g'risida"gi Qonunning 371-moddasiga ko'ra, tovar belgisidan, tovar kelib chiqqan joy nomidan yoki ular bilan adashtirib yuboradigan darajada o'xshash bo'lgan bir turdagi tovarlar uchun belgilardan qonunga xilof ravishda foydalanish yuridik shaxslarga bazaviy hisoblash miqdorining yuz baravaridan ikki yuz baravarigacha miqdorda jarima solishga sabab bo'ladi.

18.03.2025 Adliya vaziriga yangi o'rinbosar tayinlandi
Prezidentning tegishli qarori bilan Nu'mon Usmonovich Muxammadiyev adliya vaziri o'rinbosari lavozimiga tayinlandi.

Nuʼmon Muxammadiyev 1982-yilda Qashqadaryo viloyati Kitob tumanida tug'ilgan. Maʼlumoti oliy, huquqshunos, 1-darajali adliya maslahatchisi. 2003-yilda Toshkent davlat yuridik institutini tamomlagan. 2024-yilda “Sodiq xizmatlari uchun” medali bilan taqdirlangan.

Mehnat faoliyatini 2004-yilda Adliya vazirligi Tadbirkorlar huquqlarini himoya qilish boshqarmasi katta maslahatchi lavozimida boshlagan. 2009–2013-yillarda Toshkent shahar adliya boshqarmasi boshligʻining birinchi oʻrinbosari sifatida faoliyat yuritgan.

2016–2023-yillarda Adliya vazirligi tizimida turli lavozimlarda ishlagan.

Tayinlovga qadar Toshkent shahar adliya boshqarmasi boshligʻi lavozimida faoliyat koʻrsatgan.

18.03.2025 Adliya ko'magida
Yunusobod tumani adliya bo‘limiga fuqaro N.Movlon murojaat qilib, tumandagi 52-sonli oilaviy poliklinikada ishlashi, II guruh nogironligiga qaramasdan ish joyidan oylik ish haqidan ortiqcha daromad solig‘i ushlab qolinayotganligini bildirgan.

????Batafsil (https://telegra.ph/Adliya-ko%CA%BBmagida-nogironligi-bolgan-shaxsning-qonunchilikda-belgilangan-soliq-imtiyozlaridan-foydalanishi-taminlandi-03-17)

18.03.2025 Huquqiy aksiya doirasida keksa onaxonning hujjatlari tiklab berildi
Mirzo Ulug'bek tumani „Geologlar“ mahallasida istiqomat qilivchi 1-guruh nogironi 67 yoshli Mukarram  Yuldasheva nikoh guvohnomasi hamda turmush o‘rtog‘ining o'lim haqidagi guvohnomasini yo’qotganligi, FHDYga borishga esa imkoni yo’qligini aytib, yordam so’ragan.

„Hech kim hujjatsiz qolmaydi" huquqiy aksiyasi doirasida tuman FHDY bo'limi tomonidan onaxonning hujjatlari belgilangan tartibda qayta tiklab berilib, sayyor tartibda yashash joyiga borib topshirildi.

Shuningdek, mahallalarda olib borilayotgan targ’ibot tadbirlari doirasida yoshlar, ayollar va ijtimoiy himoyaga muhtoj shaxslarga qonunchilik  hujjatlarida  belgilangan imtiyozlar haqida ham huquqiy tushintirishlar berib borilmoqda.

18.03.2025 “Erta nikoh qurishning salbiy oqibatlari” mavzusida o‘quv seminari o‘tkazildi
Chilonzor tuman 1 va 2-son FHDY bo‘limi tomonidan “Madad” NNT bilan birgalikda Toshkent davlat Iqtisodiyot universitetida talabalar ishtirokida “Erta nikoh qurishning salbiy oqibatlari” mavzusida o‘quv seminari o‘tkazildi.

Tadbir davomida o‘quvchi talabalarga erta turmush qurish oqibatida oilada vujudga keladigan muammolar yechimini hal etishda yuzaga keladigan qiyinchiliklar, farzandlar tarbiyasida muammolar yuzaga kelishi haqida tushuntirishlar olib borildi.

Shuningdek, mashg’ulot jarayonida talabalar o‘zlarini qiziqtirgan savollarga javob oldilar.

Seminar yakunida mutaxassislar universitet tomonidan tashakkurnoma bilan taqdurlandilar.

17.03.2025 Keksa yoshli fuqaroga amaliy yordam ko'rsatildi
“Ma'muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi PF-80-son Farmon doirasida, mahallalarda olib borilayotgan targ’ibot tadbirlarida yoshlar, ayollar, ijtimoiy himoyaga muhtoj shaxslarga qonunchilik hujjatlarida belgilangan imtiyozlar haqida huquqiy tushintirishlar berib borilmoqda.

Xususan, Mirzo Ulug‘bek tuman adliya bo‘limi tomonidan mahallalarda uyma-uy yurish tamoyili asosida aholi muammolarini o‘rganish davomida,  tumanda yashovchi 75 yoshli 2-guruh nogironi S.Suxova FHDY bo‘limi tomonidan 2002-yilda qayd etilgan onasining o‘lim haqidagi guvohnomasi yo‘qolganligi sababli, uni tiklashda amaliy yordam so‘ragan.

Fuqaroning FHDY bo‘limiga borish imkoni yo‘qligi sababli, Mirzo Ulug‘bek tumani FHDY bo‘limi tomonidan o‘lim haqidagi guvohnoma qayta tiklanib, fuqaro S.Suxovaga sayyor tartibda yashash manziliga borib topshirildi.

17.03.2025 DIQQAT E’LON
Hurmatli hamyurtlar, yuqorida keltirilgan grafikka asosan hafta davomida ko‘rsatilgan mahallalarda “Adliya kuni” tadbirlari amalga oshiriladi.

Tadbir davomida aholining huquqiy muammolari uyma-uy yurib o‘rganiladi hamda aniqlangan muammolar yuzasidan joyida bepul huquqiy yordam, sayyor davlat xizmatlari, FHDY organi xodimlari hamda notariuslar tomonidan xizmatlar ko‘rsatiladi.

Hurmatli yurtdoshlar, adliya boshqarmasi hamda tuman adliya bo‘limlari tomonidan tashkil etiladigan tadbirlarda faol ishtirok etishingizni so‘rab qolamiz!

15.03.2025 Fuqarolarga sayyor davlat xizmati ko'rsatildi
Aholiga qulaylik yaratish maqsadida, keng qamrovli sayyor davlat xizmatlarining ko'rsatilishi fuqarolarga elektron davlat xizmatlaridan foydalanish imkoniyatlarini yanada kengaytiradi.

Xususan, Bektemir tuman adliya bo’limi davlat xizmatlari markazi tomonidan tumanning "Ustozlar" mahallasida yashovchi aholining huquqiy muammolari uyma-uy yurib o'rganildi.

Tadbirda dastlab, Yagona interaktiv davlat xizmatlari portali va boshqa elektron resurslar orqali foydalanishning afzalliklari tushuntirilib, markazga tashrif buyurishi qiyin boʻlgan keksa yoshdagi fuqarolarga bir qancha Davlat xizmatlari koʻrsatildi.

Jumladan, fuqaro Alla Pakga elektron raqamli imzo va nafaqa tayinlanganligi  toʻgʻrisida ma‘lumotnomalar, Vladimir Pak nomidan kadastr xizmatiga ariza yuborilib, sudlanmaganlik haqida ma‘lumotnoma olish xizmati,  fuqaro Li Lenaga elektron raqamli imzo va sog’lig’ini tiklash uchun sanatoriyaga navbatga qoʻyish xizmati ko'rsatildi.

15.03.2025 O'quv seminarlari o‘tkazildi
Fuqarolar yig‘inlari raislari saylovini tashkil etish va o‘tkazishga ko‘maklashuvchi Bektemir, Mirobod, Mirzo Ulug‘bek tumanlari komissiyalari a’zolari uchun Mirobod tumani hokimligida, Olmazor, Uchtepa, Sergeli tumanlari komissiyalari a’zolari uchun Olmazor tumani hokimligida o‘quv-seminarlari o‘tkazildi.

Seminarda “Fuqarolar yig‘ini raisi saylovi to‘g‘risida”gi Qonunga kiritilgan o‘zgartirish va qo‘shimchalar, fuqarolar yig‘ini raisi saylovining huquqiy asoslari, ko‘maklashuvchi komissiya va ishchi guruhlarning vazifalari, huquq va majburiyatlari to‘g‘risida tushuntirishlar berildi.

Fuqarolar yig‘ini raisi 5 yil muddatga yashirin ovoz berish orqali saylanadi.
Fuqarolar yig‘ini raisi lavozimiga nomzodlarga qo‘yiladigan talablar:
•  O‘zbekiston Respublikasi fuqarosi bo‘lishi;
•  oliy ma’lumotga ega bo’lishi;
•  saylovga qadar kamida 5 yil tegishli hududda doimiy yashayotgan bo’lishi;
•  ish tajribasiga, hayotiy tajribaga ega bo‘lishi

Новости 21 - 30 из 996
Начало | Пред. | 1 2 3 4 5 | След. | Конец