Янгиликлар

07.07.2022 Adliya organlariga ishga qabul qilishning suhbat jarayoni boshlandi
Adliya organlariga ishga qabul qilish jarayonini onlayn kuzatish.

06.07.2022 Toshkent shahar adliya boshqarmasi da’vosi bilan tadbirkordan asossiz olib qo‘yilgan pul mablag‘lari qaytarildi
#bir_murojaat_izidan

Toshkent shahar adliya boshqarmasi tomonidan MChJ rahbari Sh.Uning “Toshkent shahar elektr tarmoqlari korxonasi” AJ tomonidan noqonuniy qayta hisob kitob qilingan holda jamiyat hisobidan 96 628 634 so‘m asossiz olib qo‘yilganligidan norozi bo‘lib qilgan murojaati o‘rganib chiqildi.

06.07.2022 Yuridik xizmat xodimlari attestatsiyadan o'tkazildi
Joriy yilning 5-iyun kuni Toshkent shahar adliya boshqarmasida Vazirlar Mahkamasining 244-son qarori asosida tasdiqlangan "Yuridik xizmatlar xodimlarini attestatsiyadan o‘tkazish va ularning malakasini oshirish tartibi to‘g‘risida"gi Nizom talablari asosida attestatsiya komissiyasining navbatdagi yig'ilishi bo'lib o'tdi.

Attestatsiya komissiyasi tomonidan davlat organlari va tashkilotlarining 7 nafar yuridik xizmat xodimlari attestatsiyadan o'tkazildi.

Attestatsiya komissiyasining qaroriga ko'ra, barcha talabgorlar attestatsiyadan o'tgan deb e'tirof etildi.

05.07.2022 70 nafar ishdan bo‘shatilgan xodimlarga “ishsizlik nafaqasi” udirildi

05.07.2022 Toshkent shahridagi masjidlar soni yana ikkitaga ko'paydi

O‘zbekiston Respublikasi Oliy Majlisi Senatining 2021-yil 27-avgustdagi SQ-379-IV-son qarori bilan Toshkent viloyatining bir qator aholi punktlari Toshkent shahriga o‘tkazilganligi munosabati bilan muqaddam Toshkent viloyat adliya boshqarmasidan davlat ro‘yxatidan o‘tkazilgan “Berdiyor ota” hamda “Dorul Islom” jome masjidlarining yuridik manzili o‘zgartirilgan.

Shu munosabat bilan, “Vijdon erkinligi va diniy tashkilotlar to‘g‘risida”gi Qonun talablariga muvofiq “Berdiyor ota” va “Dorul Islom” jome masjidlari  2022-yil 4-iyul kuni Toshkent shahar adliya boshqarmasidan qayta davlat ro‘yxatidan o‘tkazildi.

Ma'lumot uchun bugungi kunda poytaxtimizda ularning soni 127 ta tashkil etmoqda.

30.06.2022 Toshkent shahridagi Davlat xizmatlari markazlarida bepul Wi-Fi zonalari tashkil etildi

Toshkent shahar adliya boshqarmasi tomonidan Davlat xizmatlari markazlariga murojaat bilan kelayotgan fuqaro va tadbirkorlarga qulay sharoitlar yaratish maqsadida ko‘plab tashabbuslarga qo‘l urilmoqda. 
Birgina misol, Poytaxtimizda joylashgan Davlat xizmatlari markazlarga tashrif buyuruvchilar uchun salomatlik burchaklari, investorlar xonasi, o‘z-o‘ziga xizmat ko‘rsatish burchaklari tashkil etilgan.

Endilikda ushbu afzalliklar qatoriga bepul Wi-Fi zonalari ham qo‘shildi.  Ya’ni, Toshkent shaharidagi 7 ta tuman, Olmazor, Yunusobod, Chilonzor, Yashnobod, Uchtepa, Yakkasaroy hamda Yangihayot Davlat xizmatlari markazlariga murojaat bilan kelgan har bir fuqaro  bepul Wi-Fi tarmog‘idan ham foydalanishlari mumkin.

27.06.2022 Hurmatli jurnalistlar!
Sizni 27-iyun — Matbuot va ommaviy axborot vositalari xodimlari kuni bilan tabriklaymiz!

E'tirof etish joiz, Sizlarning fidokorona mehnatingiz, haqiqatni so‘zlashdagi jasoratingiz mamlakatimizda demokratik islohotlarni amalga oshirishda katta ahamiyatga ega.

Siz o‘z qalamingiz bilan yurtimizda tinchlik-osoyishtalik, o‘zaro hamjihatlik muhitini yanada mustahkamlashga, aholining huquqiy ongi va huquqiy madaniyatini oshirishga munosib hissa qo‘shib kelmoqdasiz.

Bundan keyingi faoliyatingiz ham ulkan muvaffaqiyatlarga boy bo‘lishiga tilakdoshmiz. Sizga sihat-salomatlik, xonadoningizga fayz-u baraka tilaymiz. Bayramingiz muborak bo‘lsin!

Hurmat bilan,
Adliya vazirligi jamoasi

26.06.2022 Start berilgan “Yangi nafas” marafonidan fotolavhalar ...
Xabaringiz bor, Adliya vazirligi tomonidan “Biz birgamiz!”   ijtimoiy loyihasi doirasida O‘zbekiston yengil atletika federasiyasi  bilan  hamkorlikda “Yangi nafas” shiori ostida marafon o‘tkazilmoqda.

Ushbu marafonga nogironligi bo‘lgan shaxslar keng jalb qilinib,  ular maxsus nominasiyalarda taqdirlanadi.

Eslatma:Marafon 2022 yil 26 iyun soat  07:00 da Farg‘ona, Namangan, Chirchiq, Guliston, Jizzax, Samarqand, Shahrisabz, Toshkent shaharlarida bo‘lib o‘tdi.

25.06.2022 Toshkent shahar hokimligida "Konstitutsiyaning yagona manbai va muallifi - xalqdir" shiori ostida targ'ibot tadbiri o'tkazildi
Tadbirda Toshkent shahar hokimligi hamda davlat organlari va tashkilotlari mas'ul xodimlari ishtirok etdi.
Toshkent shahar adliya boshqarmasi boshlig'i o'rinbosari A.Omonov tomonidan 2022-yilda davlatimiz va xalqimiz hayotida Konstitutsiyaviy islohotlarni umumxalq referendumi orqali amalga oshirilishi bilan bog'liq katta siyosiy voqea bo'lib o'tishi, referendum jarayonlarida har bir fuqaroning shaxsan o'zi ishtirok etishi orqali o'z siyosiy irodasini namoyon qilishi hamda referendum o'tkazish tartiblari haqida tushuntirishlar berildi.

24.06.2022 Toshkent shahar adliya boshqarmasi tomonidan Toshkent shahridagi tashkilotlarni “E-huquqshunos” elektron tizimiga ulash bo‘yicha o'quv-seminar tashkil etildi
Ushbu o'quv-seminarda  Adliya vazirligi bo'lim boshlig'i I.Jo'rayev, Toshkent shahar adliya boshqarmasi boshlig'i o'rinbosari A.Omonov, Unicon-Soft MCHJ direktori o'rinbosari U.Usmonov hamda O‘zbekiston Respublikasi Prezidentining 2022-yil 18-martdagi PQ–173-son qarorida Yuridik xizmat ko'rsatish markazlari tomonidan xizmat koʻrsatilishi nazarda tutilgan davlat soliq inspeksiyasi, aholi bandligiga ko‘maklashish markazi, mahalla va nuroniylarni qo‘llab-quvvatlash, oila va xotin-qizlar, maktabgacha ta'lim, xalq ta'limi bo'limlari  hamda tuman tibbiyot birlashmasi mas'ul xodimlari ishtirok etishdi.

O'quv-seminar doirasida yuridik xizmat ximzat koʻrsatilishi lozim boʻlgan tashkilotlar rahbarlari va xodimlariga “E-huquqshunos” elektron tizimidan foydalanish tartibi tushuntirildi.

Новости 361 - 370 из 996
Начало | Пред. | 35 36 37 38 39 | След. | Конец