Yangiliklar
Adliya organlari xodimlari tomonidan mahallalardagi yoshlar hayotini o‘rganish, ularning qiziqishlari va muammolarni aniqlab yaqindan yordam berish maqsadida uyma-uy yurib hamda ta'lim muassasalarida suhbatlar olib borilmoqda.
Poytaxtning barcha tumanlaridagi mahallalarda o‘tkazilgan suhbatlar davomida yoshlarga beriladigan 20 dan ortiq yordam turlari haqida batafsil tushintirishlar olib borilib, kasb hunar o‘rganmoqchi va to'garaklarga qatnashmoqchi bo‘lgan yoshlarga yordam ko‘rsatilishi haqida maʼlumotlar berilmoqda.
Bektemir tumanining “Nurliyo'l” mahallasida istiqomat qiluvchi oilaning 4 nafar farzandi haligacha tug‘ilganlik guvohnomasi olmasdan kelgan.
Oilaning nikohi o‘z vaqtida qonuniy qayd etilmagani sabab ham farzandlar guvohnomasiz qolishgan. “Hech bir shaxs hujjatsiz qolmaydi” aksiyasi doirasida ushbu oilaning barcha farzandlariga tuman FHDY bo‘limi tomonidan tug‘ilganlik guvohnomalari rasmiylashtirildi.
Toshkent shahar adliya boshqarmasi tomonidan “kutubxona” loyihasi doirasida bugun Zahriddin Muhammad Bobur tavallud kuni va 14-fevral Xalqaro kitob hadya qilish kuni munosabati bilan Yakkasaroy tumani “Abdulla Qahhor” mahallasida yoshlar uchun yangi kutubxona ochildi.
Kutubxona ochilish marosimida yozuvchi va shoirlar mahalla ahli hamda yoshlar ishtirok etishdi. Kutubxona 600 ga yaqin kitoblar, o‘zbek, rus va ingliz tilida bolalar adabiyotlari, tarixiy asarlar, o‘zbek va jahon adabiyoti durdonalari, hamda Prezident asarlari bilan boyitildi.
Kutubxonada mahalla ahli va yoshlari uchun kitoblar bilan birga internetdan elektron kitoblarni o‘qishlari uchun kompyuter jamlanmasi ham sovg‘a qilindi.
Mirzo Ulug‘bek tumanida joylashgan 27-sonli umumiy o‘rta taʼlim maktabida Prezident Administratsiyasi masʼul xodimi va Toshkent shahar adliya boshqarmasi boshlig‘i tomonidan o'quvchilar uchun yaratilgan shart-sharoitlar o‘rganildi.
Maktabda tashkil etilgan yoshlar bilan uchrashuvda bugungi kunda davlatimiz tomonidan yoshlarga yaratib berilayotgan imkoniyatlar xususida alohida to‘xtalib, o‘quvchilarga bu sharoitlardan to‘liq foydalangan holda yurtimiz rivoji uchun sidqidildan bilim olishga harakat qilishlari lozimligi uqtirildi.
Uchrashuvda yoshlar tomonidan bildirilgan fikrlar tinglanib, savollariga batafsil javob berildi.
9-fevral buyuk bobkolonimiz Alisher Navoiyning 583 yilligi munosabati bilan Toshkent shahar adliya boshqarmasi tomonidan poytaxtning Uchtepa tumani “Jarbuloq” mahallasida yoshlar kutubxonasi ochildi.
Kutubxonaning ochilish marosimida Adliya vazirligi, O'zbekiston Yozuvchilar uyushmasi, va qator tashkilotlardan ishtirok etganlar bu joy mahalla aholisi uchun chinakam maʼrifat maskani bo‘lgani va yoshlar uchun katta bilim xazinasi bo‘lishini eʼtirof etishdi.
Ziyo ulash aksiyasi doirasida kutubxona uchun 600 dan ortiq o‘zbek adabiyoti va jahon adabiyotining eng sara asarlari hamda huquqiy kitoblar ham taqdim etildi. Shuningdek kutubxona kompyuter jamlanmalari bilan ta'minlanib, internet orqali onlayn kutubxonalar tarmog‘iga ulanish imkoniyati ham yaratildi.
"Islohotlarda daxldorman" shiori ostida “tengdosh-tengdoshga” tamoyili asosida yoshlar o’rtasida o’tkazilayotgan targ’ibot tadbirining navbatdagi bosqichi O'zbekiston Milliy universitetida o’tkazildi.
Tadbirda Toshkent shahar adliya boshqarmasi va Toshkent davlat yuridik universiteti mutasaddilari hamda talabalari ishtirok etishib, yurtimizda amalga oshirilayotgan islohotlar va yoshlar uchun yaratilayotgan keng imkoniyatlar haqida so’z yuritishdi.
Loyiha o’z oldiga avvalo yoshlarda Vatan taraqqiyotiga daxldorlik, ijtimoiy faollik hamda maqsadlarini to‘g‘ri belgilash, ularning malakali kadrlar sifatida shakllanishlariga ko‘maklashish kabi ishlarni maqsad qilgan.
Shuningdek, targ’ibot tadbirlari davomida yoshlar orasida turli viktorina va tanlovlar ham o‘tkazilib, g‘olib va sovrindorlarga esdalik sovg’alari ham topshirilmoqda.
92 yoshli fuqaroga tug‘ilgan kunida yangi pasport sovg‘a qilindi
Yakkasaroy tumani “Yunus Rajabiy” mahallasida istiqomat qiluvchi 92 yoshli Bella Dorogininaga biometrik pasportining amal qilish muddati tugagani sabab yangi ID karta rasmiylashtirildi.
Ayolni ovora qilmaslik uchun Yakkasaroy tumani Davlat xizmatlari markazi va 1-son FHDY xodimlari tomonidan sayyor davlat xizmati ko‘rsatildi. 92 yoshni qarshilagan Bella Dorogininani adliya xodimlari tug‘ilgan kuni bilan tabriklab qaytishdi.
Vohidovlar oilasi farzandlariga tug‘ilganlik guvohnomalari topshirildi
Olmazor tumanining “Ibrohim ota” mahallasida istiqomat qiluvchi oilaning 3 nafar farzandi shu paytgacha tug‘ilganlik to‘g‘risidagi guvohnomaga ega bo‘lmagan.
Ayrim sabablarga ko'ra o‘z vaqtida olinmagan guvohnoma tufayli ushbu bolalar hanuzgacha maktab va bog‘chaga chiqa olishmagan.
“Hech bir shaxs hujjatsiz qolmaydi” aksiyasi doirasida Toshkent shahar adliya boshqarmasi, Olmazor tumani FHDY bo‘limi hamda tuman davlat xizmatlari markazi xodimlari sayi harakati bilan oilaning 5, 7 va 10 yoshli farzandlariga tug‘ilganlik to‘g‘risidagi guvohnomalar rasmiylashtirilib, uylariga borib topshirildi.
Poytaxtning Mirzo Ulug‘bek tumani aholisi uchun tashkil etilgan sayyor qabulda Respublika ishchi guruhi, Toshkent shahar adliya boshqarmasi, Soliq boshqarmasi, Kadastr boshqarmasi va qator tashkilotlardan masʼullar ishtirok etib, aholini qiynab kelayotgan muammolarni bartaraf etish va yaqindan ko‘mak berish maqsadida ish olib borishdi.
Qabul davomida 150 dan ortiq fuqarolar turli murojaatlar yaʼni kadastr masalalari, shaxsini tasdiqlovchi hujjatlar bilan bog‘liq muammolar va boshqa ijtimoiy yordam masalalari bo‘yicha mutasaddi rahbarlar bilan to‘g‘ridan to‘g‘ri muloqot olib borishdi.
Ko‘hna va navqiron Samarqandga sayohat
Toshkent shahar adliya boshqarmasi tashabbusi asosida Toshkent davlat yuridik universiteti bilan hamkorlikda poytaxtning Olmazor, Mirzo Ulug'bek, Sergeli va Yunusobod tumanlaridagi 4-sektor hududida istiqomat qiluvchi yoshlar uchun Samarqand viloyatiga sayohat tashkil etildi.
Sayohatchilar 3 ta avtobusda bugun erta tongdan Toshkent shahridan yo‘lga chiqishdi. Ular qadimiy shaharning tarixi, boy madaniy merosi va mustaqillik yillarida barpo etilgan bunyodkorlik majmualari bilan tanishib, katta ta'surotlarga ega bo‘lishmoqda.