Yangiliklar

Poytaxtning Yunusobod, Olmazor va Yakkasaroy tumanlarida  ,,Adliya kuni’’ doirasida aholi uchun sayyor qabullar  tashkil etilib, fuqarolarning murojaatlari o’rganildi va muammolarni hal etish choralari ko’rildi.

Ushbu  targ’ibot ishlari mahalla yettiligi ishtirokida tuman adliya bo’limi,YXKM, DXM va FHDY xodimlari tomonidan mahallalarda xonadonlarga uyma-uy yurilib, fuqarolarga huquqiy tushuntirishlar berildi.

Shuningdek, “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident farmoni yuzasidan targ'ibot tadbirlari olib borilib aholiga tushintirishlar berildi.

Chilonzor tumani  2-son FHDY bo’limida yosh oila quruvchilar uchun seminar tashkil etildi. Unda  Adliya bo’limi, tuman Oila xotin-qizlar bo’limi, YUKXM vakillari va Oila psixologi hamda imom xatiblar ishtirok etib,  nikoh ostonasida turgan yoshlarga  “Baxtli oila sirlari” mavzusida ma'ruzalar qilishdi.

Seminar doirasida  yoshlarimizga oilada erkak va ayolning o'rni ular o'rtasidagi o'zaro hurmat  kabi tushunchalar haqida aytib o'tildi. Shuningdek,  tadbirda nikohlanuvchi yoshlarga huquqiy, psixologik yondashuv asosida oila mustahkamligi, barqarorligi, qadriyatlar ustuvorligi, oila va baxtli turmush bizning kelajagimiz ekanligi haqida tushunchalar berildi.

Toshkent shahar adliya boshqarmasiga fuqaro Jaloliddin Qutimov murojaat qilib, u tomonidan hammualliflikda yaratilgan “Multilevel Master Writing” o'quv qo'llanmasining kontrafakt nusxalari “P.P” MChJ tomonidan qonunga xilof ravishda tarqatilayotganligi to'g'risidagi xabar bergan.

Ushbu tadbirkorlik subyekti faoliyatida qonunchilikda belgilangan tartibda tekshiruv o'tkazilganda  mazkur tadbirkorlik subyekti tomonidan “Multilevel Master Writing” o'quv qo'llanmasini 3 ming nusxada muallif ruxsatisiz chop etilayotganda muallif tomonidan to'xtatilganligi aniqlandi.

Ushbu holat bo‘yicha tadbirkorlik subyektiga nisbatan MJTKning 177-prim 1-moddasi 1-qismi bilan ma’muriy huquqbuzarlik to‘g‘risidagi bayonnoma rasmiylashtirilib, ko‘rib chiqish uchun jinoyat ishlari bo‘yicha Chilonzor tuman sudiga yuborildi va sud qaroriga ko‘ra huquqbuzarga nisbatan 5,1 mln so‘m jarima jazosi tayinlandi.

Poytaxtning Yunusobod, Yashnobod, Cilonzor, Uchtepa, Yakkasaroy, Mirobod, Olmazor va Bektemir tumanlarida o‘tkazilgan "Adliya kuni" tadbirlari doirasida adliya xodimlari sayyor qabullar tashkil etib, uyma-uy yurgan holda mahallalarda  aholi muammolarini o'rganishdi.

O’rganishlar jarayonida aholini qiynab kelayotgan ijtimoiy-iqtisodiy muammolar, huquqiy masalalar yuzasidan bildirilgan murojaatlarning akasariyatiga shu joyning o‘zida ijobiy yechim topilib, qayta o‘rganishni talab etadigan holatlar nazoratga olindi.

“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident farmoni yuzasidan ham targ'ibot tadbirlari olib borildi.

Toshkent shahar adliya boshqarmasiga “Hyundai Motor Comapany” va “Kia Corporation”  kompaniyalariga tegishli bo‘lgan “Hyundai” va “KIA” tovar belgilaridan tadbirkorlar R.D.Sh va  A.Sh.O tomonidan huquq egasining roziligisiz foydalanayotganligi to‘g‘risidagi murojaati kelib tushgan.

Murojaatda ko'rsatilgan avtotransport vositalari uchun ehtiyot qismlari sotiladigan savdo do'konlarda qonunchilikda belgilangan tekshiruvlar o'tkazilganda ushbu tadbirkorlik subyektlari tomonidan “Hyundai” va “KIA” tovar belgilari bilan bir xil bo‘lgan “Hyundai” va “KIA” nomidan foydalanilayotganlik holati aniqlandi.

Ushbu holat bo‘yicha ushbu tadbirkorlik subyektlariga nisbatan MJTKning 177-moddasi bilan ma’muriy huquqbuzarlik to‘g‘risidagi bayonnomalar rasmiylashtirilib, ko‘rib chiqish uchun jinoyat ishlari bo‘yicha Chilonzor tuman sudiga yuborildi, sud qaroriga ko‘ra huquqbuzarlarga nisbatan 3,4 mln va 5,1 mln so‘m jarima jazolari tayinlandi.

Yashnobod tuman adliya bo'limi xodimlari "Madad" NNT Yashnobod tuman byurosi xodimi bilan birgalikda aholi tomonidan ko'tarilayotgan dolzarb muammolarni ko'rib chiqish va hal etish maqsadida "Shohimardon" hamda "Yangi nur" mahalla fuqarolar yig'inida bo'lishdi.

Shuningdek, Olmazor tuman adliya bo'limi tomonidan ham "Xastimom" mahalla fuqarolar yig'inlarida aholi muammolari o'rganildi.

Mazkur tadbirlar jarayonida  tadbirkorlik, pensiya hamda bolalar uchun nafaqalarni olish tartibi, meros masalalari, nikohni qayd etish va uni bekor qilish, shuningdek, uy-joy bilan bog'liq nizoli holatlar kabi turli masalalar yuzasidan huquqiy tushuntirishlar berildi.

Tumanda joylashgan kichik sanoat zonasida faoliyat olib borayotgan tadbirkorlar uchun yaratilgan shart-sharoitlar bilan tanishar ekan, tadbirkorlarni qiynayotgan huquqiy muammolar, jumladan xususiylashtirish, soliq, bojxona va boshqa shu kabi sohalarga oid masalalar tinglanib, ularni hal qilish masalalari muhokama qilindi.

Ma’lumot o’rnida, bugungi kunda kichik sanoat zonasida 80 nafardan ortiq tadbirkorlar ish olib borayotgan bo‘lib, 50dan ortiq ishlab chiqarish jarayonlari ya’ni plastik idishlar, qog’ozni qayta ishlash, tekstil mahsulotlari, mebel ishlab chiqarish kabi yo’nalishlar yo‘lga qo‘yilgan.

Shayxontohur tumani “Gulobod” mahallasida tashkil qilingan sayyor qabulda tuman hokimligi hamda korxona va tashkilotlar mas’ullari ishtirok etishdi.

Tadbirda A.Karimov dastlab "Ma’muriy islohotlar doirasida adliya organlari va muassasalari mas’uliyatini yanada oshirish chora-tadbirlari to‘g‘risida"gi Prezident Farmoni mazmun-mohiyati tushuntirildi. Shundan so‘ng aholi murojaatlari tinglandi.

Sayyor qabul davomida kadastr hujjatini rasmiylashtirish, moddiy yordam olish, bola puli, davolanish uchun order,  ishga joylashish, kommunal soha kabi masalalarda 34 ta murojaatlar kelib tushdi.

Shundan 26 ta murojaat joyida o‘z yechimini topdi, qo‘shimcha o‘rganish talab qiladigan 8 ta murojaat ish yurituvga qabul qilinib, ijrosi alohida nazoratga olindi.

Sayyor qabul jarayonida aholiga davlat xizmatlaridan foydalanish imkoniyati ham yaratilib, 20 nafarga yaqin  fuqarolarga sayyor tartibda xizmatlar ko‘rsatildi.

Poytaxtning Mirzo Ulug‘bek tumanida o‘tkazilgan “Adliya kuni” doirasida “Alisherobod” va “Sultoniya” mahallalarida “mahalla yettiligi” bilan hamkorlikda aholi uchun sayyor qabul o‘tkazildi.

Qabul davomida fuqarolarning mehnat huquqlari, kadastr, mol mulk va meros masalalari, hujjatlar bilan bog‘liq murojaatlari tinglanib, huquqiy yordam ko‘rsatish choralari ko‘rildi.

Uyma-uy yurib aholi  muammolarini o‘rganish davomida ham 15 dan ortiq murojaatlar ko‘rib chiqildi.

Uchrashuvda dastlab “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Prezident Farmonida belgilangan vazifalar yuzasidan tushunchalar berildi.

Shundan so‘ng  "mahalla yettiligi" tomonidan aholining kundalik hayotida uchrayotgan muammolar, ularni hal etish, ijtimoiy himoyaga muhtoj aholini qo‘llab-quvvatlash, jinoyatchilik va huquqbuzarliklarni oldini olish, yoshlarning bo‘sh vaqtlarini mazmunli tashkil etish, oilaviy ajrimlarning oldini olish borasidagi faoliyati o‘rganilib, faoliyatda vujudga kelayotgan muammolarni  bartaraf etish yuzasidan zarur tavsiya va ko‘rsatmalar berildi.