Yangiliklar

Toshkent shahar adliya boshqarmasi boshlig‘i Shayxontohur tumani „Kamolon darvoza“ MFYda adliya organlari tomonidan otaliqqa olingan yoshlar bilan uchrashdi.

Uchrashuvda 15 nafardan ortiq qizil, sariq va yashil toifaga kiritilgan yoshlar bilan suhbatlashib, ularning huquqiy va ijtimoiy masalalardagi muammolari tinglandi va hal etish choralari ko‘rildi.

Yoshlardan biri o‘zini o‘zi band qilish maqsadida akvarium yasab sotishni yo‘lga qo‘yishda kerakli asbob uskunalar uchun 20 mln so‘m miqdorda kredit zarurligini aytdi va unga kredit olishida yordam ko‘rsatildi.

Shuningdek, 1-guruh nogironi bo‘lgan yigitga aravacha va yana bir yigitga davolanish uchun moddiy yordam ajratish bo‘yicha amaliy choralar ko‘rilmoqda.

Poytaxtning Chilonzor, Yunusobod, Mirobod va Yashnobod tumanlarida o‘tkazilgan "Adliya kuni" tadbirlari doirasida adliya xodimlari sayyor qabullar tashkil etib, uyma-uy yurgan holda mahallalarda  aholi muammolarini o'rganishdi.

O’rganishlar jarayonida aholini qiynab kelayotgan ijtimoiy-iqtisodiy muammolar, huquqiy masalalar yuzasidan bildirilgan murojaatlarning akasariyatiga shu joyning o‘zida ijobiy yechim topilib, qayta o‘rganishni talab etadigan holatlar nazoratga olindi.

“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident farmoni yuzasidan ham targ'ibot tadbirlari olib borildi.

Joriy yilning 16-iyul kuni Adliya vazirligi huzuridagi «Intellektual mulk markazi» davlat muassasasi direktori B.Sagdullayev, Toshkent shahar adliya boshqarmasi boshlig‘i N.Muxammadiyev hamda markazning tegishli mutaxassislari ishtirokida Toshkentda sayyor qabul o‘tkazildi.

Mazkur sayyor qabul tadbirkorlik subyektlari, manfaatdor shaxslar, mualliflar, hammualliflar o‘rtasida davra suhbati tarzida bo‘lib o‘tdi.

Tadbir davomida ishtirokchilar tomonidan o‘z ishlanmalariga oid mavjud muammolar bo‘yicha berilgan savollarga javoblar, qo‘shimcha tavsiya va maslahatlar berildi.

Sayyor qabulda, intellektual mulk obyektlari bo‘yicha taqdim etilayotgan talabnomalar sifatini oshirish, xususan, talabnomalarni to‘g‘ri tuzish, topshirish, ular bo‘yicha ish yuritish masalalari bilan bog‘liq amaliy ko‘mak ko‘rsatildi.

„Adliya kuni“ doirasida poytaxtning Yashnobod, Yakkasaroy hamda M.Ulug’bek tuman adliya bo'limi xodimlari sayyor qabul hamda uyma-uy yurgan holda aholi tomonidan ko'tarilayotgan dolzarb muammolarni o’rganib, hal etish choralini ko‘rishdi.

Tadbir davomida fuqarolga qonunchilik hujjatlarida belgilangan imtiyozlar, tadbirkorlik, meros masalalari, nikohni qayt etish va uni bekor qilish, shuningdek, uy-joy bilan bog'liq nizoli holatlar hamda davlat tomonidan ipoteka krediti olish uchun ajratiladigan subsidiyalar kabi turli masalalar yuzasidan huquqiy tushuntirishlar olib borildi.

Shuningdek “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakillantirish to‘g‘risida”gi Prezident farmoni yuzasidan keng tushintirish ishlari ham olib borildi.

Адлия эслатади

⚠️ Қонунчиликка кўра, нодавлат нотижорат ташкилотлари (шу жумладан, диний ташкилотлар) ҳар йили 1 февралга қадар ўтган йилдаги фаолияти юзасидан адлия органига ҳисобот тақдим этади.

Ҳисобот шакллари билан қуйидаги ҳаволалар орқали танишиш мумкин:

Нодавлат нотижорат ташкилотлари учун: https://lex.uz/docs/3796969

Диний ташкилотлар учун: https://lex.uz/docs/4089832

Ҳисоботни қулай ва сифатли топшириш учун https://www.e-ngo.uz/ портали ишга туширилган.

Ҳисобот нодавлат нотижорат ташкилотининг шахсий кабинетида тўлдирилади.

☝Ҳисобот топшириш давомида адлия органи ходими ёки ҳар қандай шахс томонидан коррупцияга оид хатти-ҳаракатлар содир этилса ёки унинг аломатлари ҳақида маълумотга эга бўлсангиз, қуйидагилар орқали Адлия вазирлигига хабар беришингиз сўралади:

– @antikorbot телеграм канали;
– “1008” ишонч телефони;
–  (71) 207 04 39;
– info@adliya.uz;
– minjust@exat.uz.

Унутманг: ҳисобот адлия органига 1 йилда фақат бир марта электрон тизим орқали топширилади. Қоғоз шаклда ҳисобот тақдим этиш талаб қилинмайди.

e-ngo.uz (https://e-ngo.uz/)
NNT
Негосударственные некоммерческие организации

Xalqaro oila kuni munosabati bilan Chilonzor tuman Adliya bo’limi 1-son va 2-son FHDY bo’limlari hamda Oila va xotin-qizlar qo’mitasi bilan hamkorlikda
“Oila muqaddas dargoh, oila bu o’tmish, bugun va kelajak” deb nomlangan tadbir o’tkazildi!

Tadbirga yosh oila quruvchilar bilan birglikda uzoq yillardan buyon birga ahillikda oila qo’rg’onini mustahkam qilib yashab kelayotgan ibratli oilalar ham taklif etildi.  

Davra suhbati tarzida tashkil etilgan seminarda yoshlar o’zlari uchun huquqiy hamda hayotiy bilimlarga ega bo’lishdi.

Toshkent shahar adliya boshqarmasi tomonidan hududlarda adliya organlariga  biriktirilgan yoshlar bilan manzilli ishlar olib borilmoqda. Xususan, Yangihayot tumanida 1 645 nafar 14 yoshdan 30 yoshgacha bo’lgan yoshlar adliya tomonidan otaliqqa olingan.

Tuman adliya bo‘limi, FHDY bo‘limi, Davlat xizmatlari markazi hamda  Yiridik xizmat markazi xodimlari tomonidan “Chortoq” mahallasidagi yashil toifaga kiritilgan yoshlar bilan o’tkazilgan uchrashuvda ularning  sportga bo’lgan qiziqishlari inobatga olinib, mahalla yoshlarining futbol jamoasi uchun sport kiyimlari sovg‘a qilindi.

Toshkent shahar adliya boshqarmasi tomonidan "9-may — Xotira va qadrlash kuni" munosabati bilan adliya faxriylari,  xodimlar va yoshlar ishtirokida "Uch avlod uchrashuvi" o'tkazildi.

Uchrashuvda adliya faxriylari sobiq hamkasblari va shogirdlari bilan dildan suhbatlashishdi.  Faxriylar o'tgan davrlarni esga olishib, ustozlar xotirasini yod etishdi.

Navro‘z ayyomi arafasida Toshkent shahrining 10 ta tumanida  yoshlar uchun yangi kutubxonalar ochildi.

Adliya vazirligining “kutubxona” loyihasi doirasida amalga oshirilayotgan xayrli tashabbus doirasida mahallalarda ochilgan yangi kutubxonalar o‘zbek adabiyoti durdonalari, bolalar adabiyotlari, tarixiy asarlar, jahon adabiyoti, hamda Prezident asarlari bilan boyitildi.

Jumladan, Olmazor tumanining “Ziyokor” mahallasida ochilgan mo‘jazgina kutubxona ham mahalla yoshlari uchun bayram arafasida katta sovg‘a bo‘lganini tadbirda ishtirok etgan yozuvchilar, mahalla faollari va nuroniylar alohida taʼkidlashdi.

Mazkur loyihaning o‘z oldiga qo‘ygan maqsadi yurtimiz yoshlari orasida kitobxonlikni keng targ‘ib qilish, ularda kitob o‘qishga bo‘lgan qiziqishni orttirish va intellektual salohiyatini oshirishga bo‘lgan intilishni qo‘llab-quvvatlashdir.

Yurtimiz bo‘ylab 16-18 mart kunlari “Navro‘z” umumxalq bayramini nishonlash hamda muborak Ramazon oyini munosib o‘tkazish maqsadida “Obod va fayzli mahalla – yurt ko‘rki” shiori ostida umumxalq xayriya hashari o‘tkazilmoqda. 

Toshkent shahar adliya boshqarmasi xodimlari ham hasharda faol ishtirok etmoqda. Xayriya hashari davomida binolar atroflari tozalanib, obodonlashtirilmoqda, daraxtlar oqlanib, shakl berilib, gullar ekilmoqda.