Yangiliklar

Yangihayot tumani adliya bo'limi xodimlari tomonidan tumanning "Yangi Darhon" mahallasi yettiligi a'zolariga «2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida»gi Prezident qarorining mazmun-mohiyati haqida huquqiy tushuntirishlar berildi.

Shuningdek, “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi 133-sonli Prezident qarori ijrosi yuzasidan targ‘ibot materiallari tarqatildi.

Shu bilan birga mahalla fuqarolari uchun bo'lib o'tgan sayyor qabulda ularning murojaatlari tinglanib, adliya bo'limi ish yurituviga olindi.

Mazkur tadbirda Toshkent shahar adliya boshqarmasi Inson huquqlarini himoya qilish sho'basi xodimlari ishtirok etishdi.

“Jismoniy va yuridik shaxslarning murojaatlari ariza, taklif va shikoyatlari og‘zaki yoki yozma bo‘lishidan qat’iy nazar o‘z vaqtida javob berilishi va elektron tarzda belgilangan muddatda murojaatchi manziliga yetkazilishida mas’uliyatni oshirish bugunning dolzarb masalalaridan biri sanaladi. Aholi ishonchini oqlashda har bar davlat xizmatchisi o‘zida mas’uliyat va e’tiborni his qilmog‘i lozim. Shu bilan birga, topshiriqlar ijrosini o‘z vaqtida bajarish, rejada belgilangan vazifalarga  va mehnat qonunchiligidagi talablarga qat’iy rioya etilishini ta’minlash,  har bir xodimning vazifasi ekanligini unutmaslik kerak.” – dedi Alisher Nekov.

Toshkent shahar adliya boshqarmasi tomonidan 1-oktabr - O'qituvchi va murabbiylar kuni munosabati bilan adliya boshqarmasi va uning quyi tizimlari FHDY, Notariat sohalarida uzoq yillar faoliyat ko’rsatib, qonunchilikni takomillashtirishga o’zlarining munosib hissalarini qo’shib kelgan faxriy ustozlar ishtirokida tadbir tashkil etildi.

Tadbirda ustozlarning ko'p yillik mehnatlari yodga olinib, ularning tajribalari bugun ham shogidlari uchun katta maktab vazifasini o'tayotgani alohida ta'kidlandi.

Bayram munosabati bilan ustoz faxriylarga tashakkurnoma va esdalik sovg'alari taqdim etildi.

"Ijtimoiy himoyaga muhtoj aholi qatlamlariga huquqiy ko‘mak" aksiyasi doirasida Bektemir tumani “ Zabardast ”, “Mirishkor”, “Oltintopgan”, Shayxontohur tumani “Koʻkcha”, Yunusobod tumani “Shahriston”, Mirobod tumani “Inoqobod”, "Tong yulduzi" MFYlarida adliya bo'limlari xodimlari tomonidan fuqarolarning muammolarini aniqlash  yuzasidan sayyor qabullar o'tkazildi.

Tadbir davomida, ijtimoiy himoyaga muhtoj aholi qatlamlari bilan manzilli ishlash, muammolarni o‘rganish va hal etishga qaratilgan huquqiy yordam ko‘rsatish hamda ijtimoiy himoyaga muhtoj aholining huquqiy ongi va madaniyatini yanada oshirish yuzasidan tushuntirishlar berildi.

Shuningdek, mazkur mahalla yettiligi a’zolari va fuqarolarga “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi Prezident qarori ijrosi yuzasidan tushuntirishlar berildi.

Sergeli tumani adliya bo‘limi tomonidan tumandagi 349-sonli maktabda “Mamlakat kelajagi — qonunga itoatkor va huquqbuzarlikka toqatsiz yoshlar bilan” g‘oyasi asosida targ‘ibot tadbiri tashkil etildi.

Yoshlarning huquqiy ongi va madaniyatini yuksaltirish hamda ularning huquqiy tarbiyasiga salbiy ta’sir ko‘rsatuvchi omillarga nisbatan huquqiy immunitetni shakllantirishga qaratilgan mazkur tadbirda mamlakatimizda yoshlar uchun yaratib berilayotgan imkoniyatlar, amalga oshirilayotgan islohotlar, ta’lim tizimidagi yangiliklar haqida alohida to‘xtalib o‘tildi.

Shuningdek, tadbir davomida oʻquvchilarga yoshlar o‘rtasida ro‘y berayotgan huquqbuzarliklarning kelib chiqish sabablari, uni oldini olish choralari va jinoyatni keltirib chiqaruvchi omillarga befarq boʻlmaslik, ta’lim jarayonida yuzaga keladigan korrupsiyaviy omillar va ular haqida xabar berish masalalari yuzasidan tushuntirishlar berib oʻtildi.

Toshkent shahar adliya boshqarmasi va Bojxona qo‘mitasining Toshkent shahar bo‘yicha boshqarmasi bilan hamkorlikda “Arq buloq” TIF bojxona postida tadbirkorlik subyekti vakillari ishtirokida targ‘ibot tadbiri o‘tkazildi.

Mazkur uchrashuvda O‘zbekiston Respublikasining 2025-yil 8-avgustda qabul qilingan O‘RQ–1080-son Qonuni mazmun-mohiyati hamda ushbu hujjat asosida Jinoyat va Ma’muriy javobgarlik to‘g‘risidagi kodekslarga kiritilgan o‘zgartirish hamda qo‘shimchalar yuzasidan batafsil tushuntirishlar berildi.

Shuningdek, tadbirkorlik subyektlariga “Kontrafakt mahsulotlar katalogi” hamda Intellektual mulk sohasida qonunchilik hujjatlariga kiritilgan o‘zgarishlar yuzasidan targ‘ibot materiallari tarqatildi.

Ijtimoiy himoyaga muhtoj aholi qatlamlariga huquqiy ko‘mak" aksiyasi doirasida poytaxtning Mirobod tumani “Farovon”, "At-Termiziy", Sergeli tumani “Ziynat”, Yashnobod tumani "Xosiyatli", Uchtepa tumani "Noʻgʻoy qoʻrgʻon", “Sog'uniy”, "Diydor", “Qoziguzar” MFYlarida adliya bo'limlari xodimlari tomonidan fuqarolarning muammolarini aniqlash va ularga bepul huquqiy maslahat berish yuzasidan tadbirlar o'tkazildi.

Tadbir davomida, aholiga “my.gov.uz”, “yurxizmat.uz”, “advice.uz” portallaridan foydalanish tartibi haqida ma’lumotlar berildi hamda aholi orasidagi turli muammolar xususan, migratsiya, meros moddiy yordam, bola nafaqasi, aliment to‘lash, ishga joylashish va boshqalar bo‘yicha huquqiy tushuntirishlar berildi.

Shuningdek, mazkur mahalla yettiligi a'zolari va fuqarolarga “Mening mahallamda jinoyat boʻlmaydi” dasturi doirasida firibgarlik jinoyatlaridan himoyalanish yuzasidan tushuntirishlar berildi.

Shayxontohur tumani 1-son FHDY bo'limi va tuman Oila va xotin-qizlar bo'limi bilan hamkorlikda nikohlarini rasmiylashtirish uchun ariza taqdim etgan yosh oila quruvchilar o'qitildi.

O'quv mashg'ulotlari davomida tuman FHDY bo'limi xodimlari, diniy idora vakillari va oilaviy psixolog tomonidan yoshlarga tibbiy, huquqiy, psixologik, ma'naviy va ma'rifiy hamda diniy mavzularda tushuntirish ishlari olib borildi.

Shuningdek, xotin-qizlar huquqlarini himoya qilish, ularning ijtimoiy-siyosiy va sotsial faolligini oshirish hamda huquqiy madaniyatini yuksaltirish, huquq va erkinliklarini himoya qilish, qonunchilikda belgilangan imtiyozlar yuzasidan huquqiy tushintirishlar berildi.

O'quv mashg'ulotlarini tamomlagan oila qurish ostonasida turgan 10 nafar juftliklarga sertifikatlar topshirildi.

Poytaxtning Yunusobod, Mirobod va Sergeli tumanlarida Adliya bo‘limlari hamda Mahallalar uyushmasi bilan hamkorlikda "Mahalla tizimi xodimlarining bilim va malakalarini oshirish boʻyicha oʻquv seminar"lari tashkil etildi.

Unda "Mahalla insitutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta'minlashga qaratilgan chora-tadbirlari to‘g‘risida"gi Prezident Farmoni asosida mahallalarni qo‘llab-quvvatlashni takomillashtirish, mahallabay ishlashga mas'ul shaxslar faoliyatini samarali tashkil etish, ularni hamkorligini ta'minlash yuzasidan huquqiy bilimlari oshirildi.

Shuningdek,“2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi Prezident qarori ijrosini ta’minlash yuzasidan huquqiy tushuntirishlar berildi.

Kontrafakt mahsulotlar aylanishini oldini olish va unga qarshi kurashish maqsadida Toshkent shahar adliya boshqarmasi va  bojxona boshqarmasi hamkorlikda Toshkent-Tovar bojxona postida tadbirkorlik subyekti vakillari ishtirokida kontrafakt mahsulotlar realizatsiyasini oldini olishga qaratilgan targ‘ibot tadbiri o‘tkazildi.

Tadbir davomida tadbirkorlarga kontrafakt mahsulotlarni realizatsiya qilishning salbiy oqibatlari hamda ularni sotganlik uchun qonunchilikda belgilangan javobgarlik choralari yuzasidan batafsil ma’lumot berildi.

Shuningdek, “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ–1080-son Qonunning mazmuni tushuntirilib, intellektual mulk sohasidagi huquqbuzarliklar uchun jinoiy javobgarlik kuchaytirilgani alohida ta’kidlandi.

Ushbu tadbirlar iste’molchilar huquqlarini himoya qilish va sifatli mahsulotlar bozorini shakllantirishda muhim ahamiyat kasb etadi.